ಮುಂದಿನ ಬಾರಿ ಒಲಾ-ಉಬರ್‌ನಲ್ಲಿ ಕ್ಯಾಬ್ ಬುಕ್ ಮಾಡುವ ಮುನ್ನ ಈ ಸ್ಟೋರಿ ನೋಡಿ..!

ಕ್ಯಾಬ್ ಹತ್ತುವ ಮುನ್ನ:

ಆಪ್‌ನಲ್ಲಿ ಕ್ಯಾಬ್ ಬುಕ್ ಮಾಡಿದ ನಂತರದಲ್ಲಿ, ಕ್ಯಾಬ್ ನಿಮ್ಮ ಬಳಿಗೆ ಬಂದ ಸಂದರ್ಭದಲ್ಲಿ ಕ್ಯಾಬ್ ಹತ್ತುವ ಮುಂಚಿತವಾಗಿ ಕ್ಯಾಬ್ ನೋಂದಣಿ ಸಂಖ್ಯೆ ಮತ್ತು ಆಪ್‌ನಲ್ಲಿ ನೀಡಿದ ಕ್ಯಾಬ್ ನೋಂದಣಿ ಸಂಖ್ಯೆ ಒಂದೇ ಇದೆಯೇ ನೋಡಿಕೊಳ್ಳಿ, ಆಪ್‌ ನಲ್ಲಿರುವ ಚಾಲಕನ ಹೆಸರು, ಭಾವಚಿತ್ರ ಹೊಂದಾಣಿಕೆಯಾಗುತ್ತಿದೆಯೇ ಖಚಿತ ಪಡಿಸಿಕೊಳ್ಳಿ, ಅಲ್ಲದೇ ಚಾಲಕನ ರೇಟಿಂಗ್ ಸಹ ನೋಡಿ. ಇವು ಮ್ಯಾಚ್ ಆಗಲಿಲ್ಲವಾದರೆ ಕ್ಯಾಬ್ ಹತ್ತಲು ಹೋಗಬೇಡಿ.

ಟಿಂಟೆಡ್ ಗ್ಲಾಸ್ ಬಗ್ಗೆ:

ಇದಲ್ಲದೇ ಕಪ್ಪುಬಣ್ಣದ (ಟಿಂಟೆಡ್‌) ಗಾಜುಗಳನ್ನು ಕ್ಯಾಬ್ ಹೊಂದಿದ್ದರೆ ನೀವು ಕ್ಯಾಬ್ ಎರುವುದನ್ನು ನಿರಾಕರಿಸಬಹುದು. ಟಿಂಟೆಡ್‌ ಗ್ಲಾಸ್ ಇದ್ದರೇ ಪ್ರಯಾಣಿಸಲು ಮುಂದಾಗಬೇಡಿ. ಅಲ್ಲದೇ ಈ ಕುರಿತು ಸೇವೆಯನ್ನು ನೀಡುತ್ತಿರುವ ಕಂಪನಿಗೆ ದೂರು ಸಲ್ಲಿಸಿ.

ಪ್ರಯಾಣ ಆರಂಭಿಸಿದ ನಂತರ:

ಈ ಮೇಲಿನ ಅಂಶಗಳನ್ನು ಗಣನೆಗೆ ತೆದುಕೊಂಡ ನಂತರದಲ್ಲಿ ಪ್ರಯಾಣ ಆರಂಭಿಸಿ. ಪ್ರಯಾಣ ಆರಂಭವಾದ ನಂತರದಲ್ಲಿ ಆಪ್ ನಲ್ಲಿರುವ ಶೇರ್ ಸ್ಟೇಟಸ್‌' ಮೂಲಕ ಪ್ರಯಾಣದ ಕುರಿತು ನಿಮ್ಮ ಸ್ನೇಹಿತರು ಮತ್ತು ಸಂಬಂಧಿಕರೊಂದಿಗೆ ಮಾಹಿತಿ ಹಂಚಿಕೊಳ್ಳಿ.

ಪ್ರಯಾಣದ ಸಂದರ್ಭದಲ್ಲಿ:

ಕ್ಯಾಬ್ ನಲ್ಲಿ ನೀವು ಒಬ್ಬರೇ ಪ್ರಯಾಣಿಸುವ ಸಂದರ್ಭದಲ್ಲಿ ಹಿಂಬದಿ ಸೀಟಿನಲ್ಲಿ ಕುಳಿತು ಪ್ರಯಾಣಿಸಿ. ಇದರಿಂದ ನೀವು ಅಪಾಯದ ಸಂದರ್ಭದಲ್ಲಿ ಕ್ಯಾಬ್‌ನ ಎರಡೂ ಬದಿಯಿಂದ ಸುರಕ್ಷಿತವಾಗಿ ಹೊರಬರುವ ಅವಕಾಶಗಳು ಇರಲಿದೆ. ಅಲ್ಲದೇ ಚಾಲಕರಿಂದಲೂ ಯಾವುದೇ ರೀತಿಯ ತೊಂದರೆಗಳು ಉಂಟಾಗದ ರೀತಿಯಲ್ಲಿ ಸುರಕ್ಷಿತವಾಗಿರಬಹುದು.

How to send WhatsApp Payments invitation to others - GIZBOT KANNADA

ಹಾದಿ ತಿಳಿಯದಿದ್ದರೆ:

ನೀವು ಹೊಸ ದಾರಿಯಲ್ಲಿ ಕ್ಯಾಬ್ ನಲ್ಲಿ ಸಾಗುವ ಸಂದರ್ಭದಲ್ಲಿ ನಿಮ್ಮ ಸ್ಮಾರ್ಟ್‌ಫೋನ್ ನಲ್ಲಿ ಮ್ಯಾಪ್ ಅನ್ನು ಅನ್ ಮಾಡಿಟ್ಟುಕೊಳ್ಳಿ. ನೀವು ಎಲ್ಲಿದ್ದೀರಿ, ಯಾವ ಮಾರ್ಗದಲ್ಲಿ ಚಲಿಸುತ್ತಿದ್ದೀರಿ ಎಂಬುದನ್ನು ತಿಳಿದುಕೊಳ್ಳಲು ಗೂಗಲ್‌ ಮ್ಯಾಪ್‌ ಸಹಾಯವನ್ನು ಮಾಡಲಿದೆ.

ಮಹಿಳೆಯರಿಗೆ:

ಮಹಿಳೆಯರುವ ಒಬ್ಬರೇ ಪ್ರಯಾಣಿಸುವ ಸಂದರ್ಭದಲ್ಲಿ ಕಾರಿನಲ್ಲಿ ಮಕ್ಕಳ ಸುರಕ್ಷತೆಗಗಾಗಿ ಅಳವಡಿಸಲಾಗಿರುವ ಚೈಲ್ಡ್‌ ಲಾಕ್‌ ಅನ್ನು ತೆಗೆದಿರುವ ಹಾಗೆ ನೋಡಿಕೊಳ್ಳಿ. ಇಲ್ಲವಾದರೆ ನಿಮಗೆ ಒಳಗಿನಿಂದ ಇಳಿಯಲು ಸಾಧ್ಯವಾಗುವುದಿಲ್ಲ, ಯಾವುದೇ ಸಂದರ್ಭದಲ್ಲಿ ಅಪಾಯ ಎದುರಾದರೆ 100 ಸಂಖ್ಯೆಗೆ ಕರೆ ಮಾಡುವ ಮೂಲಕ ಪೊಲೀಸರ ಸಹಾಯವನ್ನು ಪಡೆಯಬಹುದಾಗಿದೆ.

ಕಸ್ಟಮರ್ ಕೇರ್:

ನಿಮ್ಮ ಪ್ರಯಾಣದ ಕುರಿತು ಯಾವುದೇ ಪ್ರಶ್ನೆ ಅಥವಾ ಅನುಮಾನಗಳಿದ್ದರೂ, ಅದಕ್ಕೆ ಸ್ಪಂದಿಸಲು ದಿನದ 24 ಗಂಟೆಯೂ ಒಂದು ತಂಡ ಕ್ಯಾಬ್‌ ಸಂಸ್ಥೆಗಳಲ್ಲಿ ಬಳಕೆದಾರರ ಸೇವೆಗೆ ಸಿದ್ಧವಿರುತ್ತದೆ.