ಕರ್ನಾಟಕದಲ್ಲಿ 4G VoLET ಸೇವೆ ಆರಂಭಿಸಿದ ಏರ್‌ಟೆಲ್: ಆರಂಭಿಕ ಕೊಡುಗೆ ..?

By Srinidhi

Published: Thursday, November 30, 2017, 15:59 [IST]

ಜಿಯೋ ವಿರುದ್ದ ತೊಡೆ ತಟ್ಟಿರುವ ಟೆಲಿಕಾಂ ದೈತ್ಯ ಕಂಪನಿ ಭಾರ್ತಿ ಏರ್‌ಟೆಲ್ ಈಗಾಗಲೇ ದೇಶದಲ್ಲಿ 4G VoLTE ಸೇವೆಯನ್ನು ಆರಂಭಿಸಿದೆ. ಇದೇ ಮಾದರಿಯಲ್ಲಿ ಕರ್ನಾಟಕದಲ್ಲಿಯೂ 4G VoLTE ಸೇವೆಯನ್ನು ಪ್ರಾರಂಭಿಸಲು ಮುಂದಾಗಿದೆ. ಈ ಮೂಲಕ ನಮ್ಮ ರಾಜ್ಯದಲ್ಲಿನ ಏರ್‌ಟೆಲ್‌ ಗ್ರಾಹಕರಿಗೆ ಅತೀ ವೇಗದ ಇಂಟರ್ನೆಟ್ ಮತ್ತು HD ವಾಯ್ಸ್ ಕಾಲ್ ಮಾಡುವ ಅವಕಾಶವನ್ನು ಮಾಡಿಕೊಟ್ಟಿದೆ.

ಕರ್ನಾಟಕದಲ್ಲಿ 4G VoLET ಸೇವೆ ಆರಂಭಿಸಿದ ಏರ್‌ಟೆಲ್: ಆರಂಭಿಕ ಕೊಡುಗೆ ..?

ಓದಿರಿ: ಠುಸ್ ಆಗುತ್ತಾ 'ಟೈಗರ್ ಕ್ಯಾಬ್': ಆಪ್‌ ಬಗ್ಗೆ ಚಕಾರ ಎತ್ತಿದ ಬಳಕೆದಾರರು! ತೊಂದರೆ ಏನು?

ಜಿಯೋ ದೊಂದಿಗೆ ಜಿದ್ದಿಗೆ ಬಿದ್ದ ಏರ್‌ಟೆಲ್ ಈ ಹಿಂದೆಯೇ ಭಾರತೀಯ ಮಾರುಕಟ್ಟೆಯಲ್ಲಿ 4G VoLTE ಸೇವೆಯನ್ನು ಆರಂಭಿಸಿತ್ತು. ಆದರೆ ಜಿಯೋನಷ್ಟು ದೊಡ್ಡ ಪ್ರಮಾಣದಲ್ಲಿ 4G VoLTE ಸೇವೆಯನ್ನು ನೀಡಲು ಏರ್‌ಟೆಲ್‌ನಿಂದ ಸಾಧ್ಯವಾಗದೆ ಇದ್ದರೂ, ಹಂತ ಹಂತವಾಗಿ ತನ್ನ ವ್ಯಾಪ್ತಿಯನ್ನು ವಿಸ್ತರಿಸಿಕೊಳ್ಳಲು ಮುಂದಾಗಿದೆ.

HD ವಾಯ್ಸ್ ಕಾಲಿಂಗ್:

ಏರ್‌ಟೆಲ್ 4G VoLTE ಸೇವೆಯಲ್ಲಿ ಗ್ರಾಹಕರು HD ವಾಯ್ಸ್ ಕಾಲಿಂಗ್ ಮಾಡುವ ಅವಕಾಶವನ್ನು ಪಡೆದುಕೊಳ್ಳಲಿದ್ದಾರೆ. ಸಾಮಾನ್ಯ ನೆಟ್‌ವರ್ಕ್‌ನಂತೆ ಕರೆ ಕಡಿತಗೊಳ್ಳುವಂತಹ ಯಾವುದೇ ಸಮಸ್ಯೆಗಳು ಎದುರಾಗುವುದಿಲ್ಲ ಎನ್ನಲಾಗಿದೆ. ಉತ್ತಮವಾದ ದ್ವನಿಯನ್ನು ಆಲಿಸಬಹುದಾಗಿದೆ.

ವೇಗದ ಇಂಟರ್ನೆಟ್:

ಏರ್‌ಟೆಲ್ 4G VoLTE ಸೇವೆಯಲ್ಲಿ ಸಾಮಾನ್ಯ 4G ಗಿಂತಲೂ ವೇಗವಾದ ಡೇಟಾವನ್ನು ಗ್ರಾಹಕರು ಪಡೆಯಬಹುದಾಗಿದೆ. ಡೇಟಾ ದಿಂದಲೇ ಕಾಲ್ ಮಾಡಬಹುದಾಗಿದೆ. ಇದಕ್ಕಾಗಿ ಯಾವುದೇ ಹೆಚ್ಚಿನ ದರವನ್ನು ವಿಧಿಸುವುದಿಲ್ಲ ಎನ್ನಲಾಗಿದೆ. ಇಂದರಿಂದ ಗ್ರಾಹಕರಿಗೆ ಹೆಚ್ಚಿನ ಲಾಭವಾಗಲಿದೆ.

ಜಿಯೋ ಗೆ ಸೆಡ್ಡು ಹೊರೆಯುವ ಸಲುವಾಗಿ:

ದೇಶದಲ್ಲಿ ಉಚಿತ ಸೇವೆಯನ್ನು ನೀಡುತ್ತಲೇ ಗಮನ ಸೆಳೆದ ಜಿಯೋವನ್ನು ಮೀರಿಸುವ ಸಲುವಾಗಿ ಏರ್‌ಟೆಲ್ 4G VoLTE ಸೇವೆಯನ್ನು ದೇಶದಲ್ಲಿ ಆರಂಭಿಸಿದ್ದು, ಆರಂಭಿಕ ಕೊಡುಗೆಯಾಗಿ ಕರ್ನಾಟಕದಲ್ಲಿ ಏರ್‌ಟೆಲ್‌ ಸಹ ವಾಯ್ಸ್ ಕರೆಯನ್ನು ಉಚಿತ ಮಾಡುವ ಸಾಧ್ಯತೆ ಇದೆ ಎನ್ನಲಾಗಿದೆ.