Motorola: ಮೊಟೊರೊಲಾ ಎಡ್ಜ್ 30 ಅಲ್ಟ್ರಾ ಫೋನ್‌ಗಳಿಗಾಗಿ ಆಂಡ್ರಾಯ್ಡ್ 14 ಅಪ್‌ಡೇಟ್! ಏನೆಲ್ಲಾ ಸೌಲಭ್ಯ ಇವೆ.. ?

ಮೊಟೊರೊಲಾ ಸ್ಮಾರ್ಟ್‌ಫೋನ್‌ಗಳು (Motorola smartphones) ವಿಶೇಷ ಫೀಚರ್ಸ್ ಆಯ್ಕೆ ಮೂಲಕ ಸ್ಮಾರ್ಟ್‌ಫೋನ್‌ ವಲಯದಲ್ಲಿ ದೊಡ್ಡ ಮಟ್ಟದ ಬೇಡಿಕೆ ಪಡೆದುಕೊಂಡಿವೆ. ಈ ನುಡುವೆ ಹೊಸ ಫೋನ್‌ಗಳ ಲಾಂಚ್‌ ಬಗ್ಗೆಯೂ ಸಹ ಮೊಟೊ ಸುಳಿವು ನೀಡುತ್ತಿದೆ. ಅದರಂತೆ ಈಗ ಆಂಡ್ರಾಯ್ಡ್ 14 ಅಪ್‌ಡೇಟ್ (Android 14 update) ಅನ್ನು ಮೊಟೊರೊಲಾ ಎಡ್ಜ್ 30 ಅಲ್ಟ್ರಾ ಫೋನ್‌ಗಳಿಗೆ ಘೋ‍ಷಣೆ ಮಾಡಲಾಗಿದ್ದು, ಬಳಕೆದಾರರು ವಿಭಿನ್ನ ಅನುಭವ ಪಡೆಯಬಹುದಾಗಿದೆ.

ಹೌದು, ಒಂದೆರಡು ತಿಂಗಳ ಹಿಂದೆ ಮೊಟೊರೊಲಾ ಲ್ಯಾಟಿನ್ ಅಮೆರಿಕ ಮತ್ತು ಯುರೋಪ್‌ನಲ್ಲಿ ಮೊಟೊರೊಲಾ ಎಡ್ಜ್ 30 ಅಲ್ಟ್ರಾ ಸ್ಮಾರ್ಟ್‌ಫೋನ್‌ಗಾಗಿ (Motorola Edge 30 Ultra Smartphone) ಆಂಡ್ರಾಯ್ಡ್ 14 ಅಪ್‌ಡೇಟ್ ಅನ್ನು ಸೀಡಿಂಗ್ ಮಾಡಲು ಪ್ರಾರಂಭಿಸಿತ್ತು. ಆದರೆ ಈಗ ಈ ನವೀಕರಣವು ಅಂತಿಮವಾಗಿ ಭಾರತೀಯ ಗ್ರಾಹಕರಿಗೆ ತಲುಪಿದೆ. ಇದು ಎಡ್ಜ್ 30 ಅಲ್ಟ್ರಾಗೆ ಎರಡನೇ ಪ್ರಮುಖ ಓಎಸ್‌ ನವೀಕರಣವಾಗಿದೆ. ಹಾಗಿದ್ರೆ ಬನ್ನಿ ಇದರ ಬಗ್ಗೆ ಸಂಪೂರ್ಣ ಮಾಹಿತಿ ತಿಳಿಯೋಣ.

ಮೊಟೊರೊಲಾ ಎಡ್ಜ್ 30 ಅಲ್ಟ್ರಾಗೆ ಆಂಡ್ರಾಯ್ಡ್ 14: ನವೀಕರಣವು ಫರ್ಮ್‌ವೇರ್ ಆವೃತ್ತಿಯೊಂದಿಗೆ ಬರಲಿದ್ದು, U1SQS34.52-21-1-7 ಮತ್ತು 1.49GB ಗಾತ್ರ ಪಡೆದಿದೆ. ಪ್ರಾರಂಭದಲ್ಲಿ, ಮೊಟೊರೊಲಾ ಫೋನ್ ಮೂರು ಪ್ರಮುಖ ಓಎಸ್‌ ನವೀಕರಣಗಳನ್ನು ಸ್ವೀಕರಿಸುತ್ತದೆ ಎಂದು ಭರವಸೆ ನೀಡಲಾಗಿತ್ತು, ಆದ್ದರಿಂದ ಭವಿಷ್ಯದಲ್ಲಿ ಆಂಡ್ರಾಯ್ಡ್‌ 15 ಸಹ ಈ ಫೋನ್‌ಗಳಿಗೆ ಲಭ್ಯ ಇರಲಿದೆ.

ಆಂಡ್ರಾಯ್ಡ್‌ 14 ನವೀಕರಣದ ಪ್ರಮುಖ ಸೌಲಭ್ಯಗಳು: ಆಯ್ದ ಮೀಡಿಯಾ ಶೇರಿಂಗ್‌, ಸಂಪೂರ್ಣ ಮಾಧ್ಯಮ ಲೈಬ್ರರಿಗಳ ಬದಲಿಗೆ ನಿರ್ದಿಷ್ಟ ಚಿತ್ರಗಳು ಅಥವಾ ವಿಡಿಯೋಗಳಿಗೆ ಪ್ರವೇಶವನ್ನು ನೀಡಲು ಬಳಕೆದಾರರಿಗೆ ಅವಕಾಶ ನೀಡುತ್ತದೆ. ಇದರ ಜೊತೆಗೆ ಡೇಟಾ ಹಂಚಿಕೆಗೆ ಸಂಬಂಧಿಸಿದ ಯಾವುದೇ ನೀತಿ ಬದಲಾವಣೆಗಳಿಗೆ ಎಚ್ಚರಿಕೆಗಳ ಜೊತೆಗೆ ಮೂರನೇ ವ್ಯಕ್ತಿಗಳೊಂದಿಗೆ ಸ್ಥಳ ಡೇಟಾವನ್ನು ಹಂಚಿಕೊಳ್ಳುವ ಆಪ್‌ಗಳ ಕುರಿತು ವರ್ಧಿತ ಪಾರದರ್ಶಕತೆ ಲಭ್ಯವಾಗಲಿದೆ.

ಅಪರಿಚಿತ ಬ್ಲೂಟೂತ್ ಟ್ರ್ಯಾಕರ್ ಬಳಕೆದಾರರೊಂದಿಗೆ ಚಲಿಸುತ್ತಿರುವುದನ್ನು ಕಂಡುಕೊಂಡು ನೋಟಿಫಿಕೇಶನ್‌ ಮೂಲಕ ಎಚ್ಚರಿಸುತ್ತದೆ. ಹೆಲ್ತ್ ಕನೆಕ್ಟ್‌ನ ಏಕೀಕರಣ, ಆರೋಗ್ಯ ಡೇಟಾವನ್ನು ಸಂಗ್ರಹಿಸಲು ಕೇಂದ್ರೀಕೃತ ಪ್ಲಾಟ್‌ಫಾರ್ಮ್‌ ಅನ್ನು ಒದಗಿಸುವುದು, ಫಿಟ್‌ನೆಸ್ ಆಪ್‌ಗಳೊಂದಿಗೆ ಡೇಟಾ ಹಂಚಿಕೆಯ ಮೇಲೆ ಗ್ರಾಹಕೀಯಗೊಳಿಸಬಹುದಾದ ನಿಯಂತ್ರಣದ ಆಯ್ಕೆ ಲಭ್ಯ ಇದೆ.

ಒಳಬರುವ ಎಚ್ಚರಿಕೆಗಳಿಗಾಗಿ ಫ್ಲ್ಯಾಶ್ ನೋಟಿಫಿಕೇಶನ್‌, ಕ್ಯಾಮರಾ ಲೈಟ್, ಸ್ಕ್ರೀನ್ ಲೈಟ್ ಅಥವಾ ಎರಡಕ್ಕೂ ಗ್ರಾಹಕೀಯಗೊಳಿಸಬಹುದಾದ ಸೆಟ್ಟಿಂಗ್‌ಗಳೊಂದಿಗೆ, ಅಡಚಣೆ ಮಾಡಬೇಡಿ ಮೋಡ್‌ಗಳನ್ನು ನೀಡಲಾಗುತ್ತದೆ. ಈ ಫೀಚರ್ಸ್‌ ಹೊರತುಪಡಿಸಿ, ಈ ನವೀಕರಣವು ಈ ಫೋನ್‌ಗಾಗಿ ಕೆಲವು ಆಶ್ಚರ್ಯಕರ ಫೀಚರ್ಸ್ ಅನ್ನೂ ಸಹ ಪ್ಯಾಕ್ ಮಾಡುತ್ತದೆ.

ಶೀಘ್ರದಲ್ಲೇ ಮೊಟೊರೊಲಾ ರೇಜರ್‌ 50 ಅಲ್ಟ್ರಾ ಬಿಡುಗಡೆ: ಈ ನಡುವೆ ಶೀಘ್ರದಲ್ಲೇ ಮೊಟೊರೊಲಾ ರೇಜರ್‌ 50 ಅಲ್ಟ್ರಾ ಲಾಂಚ್ ಆಗಲಿದೆ ಎನ್ನಲಾಗಿದೆ. ಭಾರತದ ಬ್ಯೂರೋ ಆಫ್ ಇಂಡಿಯನ್ ಸ್ಟ್ಯಾಂಡರ್ಡ್ಸ್ (BIS) ವೆಬ್‌ಸೈಟ್‌ನಲ್ಲಿ ಮೊಟೊರೊಲಾ ರೇಜರ್ 50 ಅಲ್ಟ್ರಾವನ್ನು ಇದೀಗ ಗುರುತಿಸಿದ್ದು, ಅದೇ ಮಾದರಿಯ ಸಂಖ್ಯೆಯನ್ನು ಹೊಂದಿರುವ ಮೊಟೊರೊಲಾ ಫೋನ್ ಕಳೆದ ತಿಂಗಳು ಯುರೇಷಿಯನ್ ಆರ್ಥಿಕ ಆಯೋಗದಲ್ಲಿ (EEC) ಕಾಣಿಸಿಕೊಂಡಿದೆ. ಇದು ಪ್ರಮುಖ ರೇಜರ್‌ 50 ಮಾದರಿ ಎಂದು ನಂಬಲಾಗಿದೆ.

91ಮೊಬೈಲ್ಸ್ ವರದಿ ಮಾಡಿದಂತೆ BIS ವೆಬ್‌ಸೈಟ್‌ನಲ್ಲಿ XT2453-1 ಮಾದರಿ ಸಂಖ್ಯೆಯೊಂದಿಗೆ ಮೊಟೊರೊಲಾ ಫೋನ್ ಅನ್ನು ಗುರುತಿಸಿವೆ. ಫೋನ್ ಅನ್ನು ಈ ವಾರ ಪ್ರಮಾಣೀಕರಿಸಲಾಗಿದೆ ಎಂದು ತೋರುತ್ತಿದೆ. ಮಾಡೆಲ್ ಸಂಖ್ಯೆಯು ರೇಜರ್ 40 ಅಲ್ಟ್ರಾ ನ XT2321-1 ಮಾದರಿ ಸಂಖ್ಯೆಗೆ ಹೋಲುವುದರಿಂದ, ಇದು ನಿರೀಕ್ಷಿತ ರೇಜರ್ 50 ಅಲ್ಟ್ರಾ ಆಗಿರಬಹುದು ಎಂದು ನಾವು ಭಾವಿಸುತ್ತೇವೆ.

ಇನ್ನು BIS ಭಾರತೀಯ ಗ್ರಾಹಕರಿಗೆ ಉತ್ಪನ್ನದ ಗುಣಮಟ್ಟ, ವಿಶ್ವಾಸಾರ್ಹತೆ ಮತ್ತು ಸುರಕ್ಷತೆಯನ್ನು ಪ್ರಮಾಣೀಕರಿಸುತ್ತದೆ. ಮತ್ತು ಆದ್ದರಿಂದ, ಇದು ನಮ್ಮ ಮಾರುಕಟ್ಟೆಗೆ ಫೋನ್ ಅನ್ನು ಅನುಮೋದಿಸಲಾಗಿದೆ ಎಂದು ಸೂಚಿಸುತ್ತದೆ. ರೇಜರ್‌ 40 ಅಲ್ಟ್ರಾ ಸಹ ಕಳೆದ ವರ್ಷ ಇದೇ ಸಮಯದಲ್ಲಿ XT2321-1 ಮಾದರಿ ಸಂಖ್ಯೆಯೊಂದಿಗೆ BIS ಗೆ ಭೇಟಿ ನೀಡಿತು. ಆದ್ದರಿಂದ, ಮೊಟೊರೊಲಾ ಇದೇ ರೀತಿಯ ಉಡಾವಣಾ ಸಮಯವನ್ನು ಹೊಂದಿರಲಿದೆ ಎಂದು ಊಹಿಸಲಾಗಿದೆ.