ರೂ.1,130 ದರದಲ್ಲಿ ಆಕಾಶ್‌-2 ಟ್ಯಾಬ್ಲೆಟ್‌ ಖರೀದಿಸಿ

Posted By: Vijeth

ರೂ.1,130 ದರದಲ್ಲಿ ಆಕಾಶ್‌-2 ಟ್ಯಾಬ್ಲೆಟ್‌ ಖರೀದಿಸಿ

ಭಾರತೀಯ ಗ್ರಾಹಕರುಗಳಿಗೆ ದೀಪಾವಳಿ ಹಬ್ಬದ ವಿಶೇಷ ಕೊಡುಗೆ ಎಂಬಂತೆ ಬಹು ನಿರೀಕ್ಷಿತ ಆಕಾಶ್‌-2 ಟ್ಯಾಬ್ಲೆಟ್‌ ಭಾರತೀಯ ಮಾರುಕಟ್ಟೆಗೆ ಬಿಡುಗಡೆಯಾಗಿದೆ. ಈ ಮೊದಲು ಆಕಾಶ್‌ ಟ್ಯಾಬ್ಲೆಟ್‌ ಸಿದ್ಧಪಡಿಸಿದ್ದಂತಹ ಬ್ರಿಟನ್‌ ಮೂಲದ ತಯಾರಿಕಾ ಸಂಸ್ಥೆಯಾದ ಡೇಟಾವಿಂಟ್‌ ಸಂಸ್ಥೆಯೇ ಆಕಾಶ-2 ಟ್ಯಾಬ್ಲೆಟ್‌ ಸಿದ್ಧಪಡಿಸಿದ್ದು ಭಾರತದ ನೂತನ ರಾಷ್ಟ್ರಪತಿಗಳಾದ ಪ್ರಣಬ್‌ ಮುಖರ್ಜಿ ಭಾನುವಾರ ಆಕಾಶ್‌-2 ಟ್ಯಾಬ್ಲೆಟ್‌ ಬಿಡುಗಡೆ ಮಾಡಿದ್ದಾರೆ.

ಪಿಟಿಐನ ವರದಿಗಳ ಪ್ರಕಾರ ನೂತನ ಆಕಾಶ್‌-2 ರೂ.1,130 ಮುಖ ಬೆಲೆಯಲ್ಲಿ ವಿದ್ಯಾರ್ಥಿ ಗಳಿಗೆ ದೊರೆಯಲಿದ್ದು, ಅಲ್ಲದೆ ಭಾರತದಲ್ಲಿನ ಎಲ್ಲಾ ಎಂಜಿನಿಯರಿಗ್‌ ಕಾಲೇಜು ಹಾಗೂ ವಿಶ್ವವಿದ್ಯಾಲಯಗಳಲ್ಲಿನ ವಿದ್ಯಾರ್ಥಿಗಳಿಗೆ ಖರೀದಿಸಲು ಲಭ್ಯವಾಗುವಂತೆ ವಿಶೇಷ ಸೌಲಭ್ಯ ಒದಗಿಸಲಾಗುವುದು ಎಂದು ತಿಳಿಸಿವೆ.

ಅಂದಹಾಗೆ ನೂತನ ಆಕಾಶ್‌-2 ಟ್ಯಾಬ್ಲೆಟ್‌ನ ವಿಶೇಷತೆ ಕುರಿತಾಗಿ ಹೇಳುವುದಾದರೆ 7 ಇಂಚಿನ ಮಲ್ಟಿ-ಟಚ್‌ ಸಾಮರ್ತ್ಯದ ದರ್ಶಕದೊಂದಿಗೆ 800 x 480 ಪಿಕ್ಸೆಲ್‌ ರೆಸೆಲ್ಯೂಷನ್‌ ಹೊಂದಿದ್ದು, 1GHz ARM ಕಾರ್ಟೆಕ್ಸ್‌ ಎ8 ಪ್ರೊಸೆಸರ್‌, 512ಎಂಬಿ RAM, 4ಜಿಬಿ ಆಂತರಿಕ ಸ್ಟೋರೇಜ್‌, ಮುಂಬದಿಯ ಕ್ಯಾಮೆರಾ, ವೈ-ಫೈ ಕನೆಕ್ಟಿವಿಟಿ ಸೇರಿದಂತೆ 3,000 mAh ಲಿ-ಇಯಾನ್‌ ಬ್ಯಾಟರಿ ನೀಡಲಾಗಿದ್ದು 3 ಗಂಟೆಗಳ ಬ್ಯಾಕಪ್‌ ನೀಡುತ್ತದೆ. ಅಂದಹಾಗೆ ಆಕಾಶ್‌-2 ಟ್ಯಾಬ್ಲೆಟ್‌ನಲ್ಲಿ ಆಂಡ್ರಾಯ್ಡ್‌ 4.0.3 ಐಸಿಎಸ್‌ ಆಪರೇಟಿಂಗ್‌ ಸಿಸ್ಟಂ ನೀಡಲಾಗಿದೆ.

ಡೇಟಾವಿಂಡ್‌ ಸಂಸ್ಥೆ ಸಿದ್ಧ ಪಡಿಸಿರುವ ನೂತನ ಟ್ಯಾಬ್ಲೆಟ್‌ ಅನ್ನು ಭಾರತೀಯ ಸರ್ಕಾರ ರೂ. 2,263 ದರದಲ್ಲಿ ಸಂಸ್ಥೆಯಿಂದ ಖರೀದಿಸಿದ್ದು ಶೇಕಡ 50% ರಿಯಾಯಿತಿಯೊಂದಿಗೆ ವಿದ್ಯಾರ್ಥಿಗಳಿಗೆ ರೂ. 1,130 ದರದಲ್ಲಿ ಲಭ್ಯವಾಗುವಂತೆ ಮಾಡಿದೆ ಎಂದು ಡೇಟಾವಿಂಡ್‌ ಸಂಸ್ಥೆಯ ಮುಖ್ಯಸ್ಥರಾದ ಸುನೀತ್‌ ಟುಲಿ ತಿಳಿಸಿದ್ದಾರೆ.

ಇದಲ್ಲದೆ ಭಾರತೀಯ ಸರ್ಕಾರವು ರಾಜ್ಯಸರ್ಕಾರಗಳನ್ನು ಸಹ ನೂತನ ಟ್ಯಾಬ್ಲೆಟ್‌ನ ಮೆಲೆ ರಿಯಾಯಿತಿ ನೀಡುವಂತೆ ಮಾತುಕತೆ ನಡೆಸಿದ್ದು, ಈ ಮೂಲಕ ವಿದ್ಯಾರ್ಥಿಗಳಿಗೆ ಉಚಿತವಾಗಿ ಟ್ಯಾಬ್ಲೆಟ್‌ಗಳು ಲಭ್ಯವಾಗುವಂತೆ ಮಾಡಲು ಪ್ರಯತ್ನ ನಡೆಸುತ್ತಿದೆ ಎಂದು ಅವರು ತಿಳಿಸಿದ್ದಾರೆ.

ಅಂದಹಾಗೆ ಡೇಟಾವಿಂಡ್‌ ಸಂಸ್ಥೆಯು ನೂತನ ಆಕಾಶ್‌-2 ಟ್ಯಾಬ್ಲೆಟ್‌ ಅನ್ನು ಇತರೆ ಗ್ರಾಹಕರುಗಳಿಗಾಗಿ ಯುಬಿಸ್ಲೇಟ್‌ 7ಸಿಐ ಹೆಸರಿನಲ್ಲಿ ರೂ. 4,499 ದರದಲ್ಲಿ ಬಿಡುಗಡೆ ಮಾಡಿದ್ದು, ಡೇಟಾವಿಂಡ್‌ ಸಂಸ್ಥೆಯ ಅಧಿಕೃತ ವೆಬ್‌ಸೈಟ್‌ನ ಮೂಲಕ ಖರೀದಿಸ ಬಹುದಾಗಿದೆ.

ನೂತನ ಆಕಾಶ್‌-2 ಟ್ಯಾಬ್ಲೆಟ್‌ ಕುರಿತಾಗಿ ನಿಮ್ಮ ಅನಿಸಿಕೆ ಹಾಗೂ ಅಭಿಪ್ರಾಯಗಳನ್ನು ಕಮೆಂಟ್‌ ಮೂಲಕ ನಮಗೆ ತಿಳಿಸಿ.

Read In English...

ಅಕ್ಟೋಬರ್‌ನಲ್ಲಿ ಬಿಡುಗಡೆಯಾದ ಟಾಪ್‌ 10 ಆಂಡ್ರಾಯ್ಡ್‌ ಟ್ಯಾಬ್ಸ್‌

Please Wait while comments are loading...
Opinion Poll

Social Counting

ಇಡೀ ದಿನದ ತಾಜಾ ಸುದ್ದಿಗಳನ್ನು ಒಂದೇ ಕ್ಲಿಕ್ ನಲ್ಲಿ ಪಡೆಯಿರಿಿ- Kannada Gizbot