ಠುಸ್ ಆಗುತ್ತಾ 'ಟೈಗರ್ ಕ್ಯಾಬ್': ಆಪ್‌ ಬಗ್ಗೆ ಚಕಾರ ಎತ್ತಿದ ಬಳಕೆದಾರರು! ತೊಂದರೆ ಏನು?

ಪ್ಲೇ ಸ್ಟೋರಿನಲ್ಲಿ ಅಸಮಾಧಾನ:

ಗೂಗಲ್ ಪ್ಲೇಸ್ಟೋರಿನಲ್ಲಿ ಈ ಆಪ್ ಡೌನ್‌ಲೋಡ್ ಮಾಡಿಕೊಂಡ ಬಳಕೆದಾರರು ಇದರ ಕಾರ್ಯ ವೈಕರಿಯ ಕುರಿತು ಅಲ್ಲಿಯೇ ಅಮಾಧಾನವನ್ನು ವ್ಯಕ್ತಪಡಿಸಿದ್ದಾರೆ. ಇದರಲ್ಲಿ ಹೆಚ್ಚಿನ ಮಂದಿ ಕನ್ನಡಿಗರೇ ಇದ್ದಾರೆ ಎನ್ನಲಾಗಿದೆ. ಕ್ಯಾಬ್‌ನಲ್ಲಿ ಪ್ರಯಾಣಿಸುವವರ ಮಾಹಿತಿಯನ್ನು ಅಗತ್ಯಕ್ಕಿಂತ ಹೆಚ್ಚಾಗಿ ಪಡೆದುಕೊಳ್ಳುತ್ತಿರುವುದು ಸರಿಯಲ್ಲ ಎಂದಿದ್ದಾರೆ.

ಆಪ್‌ ಅಪ್ಡೇಟ್ ಮಾಡಲು ಸಲಹೆ:

ಪ್ಲೇ ಸ್ಟೋರಿನಲ್ಲಿ ಆಪ್‌ ಕುರಿತು ಕಾಮೆಂಟ್ ಮಾಡಿರುವ ಅನೇಕ ಮಂದಿ, ಕ್ಯಾಬ್‌ನಲ್ಲಿ ಪ್ರಯಾಣಿಸಲು ಅಗತ್ಯಕ್ಕಿಂತ ಹೆಚ್ಚಿನ ವೈಯಕ್ತಿಕ ಮಾಹಿತಿಯನ್ನು ನೀಡಲು ಯಾರು ಮುಂದಾಗುವುದಿಲ್ಲ. ಇದಕ್ಕಾಗಿ ಆಪ್‌ ಪರಿಷ್ಕರಣೆ ಮಾಡಿ ನೂತನ ಅಪ್ಡೇಟ್ ಬಿಡುಗಡೆ ಮಾಡುವಂತೆ ಸಲಹೆಯನ್ನು ನೀಡಿರುವುದನ್ನು ಕಾಣಬಹುದಾಗಿದೆ.

24 ಗಂಟೆ ಕಾರ್ಯಚರಣೆ:

ಟೈಗರ್ ಕ್ಯಾಬ್‌ಗಳು ನಗರದಲ್ಲಿ ದಿನದ 24 ಗಂಟೆ ಸಂಚರಿಸಲಿವೆ. ದಿನದ ಎಲ್ಲಾ ಸಮಯದಲ್ಲಿಯೂ ಒಂದೇ ಪ್ರಯಾಣ ದರವಿರಲಿದೆ ಯಾವುದೇ ವ್ಯತ್ಯಾಸವಾಗುವುದಿಲ್ಲ. ಸಣ್ಣ ಕ್ಯಾಬ್‌ಗಳಿಗೆ ಪ್ರತಿ ಕಿ.ಮೀಗೆ ರೂ.12.50 ನಿಗಧಿಯಾಗಿದ್ದು, ಇದೇ ಮಾದರಿಯಲ್ಲಿ ದೊಡ್ಡ ಕ್ಯಾಬ್‌ಗಳಿಗೆ ರೂ.14.50 ಹಾಗೂ AC ಕ್ಯಾಬ್‌ಗಳಿಗೆ ರೂ. 18.50 ನಿಗಧಿ ಮಾಡಲಾಗಿದೆ.

10,000 ಕ್ಯಾಬ್‌ಗಳು ರಸ್ತೆಗೆ:

ಸದ್ಯ ಬೆಂಗಳೂರಿನಲ್ಲಿ 10,000 ಕ್ಯಾಬ್‌ಗಳು ಟೈಗರ್ ಕ್ಯಾಬ್‌ನೊಂದಿಗೆ ಸೇರಿಕೊಂಡಿದ್ದು, ನವೆಂಬರ್ 30ರಿಂದ ರಸ್ತೆಗೆ ಇಳಿಯಲಿವೆ. ಈ ಆಪ್‌ ನಿರ್ವಹಣೆಯನ್ನು ಕೊಲ್ಕತ್ತಾದ ಕಂಪನಿಯೊಂದು ವಹಿಸಿಕೊಂಡಿದೆ ಎನ್ನಲಾಗಿದೆ.

ಆಟೋ, ಆಂಬ್ಯೂಲೆನ್ಸ್ ಸಹ ಆರಂಭ:

ಒಲಾ ಆಟೋ ಮಾದರಿಯಲ್ಲಿ ಆಟೊ ಸೇವೆಯನ್ನು ಆರಂಭಿಸುವುದಲ್ಲದೇ ಶೀಘ್ರವೇ ಆಂಬುಲೆನ್ಸ್‌, ಬಸ್‌ ಹಾಗೂ ಕೋರಿಯರ್‌ ಸೇವೆಗಳನ್ನು ನೀಡುವ ಯೋಜನೆಯನ್ನು ಟೈಗರ್‌ ಕ್ಯಾಬ್ ಹೊಂದಿದೆ. ಮೊದಲಿಗೆ ಕ್ಯಾಬ್ ಸೇವೆಯನ್ನು ಆರಂಭಿಸಲಿದ್ದು, ಇದರ ಯಶಸ್ಸಿನ ನಂತರದಲ್ಲಿ ಮಿಕ್ಕ ಸೇವೆಗಳನ್ನು ನೀಡಲು ಮುಂದಾಗಲಿದೆ.