ಜಿಯೋ ಫೋನ್‌ಗಳಲ್ಲಿಯೂ ಆರೋಗ್ಯ ಸೇತು ಆಪ್ ಲಭ್ಯ!

|

ಡೆಡ್ಲಿ ಕೊರೊನಾ ವೈರಸ್‌ ನಿಯಂತ್ರಣಕ್ಕಾಗಿ ಕೇಂದ್ರ ಸರ್ಕಾರ ಲಾಕ್‌ಡೌನ್‌ ಜಾರಿಮಾಡಿದೆ. ಅದರೊಂದಿಗೆ ಕೋವಿಡ್‌-19 ಟ್ರಾಕಿಂಗ್ ಮಾಡಲು ಆರೋಗ್ಯ ಸೇತು ಮೊಬೈಲ್ ಆಪ್‌ ಸಹ ಬಿಡುಗಡೆ ಮಾಡಿದೆ. ಜನರ ಹತ್ತಿರದಲ್ಲಿ ಕೋವಿಡ್‌ ಸೋಂಕಿತರು ಕಂಡುಬಂದರೇ ಆ ಬಗ್ಗೆ ಆರೋಗ್ಯ ಸೇತು ಆಪ್‌ ಬಳಕೆದಾರರಿಗೆ ಎಚ್ಚರಿಸುತ್ತದೆ. ಆರೋಗ್ಯ ಸೇತು ಆಪ್‌ ಅನ್ನು ಎಲ್ಲರೂ ಬಳಕೆ ಮಾಡಲು ಸರ್ಕಾರ ಸಹ ಸೂಚಿಸಲಾಗಿದ್ದು, ಈಗಾಗಲೇ ಅಧಿಕ ಮಿಲಿಯನ್ ಡೌನ್‌ಲೋಡ್ ಕಂಡಿದೆ. ಆದ್ರೆ ಇದೀಗ ಈ ಆಪ್‌ ಇನ್ನು ಜಿಯೋ ಫೋನ್ ಬಳಕೆದಾರರಿಗೂ ಲಭ್ಯವಾಗಿದೆ.

ಜಿಯೋ ಫೋನ್

ಹೌದು, ಜಿಯೋ ಫೋನ್ ಬಳಕೆದಾರರಿಗೂ ಈಗ ಆರೋಗ್ಯ ಸೇತು ಮೊಬೈಲ್ ಆಪ್‌ನ ವಿಭಿನ್ನ ಆವೃತ್ತಿಯ ಲಭ್ಯವಾಗಿದೆ. ರಾಯಟರ್ಸ್‌ ವರದಿಯಂತೆ ಸುಮಾರು 5 ಕೋಟಿ ಜಿಯೋ ಫೋನ್ ಬಳಕೆದಾರರಿಗಾಗಿ ಆರೋಗ್ಯ ಸೇತು ಆಪ್‌ ಭಿನ್ನ ಮಾದರಿಯಲ್ಲಿ ರೂಪಿಸಲಾಗಿದೆ. ಇನ್ನು ಏಪ್ರಿಲ್ 2 ರಂದು ಬಿಡುಗಡೆ ಮಾಡಲಾಗಿದ್ದು, ಕೇವಲ 41 ದಿನಗಳಲ್ಲಿ ಸುಮಾರು 10ಕೋಟಿ ಡೌನ್‌ಲೋಡ್ ಕಂಡಿದೆ.

ಸ್ಮಾರ್ಟ್‌ಫೋನ್

ಭಾರತದಲ್ಲಿ ಸ್ಮಾರ್ಟ್‌ಫೋನ್‌ಗಳ ಸಂಖ್ಯೆ ಸುಮಾರು 45 ರಿಂದ 50 ಕೋಟಿಗಳಷ್ಟಿದೆ. ಹಾಗೆಯೇ ಫೀಚರ್ ಫೋನ್‌ಗಳನ್ನು ಬಳಸುವ ಜನರ ಸಂಖ್ಯೆ ಹೆಚ್ಚಿದೆ. ಸುಮಾರು 11 ಕೋಟಿ ಜನರು ಜಿಯೋ ಫೋನ್ ಬಳಸುತ್ತಾರೆ. ಆದ್ದರಿಂದ, KaiOS ಆಪರೇಟಿಂಗ್ ಸಿಸ್ಟಮ್ ಬಳಸುವ ಜಿಯೋ ಫೋನ್‌ಗಳಿಗಾಗಿ, ಆರೋಗಾ ಸೇತು ಆವೃತ್ತಿಯನ್ನು ಅಭಿವೃದ್ಧಿಪಡಿಸುತ್ತಿದ್ದೇವೆ ಎಂದು ಇತ್ತೀಚಿಗೆ ಮೈಗೋವ್ ಇಂಡಿಯಾದ ಸಿಇಒ ಅಭಿಷೇಕ್ ಸಿಂಗ್ ಹೇಳಿದ್ದರು.

ಆಂಡ್ರಾಯ್ಡ್ ಓಎಸ್‌

ಆಂಡ್ರಾಯ್ಡ್ ಸ್ಮಾರ್ಟ್‌ಫೋನ್‌ಗಳು ಆಂಡ್ರಾಯ್ಡ್ ಓಎಸ್‌ ನಲ್ಲಿ ಕಾರ್ಯನಿರ್ವಹಿಸುತ್ತವೆ. ಈಗಾಗಲೇ ಆಂಡ್ರಾಯ್ಡ್ ಓಎಸ್‌ನಲ್ಲಿ ಆರೋಗ್ಯ ಸೇತು ಆಪ್ ಲಭ್ಯವಿದೆ. ಆದರೆ ರಿಲಯನ್ಸ್ ಜಿಯೋ ಫೋನ್‌ಗಳು KaiOS ಆಪರೇಟಿಂಗ್ ಸಿಸ್ಟಂನಲ್ಲಿ ಕಾರ್ಯನಿರ್ವಹಿಸುತ್ತವೆ. ಈ ಆಪರೇಟಿಂಗ್ ಸಿಸ್ಟಂಗೆ ಬೆಂಬಲ ಸೂಚಿಸುವಂತೆ ಆರೋಗ್ಯಾ ಸೇತು ಆಪ್‌ ಅನ್ನು ಭಿನ್ನ ಆವೃತ್ತಿಯಲ್ಲಿ ಪರಿಚಯಿಸಲು ಸರ್ಕಾರ ಈಗಾಗಲೇ ಕಾರ್ಯನಿರ್ವಹಿಸುತ್ತಿದೆ ಎಂದು ಅಭಿಷೇಕ್ ಸಿಂಗ್ ಹೇಳಿದ್ದಾರೆ.

ಆರೋಗ್ಯಾ ಸೇತು

ಒಂದು ವೇಳೆ ಸ್ಮಾರ್ಟ್‌ಫೋನ್ ಇಲ್ಲದಿದ್ದರೆ, ಆರೋಗ್ಯಾ ಸೇತು ಇಂಟರ್ಯಾಕ್ಟಿವ್ ವಾಯ್ಸ್ ರೆಸ್ಪಾನ್ಸ್ ಸಿಸ್ಟಮ್ (IVRS)ನ ಟೋಲ್-ಫ್ರೀ ಸಂಖ್ಯೆಯನ್ನು 1921 ಬಳಸಬಹುದು. ಈ ಸಂಖ್ಯೆಗೆ ಮಿಸ್ಡ್ ಕಾಲ್ ನೀಡಬಹುದಾಗಿದೆ. ಮಿಸ್ಡ್‌ ಕಾಲ್ ಮಾಡಿದ ಬಳಿಕ ಮರಳಿ ಕರೆ ಬರಲಿದ್ದು, ಆರೋಗ್ಯದ ಬಗ್ಗೆ ಸರಳ ಮಾಹಿತಿ ಸಂಗ್ರಹಿಸಲಾಗುತ್ತದೆ. ಸಂಗ್ರಹಿಸ ಮಾಹಿತಿಯನ್ನು ಆರೋಗ್ಯ ಸೇತು ಆಪ್‌ನ ಡೇಟಾಬೇಸ್‌ಗೆ ಸೇರಿಸಲಾಗುತ್ತದೆ.

Most Read Articles
Best Mobiles in India

English summary
The app has been downloaded by over 100 million in just 41 days after its launch during the lockdown in the country.

ಉತ್ತಮ ಫೋನ್‌ಗಳು

ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Gizbot sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Gizbot website. However, you can change your cookie settings at any time. Learn more