Airtel: ಸದ್ದಿಲ್ಲದೆ ಸೂಪರ್ ಪ್ಲ್ಯಾನ್‌ ಪರಿಚಯಿಸಿದ ಏರ್‌ಟೆಲ್‌! ನಿತ್ಯ 3GB ಡೇಟಾ.. ಫ್ರೀ ನೆಟ್‌ಫ್ಲಿಕ್ಸ್

ಟೆಲಿಕಾಂ (Telecom) ವಲಯದಲ್ಲಿ ಈಗಾಗಲೇ ಏರ್‌ಟೆಲ್‌ ತನ್ನೆಲ್ಲಾ ಗ್ರಾಹಕರಿಗೆ ಸಾಕಷ್ಟು ಪ್ಲ್ಯಾನ್‌ಗಳನ್ನು ಪರಿಚಯಿಸುವ ಮೂಲಕ ವಿಶೇಷ ಸೌಲಭ್ಯ ಪಡೆದುಕೊಳ್ಳಲು ಅನುಮತಿಸಿದೆ. ಈ ನಡುವೆ ಸದ್ದಿಲ್ಲದೆ ಬೊಂಬಾಟ್‌ ಪ್ಲ್ಯಾನ್‌ ಅನ್ನು ಲಾಂಚ್‌ ಮಾಡಿದ್ದು, ಈ ಮೂಲಕ ನಿತ್ಯವೂ 3GB ಡೇಟಾ ಬಳಕೆ ಮಾಡಿಕೊಳ್ಳಬಹುದಾಗಿದೆ.

ಹೌದು, ಏರ್‌ಟೆಲ್‌ (Airtel) ಇತರೆ ಟೆಲಿಕಾಂಗಳಾದ ಜಿಯೋ, ವಿ ಟೆಲಿಕಾಂಗೆ ಸ್ಪರ್ಧೆ ನೀಡುತ್ತಲೇ ಇರುತ್ತದೆ. ಈ ಮೂಲಕ ಹೊಸ ಹೊಸ ಗ್ರಾಹಕರನ್ನು ತನ್ನತ್ತ ಸೆಳೆಯುವಲ್ಲಿ ನೂತನ ಪ್ಲ್ಯಾನ್ ಗಳನ್ನು ಲಾಂಚ್‌ ಮಾಡಿಕೊಂಡು ಬರುತ್ತಿದ್ದು, ಇದರ ಭಾಗವಾಗಿಯೇ ಈಗ ಈ ವಿಶೇಷ ಓಟಿಟಿ ಪ್ರಯೋಜನದೊಂದಿಗೆ ಅತ್ಯುತ್ತಮ ಪ್ಯಾಕ್‌ ಅನ್ನು ನೀಡಿದೆ. ಈ ಪ್ರಿಪೇಯ್ಡ್ ಪ್ಲ್ಯಾನ್‌ನಲ್ಲಿ ಬಳಕೆದಾರರು ಏನೆಲ್ಲಾ ಸೌಲಭ್ಯ ಪಡೆದುಕೊಳ್ಳಬಹುದು?, ಇದರ ವಿಶೇಷತೆ ಏನು ಅನ್ನೋದನ್ನು ತಿಳಿಸಿಕೊಡಲಾಗಿದೆ ಓದಿರಿ.

ಏರ್‌ಟೆಲ್‌ ಹೊಸ ಪ್ರಿಪೇಯ್ಡ್‌ ಪ್ಲ್ಯಾನ್‌: ಏರ್‌ಟೆಲ್ ಹೊಸ ಮೊಬೈಲ್ ಪ್ರಿಪೇಯ್ಡ್ ಪ್ಲ್ಯಾನ್‌ (Mobile prepaid plan) ಅನ್ನು ಪರಿಚಯಿಸಿದೆ ಅದು ಅನಿಯಮಿತ 5G ಡೇಟಾವನ್ನು ಕಾಂಪ್ಲಿಮೆಂಟರಿ ನೆಟ್‌ಫ್ಲಿಕ್ಸ್ ಬೇಸಿಕ್ ಚಂದಾದಾರಿಕೆಯೊಂದಿಗೆ ನೀಡುತ್ತಿದ್ದ, ಈ ವಿಶೇಷ ಪ್ಯಾಕೇಜ್, ಪ್ರೀಪೇಯ್ಡ್ ಬಳಕೆದಾರರಿಗೆ ಏರ್‌ಟೆಲ್‌ನಿಂದ ಏಕೈಕ ಕೊಡುಗೆಯಾಗಿದೆ, ಅದರಲ್ಲೂ ಓಟಿಟಿ ಪ್ರಯೋಜನಗಳೊಂದಿಗೆ ವೇಗದ ವೇಗದ ಇಂಟರ್ನೆಟ್‌ಗಾಗಿ ಹುಡುಕುತ್ತಿರುವ ಬಳಕೆದಾರರಿಗೆ ಇದು ಉತ್ತಮ ಆಯ್ಕೆ ಆಗಿದೆ.

ಏರ್‌ಟೆಲ್‌ನ ಹೊಸ ಪ್ರಿಪೇಯ್ಡ್ ಪ್ಲ್ಯಾನ್‌ ಬೆಲೆ 1499 ರೂ.ಗಳಾಗಿದೆ. ಈ ಪ್ಲ್ಯಾನ್‌ಗೆ ಸಂಬಂಧಿಸಿದಂತೆ ಕಂಪನಿಯಿಂದ ಯಾವುದೇ ಅಧಿಕೃತ ಮಾಹಿತಿಯನ್ನು ನೀಡಿಲ್ಲ. ಬದಲಾಗಿ ಸದ್ದಿಲ್ಲದೆ ಇದನ್ನು ಘೋಷಣೆ ಮಾಡಿದೆ. ವೆಬ್‌ಸೈಟ್ ಮತ್ತು ಮೊಬೈಲ್ ಆಪ್‌ನಲ್ಲಿ ತೋರಿಸುತ್ತಿರುವ ಪಟ್ಟಿಯಲ್ಲಿ ಈ ಪ್ಲ್ಯಾನ್‌ ಕಾಣಿಸಿಕೊಂಡಿದೆ. ಹಾಗಿದ್ರೆ, ಏರ್‌ಟೆಲ್‌ನ 1499 ರೂ.ಗಳ ಪ್ರಿಪೇಯ್ಡ್ ಯೋಜನೆ ಪ್ಲ್ಯಾನ್‌ನಲ್ಲಿ ಏನೆಲ್ಲಾ ಕೊಡುಗೆ ಇವೆ ಅನ್ನೋದನ್ನು ವಿವರವಾಗಿ ನೋಡೋಣ.

ಏರ್‌ಟೆಲ್‌ನ ಇತ್ತೀಚಿನ 1,499 ಪ್ರಿಪೇಯ್ಡ್ ರೀಚಾರ್ಜ್ ಪ್ಲ್ಯಾನ್‌ನಲ್ಲಿ ಗ್ರಾಹಕರು ನಿತ್ಯವೂ 3GB ದೈನಂದಿನ ಡೇಟಾ, ಅನಿಯಮಿತ ವಾಯ್ಸ್‌ ಕರೆ ಸೌಲಭ್ಯ, ದಿನಕ್ಕೆ 100 ಎಸ್‌ಎಮ್‌ಎಸ್‌ ಅನ್ನು ಪಡೆಯಬಹುದಾಗಿದೆ. ಈ ಪ್ಲ್ಯಾನ್‌ನಲ್ಲಿ ಪೂರಕವಾದ ನೆಟ್‌ಫ್ಲಿಕ್ಸ್ ಬೇಸಿಕ್ ಚಂದಾದಾರಿಕೆ, ಅನಿಯಮಿತ 5G ಡೇಟಾ, ಅಪೊಲೊ 24|7 ಸರ್ಕಲ್ ಸದಸ್ಯತ್ವ, ಉಚಿತ ಹೆಲೋಟ್ಯೂನ್ಸ್ ಮತ್ತು ವಿಂಕ್ ಮ್ಯೂಸಿಕ್ ಪ್ರವೇಶವನ್ನು ನೀಡುತ್ತದೆ. ಇದೆಲ್ಲವನ್ನೂ ಸೇರಿದಂತೆ ಈ ಪ್ಲ್ಯಾನ್‌ 84 ದಿನಗಳವರೆಗೆ ಮಾನ್ಯತೆ ಹೊಂದಿದೆ.

ಭಾರತದಲ್ಲಿ ನೆಟ್‌ಫ್ಲಿಕ್ಸ್ ಬೇಸಿಕ್ ಸಬ್‌ಸ್ಕ್ರಿಪ್ಶನ್‌ನ ಸ್ವತಂತ್ರ ವೆಚ್ಚವು 199ರೂ. ಆಗಿದೆ. ಆದರೆ ನೀವು ಈ ಪ್ಲ್ಯಾನ್‌ ಮೂಲಕ ಚಂದಾದಾರಿಕೆ ವೆಚ್ಚವನ್ನು ಉಳಿಸಬಹುದಾಗಿದೆ. ಹಾಗೆಯೇ ನಿಮ್ಮ ಕಾಂಪ್ಲಿಮೆಂಟರಿ ನೆಟ್‌ಫ್ಲಿಕ್ಸ್ ಬೇಸಿಕ್ ಚಂದಾದಾರಿಕೆಯನ್ನು ಕ್ಲೈಮ್ ಮಾಡಲು ಅನಿಯಮಿತ 5G ಡೇಟಾ ಪ್ರಯೋಜನಗಳನ್ನು ಕ್ಲೈಮ್ ಮಾಡುವ ಪ್ರಕ್ರಿಯೆಯಂತೆಯೇ ಏರ್‌ಟೆಲ್ ಥ್ಯಾಂಕ್ಸ್ ಆಪ್‌ ಬಳಕೆ ಮಾಡಬೇಕಿದೆ.

ಅಪ್ಲಿಕೇಶನ್‌ನಲ್ಲಿನ 'ಡಿಸ್ಕವರ್ ಥ್ಯಾಂಕ್ಸ್ ಬೆನಿಫಿಟ್ಸ್' ವಿಭಾಗಕ್ಕೆ ನ್ಯಾವಿಗೇಟ್ ಮಾಡಿ, ಅಲ್ಲಿ ನೀವು ನೆಟ್‌ಫ್ಲಿಕ್ಸ್ ಪ್ರಯೋಜನ ಇರುವ ಪ್ಲ್ಯಾನ್‌ ಕಾಣಬಹುದು. ನಿಮ್ಮ ಮೊಬೈಲ್ ಸಂಖ್ಯೆಯಲ್ಲಿ ನೆಟ್‌ಫ್ಲಿಕ್ಸ್ ಚಂದಾದಾರಿಕೆಯನ್ನು ಸಕ್ರಿಯಗೊಳಿಸಲು 'ಮುಂದುವರಿಯಿರಿ' ಎಂಬ ಆಯ್ಕೆ ಮೇಲೆ ಕ್ಲಿಕ್‌ ಮಾಡಿ. ದೃಢೀಕರಣದ ನಂತರ 'ಕ್ಲೈಮ್' ಬಟನ್ ಅನ್ನು ಟ್ಯಾಪ್ ಮಾಡಿದ್ರೆ ಸಾಕು. ಈ ನೆಟ್‌ಫ್ಲಿಕ್ಸ್ ಬೇಸಿಕ್ ಸಹ 84 ದಿನಗಳ ಅವಧಿಗೆ ಮಾನ್ಯವಾಗಿರುತ್ತದೆ.

ಜಿಯೋ ನೆಟ್‌ಫ್ಲಿಕ್ಸ್ ಪ್ಲ್ಯಾನ್‌: ಕೆಲವು ವಾರಗಳ ಹಿಂದೆ ಏರ್‌ಟೆಲ್‌ನ ಪ್ರತಿಸ್ಪರ್ಧಿ ಜಿಯೋ ನೆಟ್‌ಫ್ಲಿಕ್ಸ್ ಆಧಾರಿತ ಪ್ಲ್ಯಾನ್‌ ಅನ್ನು ಪರಿಚಯಿಸಿದೆ. 1,099 ರೂ. ಯೋಜನೆಯು ಮೊಬೈಲ್ ಬಳಕೆದಾರರಿಗೆ ಅನಿಯಮಿತ 5G ಡೇಟಾ, 2GB ದೈನಂದಿನ ಡೇಟಾ, ಅನಿಯಮಿತ ವಾಯ್ಸ್ ಕರೆ ಮತ್ತು 84 ದಿನಗಳ ಮಾನ್ಯತೆಯನ್ನು ನೀಡಲಿದೆ. ಹಾಗೆಯೇ ಟಿವಿ ಅಥವಾ ವೀಕ್ಷಕರಿಗೆ 1,499 ಯೋಜನೆಯು ಅನಿಯಮಿತ 5G ಇಂಟರ್ನೆಟ್ ಅನ್ನು 84 ದಿನಗಳ ಮಾನ್ಯತೆಯೊಂದಿಗೆ ಕಾಣಿಸಿಕೊಂಡಿದೆ.

ಎರಡೂ ಯೋಜನೆಗಳು ಮೂಲ ನೆಟ್‌ಫ್ಲಿಕ್ಸ್ ಮೊಬೈಲ್ ಚಂದಾದಾರಿಕೆಯ ಪ್ರಯೋಜನವನ್ನು ಹೊಂದಿವೆ. ಅಸ್ತಿತ್ವದಲ್ಲಿರುವ ನೆಟ್‌ಫ್ಲಿಕ್ಸ್ ಖಾತೆಗಳನ್ನು ಹೊಂದಿರುವ ಬಳಕೆದಾರರು ನೆಟ್‌ಫ್ಲಿಕ್ಸ್ ಸಕ್ರಿಯಗೊಳಿಸುವ ಪ್ರಕ್ರಿಯೆಯಲ್ಲಿ ಅವುಗಳನ್ನು ಲಿಂಕ್ ಮಾಡಬಹುದು. ಖಾತೆಯನ್ನು ಲಿಂಕ್ ಮಾಡುವವರೆಗೆ, ಬಳಕೆದಾರರು ತಮ್ಮ ನೆಟ್‌ಫ್ಲಿಕ್ಸ್ ಚಂದಾದಾರಿಕೆಗಾಗಿ ಪ್ರತ್ಯೇಕವಾಗಿ ಶುಲ್ಕ ಪಾವತಿ ಮಾಡಬೇಕಿದೆ.