ವಿಮಾನದಲ್ಲಿ ವೈ-ಫೈ ಸೇವೆಗೆ ಕೇಂದ್ರ ಸರ್ಕಾರದಿಂದ ಗ್ರೀನ್‌ ಸಿಗ್ನಲ್!

ಹೌದು, ವಿಮಾನದಲ್ಲಿ ಪ್ರಯಾಣಿಕರಿಗೆ ವೈಫೈ ಸೌಲಭ್ಯ ಒದಗಿಸುವುದಾಗಿ ಕೇಂದ್ರ ಸರ್ಕಾರ ಹೇಳಿದೆ. ವಿಮಾನದಲ್ಲಿ ಪ್ರಯಾಣಿಕರು ಸ್ಮಾರ್ಟ್‌ಫೋನ್, ಲ್ಯಾಪ್‌ಟಾಪ್‌, ಟ್ಯಾಬ್, ಇತರೆ ಡಿವೈಸ್‌ ಬಳಕೆಮಾಡುವಾಗ ವಿಮಾನದ ಪೈಲೆಟ್ ವೈಫೈ ಸೇವೆಯನ್ನು ಸಕ್ರಿಯ ಮಾಡುವರು. ಪ್ರಯಾಣಿಕರು ಇಂಟರ್ನೆಟ ಬೆಂಬಲಿತ ಸ್ಮಾರ್ಟ್‌ ಡಿವೈಸ್‌ಗಳನ್ನು ಫ್ಲೈಟ್‌ ಮೋಡ್‌ ಅಥವಾ ಏರೋಪ್ಲೇನ್‌ ಮೋಡ್ ನಲ್ಲಿ ಹಾಕಿ ವೈಫೈ ಬಳಕೆ ಮಾಡಬಹುದಾಗಿದೆ.

ವಿಮಾನ ಪ್ರಯಾಣದಲ್ಲಿ ಪ್ರಯಾಣಿಕರು ವೈಫೈ ಸೌಲಭ್ಯ ಬಳಸಲು ತಮ್ಮ ಸ್ಮಾರ್ಟ್‌ ಡಿವೈಸ್‌ಗಳನ್ನು ಎರೋಪ್ಲೇನ್‌ ಮೋಡ್‌ಗೆ ಹಾಕಬೇಕಿರುತ್ತದೆ. ಆದರೆ ಈ ಸೇವೆಯು ಎಂದು ಅಧಿಕೃತವಾಗಿ ಪ್ರಾರಂಭಗೊಳ್ಳಲಿದೆ ಎನ್ನುವ ಬಗ್ಗೆ ವಿಮಾನಯಾನ ಸಚಿವಾಲವು ಯಾವುದೆ ಮಾಹಿತಿ ನೀಡಿಲ್ಲ. ವಿಮಾನದಲ್ಲಿ ವೈಫೈ ಇಂಟರ್ನೆಟ್ ಬಳಕೆಯ ಸೇವೆಯು ಸದ್ಯ ದೇಶದ ರಕ್ಷಣಾ ಸಿಬ್ಬಂದಿಗಳಿಗೆ ಮಾತ್ರ ಲಭ್ಯವಿದೆ.

ಸದ್ಯದಲ್ಲಿಯೇ ವಿಮಾನದಲ್ಲಿ ವೈಫೈ ಸೇವೆಯು ಆರಂಭಗೊಳ್ಳಲಿದ್ದು, Boeing 787-9 aircraft ವಿಮಾನದಲ್ಲಿ ಮೊದಲು ಈ ಸೇವೆ ಶುರುಮಾಡಲಿದ್ದಾರೆ ಎನ್ನಲಾಗಿದೆ. ಇನ್ನು ವಿದೇಶಿ ವಿಮಾನಯಾನ ಸಂಸ್ಥೆಗಳು ಈಗಾಗಲೇ ರಾಷ್ಟ್ರೀಯ ಮತ್ತು ಅಂತರಾಷ್ಟ್ರೀಯ ವಿಮಾನ ಪ್ರಯಾಣಗಳಲ್ಲಿ ಪ್ರಯಾಣಿಕರಿಗೆ ವೈಫೈ ಸೌಲಭ್ಯ ಒದಗಿಸುತ್ತಿವೆ. ವಿಮಾನದಲ್ಲಿ ವೈಫೈ ಇಂಟರ್ನೆಟ ಸೇವೆ ಹಾಗೂ ಮೊಬೈಲ್ ಸೇವೆಯನ್ನು ಬಳಸಬಹುದು ಎಂದು ಕಳೆದ 2018ರಲ್ಲಿ ದೂರಸಂಪರ್ಕ ಇಲಾಖೆ ಹೇಳಿತ್ತು.

ಈ ಹೊಸ ನಿಯಮವು ಜಾರಿಯಾದ ನಂತರ ಪ್ರಯಾಣಿಕರು ಮೊಬೈಲ್ ಸ್ವಿಚ್ ಆಫ್ ಮಾಡದೇ ವೈಫೈ ಸೇವೆಯ ಮೂಲಕ ಇಂಟರ್ನೆಟ್ ಬಳಕೆ ಸೇವೆ ದೊರೆಯಲಿದೆ. ವಿಸ್ತಾರ ವಿಮಾನಯಾನ ಸಂಸ್ಥೆ ಪ್ರಯಾಣಿಕರಿಗೆ ವಿಸ್ತಾರ ಚಾನೆಲ್ ವೀಕ್ಷಣೆಗೆ ಅವಕಾಶ ಮಾಡಿಕೊಟ್ಟಿದ್ದೆ ಹಾಗೂ ನಿಯಮಿತ ವೈಫೈ ಸೇವೆಯನ್ನು ಒದಗಿಸಲಿದೆ.