ಅಮಾಜ್ಫಿಟ್ GTS 2 ಮಿನಿ ಸ್ಮಾರ್ಟ್‌ವಾಚ್‌ ಪ್ರೀ ಬುಕಿಂಗ್‌ಗೆ ಲಭ್ಯ; ಬೆಲೆ?

ಹೌದು, ದೇಶದಲ್ಲಿ ಅಮಾಜ್‌ಫಿಟ್‌ GTS 2 ಮಿನಿ ಸ್ಮಾರ್ಟ್‌ವಾಚ್ ಮುಂಗಡ ಬುಕಿಂಗ್ ಪ್ರಾರಂಭವಾಗಿದೆ. ಈ ವಾಚ್‌ನ ಆರಂಭಿಕ ಬೆಲೆಯು 6,999 ರೂ. ಆಗಿದ್ದು, ಫ್ಲೆಮಿಂಗೊ ಪಿಂಕ್ ಮತ್ತು ಮಿಡ್ನೈಟ್ ಬ್ಲ್ಯಾಕ್ ಬಣ್ಣಗಳ ಆಯ್ಕೆಗಳಲ್ಲಿ ಲಭ್ಯವಾಗಲಿದೆ. ಇನ್ನು ಅಮೆಜಾನ್ ಇಂಡಿಯಾ ಅಥವಾ ಅಮಾಜ್ಫಿಟ್ ಇಂಡಿಯಾ ವೆಬ್‌ಸೈಟ್ ಮೂಲಕ ಗ್ರಾಹಕರು ಸ್ಮಾರ್ಟ್ ವಾಚ್ ಅನ್ನು ಮೊದಲೇ ಆರ್ಡರ್ ಮಾಡಬಹುದು. ಅಲ್ಲದೇ ಅಮೆಜಾನ್ ನಲ್ಲಿ ಯಾವುದೇ ವೆಚ್ಚವಿಲ್ಲದ EMI ಆಯ್ಕೆಗಳನ್ನು ಮತ್ತು ಅಮೆಜಾನ್ ಪ್ರೈಮ್ ಸದಸ್ಯರಿಗೆ ಅಮೆಜಾನ್ ಪೇ ಐಸಿಐಸಿಐ ಬ್ಯಾಂಕ್ ಕ್ರೆಡಿಟ್ ಕಾರ್ಡ್ ವಹಿವಾಟಿನಲ್ಲಿ 5 ಪ್ರತಿಶತ ಕ್ಯಾಶ್ಬ್ಯಾಕ್ ನೀಡುತ್ತಿದೆ. ಹಾಗಾದರೇ ಅಮಾಜ್‌ಫಿಟ್‌ GTS 2 ಮಿನಿ ಫೀಚರ್ಸ್‌ಗಳೆನು ಎಂಬುದನ್ನು ನೋಡೋಣ ಬನ್ನಿರಿ.

ಅಮಾಜ್‌ಫಿಟ್ GTS 2 ಮಿನಿ ಫೀಚರ್ಸ್‌

ಅಮಾಜ್‌ಫಿಟ್ ಜಿಟಿಎಸ್ 2 ಮಿನಿ 354x306 ಪಿಕ್ಸೆಲ್‌ ಸ್ಕ್ರೀನ್‌ ರೆಸಲ್ಯೂಶನ್‌ ಸಾಮರ್ಥ್ಯದ 1.55-ಇಂಚಿನ ಅಮೋಲೆಡ್ ಡಿಸ್‌ಪ್ಲೇಯನ್ನು ಹೊಂದಿದೆ. ಈ ಡಿಸ್‌ಪ್ಲೇ 301 ಪಿಪಿ ಪಿಕ್ಸೆಲ್ ಸಾಂದ್ರತೆಯನ್ನು ಹೊಂದಿದೆ. ಇದು ಅಲ್ಯೂಮಿನಿಯಂ ಬಾಡಿಯನ್ನು ಹೊಂದಿದ್ದು, ಸ್ಮಾರ್ಟ್ ವಾಚ್ ಅನ್ನು 5ATM ಎಂದು ರೇಟ್ ಮಾಡಲಾಗಿದೆ. ಇದು 50 ಮೀ ವರೆಗೆ ನೀರಿನ ನಿರೋಧಕವಾಗಿದೆ.

ಹಾಗೆಯೇ ಈ ಸ್ಮಾರ್ಟ್‌ವಾಚ್‌ ಆಂಡ್ರಾಯ್ಡ್ ಮತ್ತು ಐಒಎಸ್ ಸ್ಮಾರ್ಟ್‌ಫೋನ್‌ಗಳೊಂದಿಗೆ ಹೊಂದಿಕೊಳ್ಳುತ್ತದೆ ಎಂದು ಹೇಳಲಾಗಿದ್ದು, ಬ್ಲೂಟೂತ್ ವಿ 5.0 ಅನ್ನು ಬೆಂಬಲಿಸಲಿದೆ. ಅಮಾಜ್‌ಫಿಟ್ ಜಿಟಿಎಸ್ 2 ಮಿನಿ ಬಯೋಟ್ರಾಕರ್ ಮತ್ತು 24 ಗಂಟೆಗಳ ಹೃದಯ ಬಡಿತ ಮತ್ತು ಎಸ್‌ಪಿಒ 2 ಮಾನಿಟರಿಂಗ್‌ಗಾಗಿ 2 ಪಿಪಿಜಿ ಫೀಚರ್ಸ್‌ ಅನ್ನು ಒಳಗೊಂಡಿದೆ. ಜೊತೆಗೆ ಈ ಸ್ಮಾರ್ಟ್ ವಾಚ್ ಸ್ಲೀಪ್ ಟ್ರ್ಯಾಕಿಂಗ್, ಚಟುವಟಿಕೆ ಟ್ರ್ಯಾಕಿಂಗ್ ಮತ್ತು 70 ಕ್ಕೂ ಹೆಚ್ಚು ಕ್ರೀಡಾ ವಿಧಾನಗಳನ್ನು ನೀಡುತ್ತದೆ.

ಅಮಾಜ್‌ಫಿಟ್ ಜಿಟಿಎಸ್ 2 ಮಿನಿ ಕನಿಷ್ಠ ಆಂಡ್ರಾಯ್ಡ್ 5.0 ಅಥವಾ ಐಒಎಸ್ 10.0 ಚಾಲನೆಯಲ್ಲಿರುವ ಸಾಧನಗಳೊಂದಿಗೆ ಹೊಂದಿಕೊಳ್ಳುತ್ತದೆ. ಹೇಳಿದಂತೆ, ಸಾಧನವು ತನ್ನ 220mAh ಬ್ಯಾಟರಿಯೊಂದಿಗೆ 14 ದಿನಗಳ ಬ್ಯಾಟರಿ ಅವಧಿಯನ್ನು (ಪ್ರತಿ ಚಾರ್ಜ್‌ಗೆ) ಒದಗಿಸುತ್ತದೆ. ಜೆಪ್ ಅಪ್ಲಿಕೇಶನ್ ಮೂಲಕ ಬಳಕೆದಾರರು ಡೇಟಾವನ್ನು ನಿರ್ವಹಿಸಬಹುದು ಮತ್ತು ಟ್ರ್ಯಾಕ್ ಮಾಡಬಹುದು.