1 ಟ್ರಿಲಿಯನ್​ ಮೌಲ್ಯದ ಆಪಲ್ ಅನ್ನು ಹಿಂದಿಕ್ಕಲಿದೆಯಂತೆ ಈ ಕಂಪೆನಿ!!

ಇತ್ತೀಚಿಗಷ್ಟೆ ವಿಶ್ವದ ಮೊದಲ ಒಂದು ಟ್ರಿಲಿಯನ್​ ಮುಖಬೆಲೆಯ ಟೆಕ್ ಕಂಪನಿ ಎಂಬ ಹೆಗ್ಗಳಿಕೆ ಪಡೆದ ಆಪಲ್​ ಕಂಪನಿಯ ಖುಷಿ ಮತ್ತಷ್ಟು ದಿನಗಳು ಉಳೀಯುವ ಸಾಧ್ಯತೆಗಳು ಕ್ಷೀಣಿಸುತ್ತಿದೆ. ಆಪಲ್ ಕಂಪೆನಿಯ ಸಾಧನೆ ಬೆನ್ನಲ್ಲೇ ಇ ಕಾಮರ್ಸ್​ ದಿಗ್ಗಜ ಅಮೆಜಾನ್​ ಇದೀಗ ಒಂದು ಟ್ರಿಲಿಯನ್​ ತಲುಪುವ ಮತ್ತೊಂದು ಕಂಪನಿಯಾಗಲಿದೆ ಎಂದು ವರದಿಗಳು ಹೇಳುತ್ತಿವೆ.

ಹೌದು, ಕಳೆದ ಒಂದು ವರ್ಷದಲ್ಲಿ ಅಮೆಜಾನ್ ಶೇರುಗಳ ಬೆಲೆ ದಾಖಲೆ ಓಟ ಕಂಡಿದ್ದು, ಭವಿಷ್ಯದಲ್ಲಿಯೂ ಅಮೇಜಾನ್​ ಐಎನ್​ಸಿ ಸಂಸ್ಥೆಯ ಷೇರುಗಳ ಬೆಲೆ ಗಗನಕ್ಕೇರಲಿವೆ ಎಂದು ವರದಿಗಳು ಹೇಳಿವೆ. ಈವರೆಗಿನ ಅಂಕಿ ಅಂಶಗಳ ಪ್ರಕಾರ ಸಂಸ್ಥೆಯ ಷೇರುಗಳ ಮಾರುಕಟ್ಟೆ ಬೆಲೆ 1,998.10 ತಲುಪಿದ್ದು, ಈಗಾಲೇ 971.96 ಬಿಲಿಯನ್​ ಡಾಲಲ್​ ಮುಖಬೆಲೆ ಹೊಂದಿದೆ.

ಬಂಡವಾಳ ಹೂಡಿಕೆ ಸಂಸ್ಥೆಯಾದ ಮೋರ್ಗನ್​ ಸ್ಟಾನ್ಲಿ ಹೇಳಿರುವಂತೆ, ಕೆಲವೇ ದಿನಗಳಲ್ಲಿ ಅಮೆಜಾನ್​ ಕೂಡಾ ಒಂದು ಟ್ರಿಲಿಯನ್​ ಮೌಲ್ಯ ಹೊಂದಿರುವ ಎರಡನೇ ಸಂಸ್ಥೆ ಎಂದು ಅಮೆಜಾನ್​ ಗುರುತಿಸಿಕೊಳ್ಳಲಿದೆ. ಅಮೆಜಾನ್​ ಅತ್ಯಂತ ವೇಗದಲ್ಲಿ ಮೌಲ್ಯವನ್ನು ವೃದ್ಧಿಸಿಕೊಳ್ಳುತ್ತದ್ದು, ಧನಾತ್ಮಕ ರೂಪದಲ್ಲಿ ಅಮೆಜಾನ್ ಸಾಗುತ್ತಿದೆ ಎಂದು ಸ್ಟಾನ್ಲಿ ತನ್ನ ಶೇರುದಾರರಿಗೆ ತಿಳಿಸಿದೆ.

ಪ್ರಸಕ್ತ ಆರ್ಥಿಕ ವರ್ಷದಲ್ಲಿ ಅಮೆಜಾನ್ 25 ಬಿಲಿಯನ್​ ಡಾಲರ್​ ಲಾಭದಲ್ಲಿದ್ದು, 2020ರ ಒಳಗೆ ಅಮೆಜಾನ್ ಸಂಸ್ಥೆಯು 45 ಬಿಲಿಯನ್​ ಡಾಲರ್​ ಲಾಭ ಗಳಿಸುವ ಸೂಚನೆಯಿದೆ. ಒಂದು ವೇಳೆ ಬಂಡವಾಳ ಹೂಡಿಕೆ ಸಂಸ್ಥೆ ಮಾರ್ಗನ್​ ಸ್ಟಾನ್ಲಿ ಶೇರಿನ ಊಹೆ ನಿಜವಾದರೆ ಅಮೆಜಾನ್​ ತನ್ನ ಮೌಲ್ಯವನ್ನು 1.2 ಟ್ರಿಲಿಯನ್​ ಡಾಲರ್​ಗೆ ತಲುಪಬಹುದು ಎಂದು ಅಂದಾಜಿಸಲಾಗಿದೆ.

1976ರಲ್ಲಿ ಕ್ಯಾಲಿಫೋರ್ನಿಯಾದಲ್ಲಿ ಆರಂಭವಾದ ಆಪಲ್​ ಸಂಸ್ಥೆ 1997ರಲ್ಲಿ ದಿವಾಳಿ ಹಂತಕ್ಕೆ ತಲುಪಿತ್ತು. ಆದರೆ, 2011ರ ವೇಳೆಗೆ ಅಮೆರಿಕದಲ್ಲಿ ಅತಿದೊಡ್ಡ ಸಂಸ್ಥೆ ಎನಿಸಿಕೊಂಡಿದ್ದ ಆಪಲ್ ಈ ತಿಂಗಳ ಆರಂಭದಲ್ಲಿ 1.07 ಟ್ರಿಲಿಯನ್​ ಡಾಲರ್ ಕಂಪೆನಿಯಾಗಿ ಹೊರಹೊಮ್ಮಿತ್ತು.ಹಾಗಾಗಿ,ಇತಿಹಾಸದಲ್ಲೇ 1 ಟ್ರಿಲಿಯನ್​ ಮೌಲ್ಯ ಹೊಂದಿದ ಟೆಕ್ ಸಂಸ್ಥೆ ಎಂದು ಆಪಲ್ ಗುರುತಿಸಿಕೊಂಡಿತು.

ಓದಿರಿ: 'ಆಪರ್ಚುನಿಟಿ ರೋವರ್' ಸಂಪರ್ಕ ಕಳೆದುಕೊಂಡ ನಾಸಾ!..ಮಂಗಳನ ನೌಕೆ ಅಂತ್ಯ?