ಬೆಂಗಳೂರಿಗೆ ಬಂಪರ್ ಕೊಡುಗೆ; ಏರ್‌ಟೆಲ್‌ನಿಂದ 'ಪ್ಲಾಟಿನಂ 3G' ನೆಟ್‌ವರ್ಕ್‌

By Suneel

Published: Friday, June 3, 2016, 14:54 [IST]

'ಭಾರತಿ ಏರ್‌ಟೆಲ್‌' ಭಾರತದ ಅತಿ ದೊಡ್ಡ ನೆಟ್‌ವರ್ಕ್‌ ಎಂದೇ ಹೆಸರುವಾಸಿ. ಆದ್ರೂ ಸಹ ಏರ್‌ಟೆಲ್‌ ನೆಟ್‌ವರ್ಕ್‌ ಸಮಸ್ಯೆಯನ್ನು ಎದುರಿಸುವವರು ಇದ್ದಾರೆ. ಈ ಸಮಸ್ಯೆಯನ್ನು ಆಧಾರವಾಗಿಟ್ಟುಕೊಂಡು ಭಾರತಿ ಏರ್‌ಟೆಲ್‌ "ಪ್ಲಾಟಿನಂ 3G ನೆಟ್‌ವರ್ಕ್‌" ಅನ್ನು ಬೆಂಗಳೂರಿನಲ್ಲಿ ಲಾಂಚ್‌ ಮಾಡಿದೆ.

ಬೆಂಗಳೂರಿನ ಏರ್‌ಟೆಲ್‌ ಗ್ರಾಹಕರು ಇನ್ಮುಂದೆ ಉತ್ತಮ ಇಂಟರ್ನೆಟ್‌ ವೇಗ ಪಡೆಯುವುವಲ್ಲಿ ಸಂಶಯವೇ ಬೇಡ. ಇಂಟರ್ನೆಟ್ ವೇಗದ ಜೊತೆಗೆ "ಪ್ಲಾಟಿನಂ 3G ನೆಟ್‌ವರ್ಕ್‌"ನ ವಿಶೇಷ ಅನುಕೂಲ ಏನು? ಎಂಬಿತ್ಯಾದಿ ಮಾಹಿತಿಗಳನ್ನು ಲೇಖನದ ಸ್ಲೈಡರ್‌ನಲ್ಲಿ ತಿಳಿಯಿರಿ.

ಮೊಬೈಲ್‌ಗಳ ನಡುವೆ ಟಾಕ್‌ಟೈಮ್‌ ಹಂಚಿಕೆ ಹೇಗೆ

1

ಭಾರತಿ ಏರ್‌ಟೆಲ್‌ "ಬೆಂಗಳೂರಿನಲ್ಲಿ ಲಾಂಚ್‌ ಮಾಡಿರುವ "ಪ್ಲಾಟಿನಂ 3G ನೆಟ್‌ವರ್ಕ್‌" ಗ್ರಹಾಕರಿಗೆ ಮನೆಯ ಒಳಾಂಗಣದಲ್ಲೂ ಸಹ ಮೊಬೈಲ್‌ ಬಳಕೆಯಲ್ಲಿ ಉತ್ತಮ ಅನುಭವ ನೀಡುತ್ತದೆ. ಉತ್ತಮ ಧ್ವನಿ ಸ್ಪಷ್ಟತೆ ಮತ್ತು ಅತಿ ವೇಗ ಇಂಟರ್ನೆಟ್ ಸೇವೆ ನೀಡುತ್ತದೆ' ಎಂದು ಹೇಳಿದೆ.

2

ಭಾರತಿ ಏರ್‌ಟೆಲ್‌ ಅಸ್ಸಾಂ ಸೇರಿದಂತೆ 60 ಸಿಟಿಗಳಲ್ಲಿ "ಪ್ಲಾಟಿನಂ 3G ನೆಟ್‌ವರ್ಕ್‌" ಲಾಂಚ್‌ ಮಾಡಿದೆ.

3

ಏರ್‌ಟೆಲ್‌ನ 'ಪ್ಲಾಟಿನಂ 3G' ನೆಟ್‌ವರ್ಕ್‌ ಮತ್ತು ಡಿವೈಸ್‌ಗಳ ನಡುವೆ ಹಿನ್ನೆಲೆ ಸಂಪರ್ಕ ಕಾದುಕೊಳ್ಳುವುದರಿಂದ ಗ್ರಾಹಕರು ತಮ್ಮ ಮೊಬೈಲ್‌ ಡಿವೈಸ್‌ಗಳಲ್ಲಿ ಉತ್ತಮ ಬ್ಯಾಟರಿ ಲೈಫ್‌ ಪಡೆಯಬಹುದಾಗಿದೆ.

4

ಪ್ಲಾಟಿನಂ 3G, ಡ್ಯುಯಲ್‌ ಸ್ಪೆಕ್ಟ್ರಮ್‌ ಬ್ಯಾಂಡ್‌ 900 Mhz ಜೊತೆಗೆ 2100 Mhz ಬ್ಯಾಂಡ್‌ನಿಂದ ಚಾಲಿತವಾಗಿದೆ. ಏರ್‌ಟೆಲ್‌ ಬಳಕೆದಾರರು ಪ್ಲಾಟಿನಂ 3G ನೆಟ್‌ವರ್ಕ್‌ ಸೇವೆ ಪಡೆಯಲು ಯಾವುದೇ ವಿಶೇಷ ಚಂದ ಕಟ್ಟಬೇಕಿಲ್ಲ, ಇದು ಏರ್‌ಟೆಲ್‌ನ ನೆಟ್‌ವರ್ಕ್‌ ವರ್ಧನೆಯ ಕಾರ್ಯಕ್ರಮವಾಗಿದೆ.

5

'ಪ್ಲಾಟಿನಂ 3G ನೆಟ್‌ವರ್ಕ್‌'ನಿಂದ ಧ್ವನಿ ಸ್ಪಷ್ಟತೆ ಮತ್ತು ಡೇಟಾ ಕನೆಕ್ಟ್‌ನಲ್ಲಿ ಉತ್ತಮ ಸೇವೆ ಒದಗಿಸಲಿದ್ದು, 4G ನೆಟ್‌ವರ್ಕ್‌ ಚಾಲನೆಯನ್ನು ಮುಂದುವರೆಸುತ್ತೇವೆ ಎಂದು ಕರ್ನಾಟಕ ಏರ್‌ಟೆಲ್‌ ಲಿಮಿಟೆಡ್‌ನ ಸಿಇಓ 'ಸಿ ಸುರೇಂದ್ರನ್" ಹೇಳಿದ್ದಾರೆ.

6

ಏರ್‌ಟೆಲ್‌ ಇತ್ತೀಚೆಗೆ 60,000 ಕೋಟಿ ವೆಚ್ಚದಲ್ಲಿ ದೇಶದಾದ್ಯಂತ ನೆಟ್‌ವರ್ಕ್‌ ಬಲವರ್ಧನೆಗಾಗಿ 'ಪ್ರಾಜೆಕ್ಟ್ ಲೀಪ್‌" ಯೋಜನೆ ಕೈಗೊಂಡಿತ್ತು. ಏರ್‌ಟೆಲ್‌ ಡೇಟಾ ಪ್ಯಾಕ್‌ ಪ್ಲಾನ್‌ಗಾಗಿ ಮುಂದಿನ ಸ್ಲೈಡರ್‌ ನೋಡಿ.