ಪಬ್‌ಜಿ ಕಥೆ ಮುಗಿಯಿತು!..ಶುರುವಾಗಲಿದೆ ಹೊಸ ಗೇಮ್‌ನ ಅಬ್ಬರ!

ಪಬ್‌ಜಿಯ ಪ್ರತಿರೂಪ

ಪಬ್‌ಜಿ ಗೇಮ್‌ ಸಾಕಷ್ಟು ಆವಾಂತರಗಳಿಗೆ ಕಾರಣವಾಗಿದ್ದು, ಸ್ವಂತ ಚೀನಾ ದೇಶದಲ್ಲಿಯೇ ಬ್ಯಾನಗೆ ಕಾರಣವಾಗಿದೆ. ಇತ್ತೀಚಿಗೆ ಪಬ್‌ಜಿ ಆಟಕ್ಕೆ 6 ಗಂಟೆ ಮಾತ್ರ ಎಂದು ಸಮಯ ನಿಗದಿ ಸಹ ಮಾಡಲಾಗಿತ್ತು. ಹೀಗಿರುವಾಗ ಟೆನ್ಸೆಂಟ್ ಸಂಸ್ಥೆಯು ಪಬ್‌ಜಿಗೆ ಪರ್ಯಾಯವಾಗಿ 'ಗೇಮ್‌ ಫಾರ್‌ ಪೀಸ್‌ ಫಾರ್‌ ಕಂಟ್ರಿ' ಎಂಬ ಹೊಸ ಗೇಮ್‌ ಅನ್ನು ಪರಿಚಯಿಸಲು ಮುಂದಾಗಿದೆ.

ಗೇಮ್‌ ಫಾರ್‌ ಪೀಸ್‌ ಫಾರ್‌ ಕಂಟ್ರಿ

ಪಬ್‌ಜಿಗೆ ಬದಲಾಗಿ ಬರಲಿರುವ ಈ ಗೇಮ್‌ ಫಾರ್‌ ಪೀಸ್‌ ಫಾರ್‌ ಕಂಟ್ರಿ ಗೇಮ್‌ ಆಟಗಾರರಿಗೆ ಪಬ್‌ಜಿ ಆಟದ ಅನುಭವವನ್ನೆ ನೀಡಲಿದೆ. ಏಕೆಂದರೆ ಈ ಹೊಸ ಗೇಮ್‌ನಲ್ಲಿರುವ ಬಹುತೇಕ ಪಾತ್ರಗಳು ಪಬ್‌ಜಿಯಲ್ಲಿರುವಂತೆಯೆ ಇರಲಿವೆ ಹಾಗೂ ಆಟದ ಗ್ರಾಫಿಕ್ಸ್‌ ಡಿಸೈನ್‌, ಕೀವರ್ಡ್‌ಗಳು ಮತ್ತು ಬ್ಯಾಕ್‌ಗ್ರೌಂಡ್‌ ಪಬ್‌ಜಿ ಗೇಮ್‌ಗೆ ಹೋಲಿಕೆ ಎನಿಸಲಿವೆ.

ಗೇಮ್‌ ಪ್ರೊಫೈಲ್‌ ಮುಂದುವರಿಯಲಿದೆ

ಈಗಾಗಲೇ ಅನೇಕರು ಪಬ್‌ಜಿ ಆಟವನ್ನು ಸಿಕ್ಕಾಪಟ್ಟೆ ಆಡಿ ಹಲವು ಹಂತಗಳನ್ನು ಜಯಸಿರುತ್ತಾರೆ. ಈಗ ಹೊಸ ಗೇಮ್‌ಗೆ ಲಾಗ್‌ ಇನ್‌ ಆದಾಗ ಅವರ ಪಬ್‌ಜಿ ಗೇಮ್‌ ಪ್ರೊಫೈಲ್‌ನಲ್ಲಿರುವ ಅವರ ಅಚಿವಮೆಂಟ್ಸ್ ಮತ್ತು ಕಂಟೆಂಟ್ಸ್‌ಗಳು ಮುಂದುವರಿಯಲಿದೆ. ಇದು ಪಬ್‌ಜಿ ಗೇಮ್‌ ಆಟಗಾರರಿಗೆ ಖುಷಿ ಎನಿಸುವ ಸಂಗತಿಯಾಗಿದೆ.

ಆರಂಭದಲ್ಲಿ ಚೀನಾದಲ್ಲಿ ಮಾತ್ರ

ಪಬ್‌ಜಿಗೆ ಗುನ್ನ ನೀಡಲು ತಯಾರಾಗಿರುವ ಈ ಗೇಮ್‌ ಫಾರ್‌ ಪೀಸ್‌ ಫಾರ್‌ ಕಂಟ್ರಿ ಭಾರಿ ರೋಚಕವಾಗಿರಲಿದೆ. ಆಟಗಾರರಲ್ಲಿ ಕುತೂಹಲ ಹೆಚ್ಚಿಸಲಿದೆ. ಆದರೆ ಸದ್ಯಕ್ಕೆ ಚೀನಾದಲ್ಲಿ ಮಾತ್ರ ಈ ಗೇಮ್‌ ದೊರೆಯಲಿದ್ದು, ಮುಂದಿನ ದಿನಗಳಲ್ಲಿ ಭಾರತೀಯ ಗೇಮ್ಸ್‌ ಪ್ರೀಯರಿಗೆ ಲಭ್ಯವಾಗುವ ಸಾಧ್ಯತೆಗಳಿವೆ.