Apple AirPods 4 Pro ಮತ್ತು AirPods Max ಲಾಂಚ್‌; ಅಬ್ಬಬ್ಬಾ ಎಂಥಾ ಫೀಚರ್ಸ್‌!

ಟೆಕ್ ವಲಯದ ದೊಡ್ಡಣ್ಣ ಎಂದೇ ಗುರುತಿಸಿಕೊಂಡಿರುವ ಆಪಲ್ (Apple) ಸಂಸ್ಥೆಯು ತನ್ನ ಬಹುನಿರೀಕ್ಷಿತ ಐಫೋನ್ 16 ಸರಣಿಯನ್ನು ಇಂದು (ಸೆಪ್ಟೆಂಬರ್ 9 ರಂದು) ಅಧಿಕೃತವಾಗಿ ಬಿಡುಗಡೆ ಮಾಡಿದೆ. 'ಗ್ಲೋಟೈಮ್‌' (glowtime) ಹೆಸರಿನ ಈ ಲಾಂಚ್ ಕಾರ್ಯಕ್ರಮದ ಮೂಲಕ ಐಫೋನ್‌ 16 ಫೋನ್‌ಗಳ ಸರಣಿಯ ಜೊತೆಗೆ ಆಪಲ್ ವಾಚ್ ಸೀರಿಸ್ 10 (Watch Series 10) ಹಾಗೂ ಏರ್‌ಪಾಡ್ಸ್‌ 4 ಅನ್ನು ಸಹ ಬಿಡುಗಡೆ ಮಾಡಿದೆ ಅನ್ನು ಅಧಿಕೃತವಾಗಿ ಲಾಂಚ್ ಮಾಡಿದೆ.

ಹೌದು, ಟೆಕ್‌ ದೈತ್ಯ ಆಪಲ್‌ ಸಂಸ್ಥೆಯು ಕ್ಯಾಲಿಫೋರ್ನಿಯಾದ ಕ್ಯುಪರ್ಟಿನೊದಲ್ಲಿರುವ ಕಂಪನಿಯ ಪ್ರಧಾನ ಕಛೇರಿಯಿಂದ ಆಯೋಜಿಸಿದ್ದ 'ಗ್ಲೋಟೈಮ್‌' (glowtime) ಕಾರ್ಯಕ್ರಮದಲ್ಲಿ ಆಪಲ್‌ ಏರ್‌ಪಾಡ್ಸ್‌ 4 (Apple AirPods 4), ಏರ್‌ಪಾಡ್‌ ಪ್ರೊ (AirPods Pro) ಜೊತೆಗೆ ಏರ್‌ಪಾಡ್ಸ್‌ ಮ್ಯಾಕ್ಸ್‌ (AirPods Max) ಡಿವೈಸ್‌ಗಳನ್ನು ಸಹ ಬಿಡುಗಡೆ ಮಾಡಿದೆ. ಈ ಎರಡು ಹೊಸ ಡಿವೈಸ್‌ಗಳ ಫೀಚರ್ಸ್‌ ಬಗ್ಗೆ ಹಾಗೂ ಬೆಲೆಯ ಬಗ್ಗೆ ತಿಳಿಯೋಣ ಬನ್ನಿರಿ.

ಆಪಲ್‌ ಏರ್‌ಪಾಡ್ಸ್‌ 4 ಫೀಚರ್ಸ್‌

ಆಪಲ್‌ ಏರ್‌ಪಾಡ್ಸ್‌ 4 (AirPods 4) ಡಿವೈಸ್‌ಗಳು ಹೊಸ ಸಿರಿ ಆಯ್ಕೆಯನ್ನು ಹೊರತರುತ್ತದೆ. ಬಳಕೆದಾರರು ಹೌದು ಮತ್ತು ಇಲ್ಲ ಎಂದು ತಲೆಯಾಡಿಸಿದರೆ ನಿಮ್ಮ ಕರೆಗೆ ಉತ್ತರಿಸುತ್ತದೆ ಅಥವಾ ನಿರಾಕರಿಸುತ್ತದೆ. ನಿಜಕ್ಕೂ ಇದು ಅಚ್ಚರಿ ಎನಿಸುವಂತಿದೆ. ಈ ಆಯ್ಕೆಯು ಆಪಲ್‌ ಏರ್‌ಪಾಡ್ಸ್‌ 4 ಡಿವೈಸ್‌ನ ಪ್ರಮುಖ ಹೈಲೈಟ್ ಅಂಶಗಳಲ್ಲಿ ಒಂದಾಗಿದೆ.

ಇನ್ನು ಹೊಸ, ಆಪಲ್‌ ಏರ್‌ಪಾಡ್ಸ್‌ 4 (AirPods 4) 30 ಗಂಟೆಗಳ ಬ್ಯಾಟರಿ ಬ್ಯಾಕ್‌ಅಪ್‌ ಸೌಲಭ್ಯ ಪಡೆದಿದೆ. ಇದರ ಕೇಸ್‌ನಲ್ಲಿ ಸ್ಪೋರ್ಟ್ಸ್ ಟೈಪ್-ಸಿ ಚಾರ್ಜಿಂಗ್ ಸೌಲಭ್ಯ ನೀಡುತ್ತದೆ ಮತ್ತು ಅಂತಿಮವಾಗಿ ಪ್ರೊ-ಅಲ್ಲದ ಏರ್‌ಪಾಡ್‌ಗಳಿಗೆ ಸಕ್ರಿಯ ಶಬ್ದ ರದ್ದತಿಯ ಸೌಲಭ್ಯ ಒದಗಿಸುತ್ತೆ. ಆಪಲ್‌ ಏರ್‌ಪಾಡ್ಸ್‌ 4 (AirPods 4) ಸಹ ಏರ್‌ಪಾಡ್ಸ್‌ ಪ್ರೊ (AirPods Pro) ಡಿವೈಸ್‌ನ ಪಾರದರ್ಶಕತೆ ಮೋಡ್ ಅನ್ನು ಪಡೆಯುತ್ತದೆ.

ಈ ಡಿವೈಸ್‌ಗಳಲ್ಲಿ ಮತ್ತೊಂದು ವಿಶೇಷ ಅಂದ್ರೆ ಇದು. ಹೊಸ ಏರ್‌ಪಾಡ್ಸ್‌ 4 (AirPods 4) ಈಗ ವೈರ್‌ಲೆಸ್ ಚಾರ್ಜಿಂಗ್ ಅನ್ನು ಸಪೋರ್ಟ್‌ ಮಾಡುತ್ತದೆ. ಬಳಕೆದಾರರ ಆಪಲ್ ವಾಚ್ ಚಾರ್ಜರ್‌ಗಳು ಅಥವಾ ಯಾವುದೇ ಇತರ Qi ವೈರ್‌ಲೆಸ್ ಚಾರ್ಜರ್‌ಗಳ ಜೊತೆಗೆ ಈ ಡಿವೈಸ್‌ಗಳನ್ನು ಸಹ ಚಾರ್ಜ್ ಮಾಡಬಹುದು. ಅಲ್ಲದೇ ಏರ್‌ಪಾಡ್‌ ಪ್ರೊ (AirPods Pro) ಹೊಸ ಹಿಯರಿಂಗ್ ಏಡ್ ಆಯ್ಕೆಗಳನ್ನು ಪಡೆದಿವೆ. ಹೀಗಾಗಿ ಈ ಸೌಲಭ್ಯವು ಶ್ರವಣ ದೋಷವಿರುವ ಯಾರಾದರೂ ತಮ್ಮ ಪರಿಸರವನ್ನು ಉತ್ತಮವಾಗಿ ಕೇಳಲು ಅದನ್ನು ಬಳಸಲು ನೆರವಾಗಲಿದೆ ಎನ್ನಲಾಗಿದೆ.

ಏರ್‌ಪಾಡ್ಸ್‌ ಮ್ಯಾಕ್ಸ್‌ (AirPods Max) ಡಿವೈಸ್‌ ಯಾವುದೇ ಬಿಗ್ ಅಪ್‌ಡೇಟ್‌ ಅನ್ನು ಪಡೆದಿಲ್ಲ. ಅದಾಗ್ಯೂ, ಈ ಸಾಧನ ಈಗ ಹೊಸ ಕಲರ್‌ ಆಯ್ಕೆಗಳಲ್ಲಿ ಲಗ್ಗೆ ಇಡಲಿದೆ. ಅವುಗಳೆಂದರೆ, ಮೀಡ್‌ನೈಟ್‌, ಬ್ಲೂ, ಪರ್ಪಲ್, ಆರೆಂಜ್ ಮತ್ತು ಸ್ಟಾರ್‌ಲೈಟ್ ಕಲರ್ ಆಗಿವೆ. ಈ ನೂತನ ಹೆಡ್‌ಫೋನ್ ಯುಎಸ್‌ಬಿ-ಸಿ ಅನ್ನು ಸಹ ಪಡೆದುಕೊಂಡಿದೆ ಅಲ್ಲದೇ ಐಒಎಸ್ 18 ನೊಂದಿಗೆ, ಬಳಕೆದಾರರು ವೈಯಕ್ತೀಕರಿಸಿದ ಪ್ರಾದೇಶಿಕ ಆಡಿಯೊವನ್ನು ಪಡೆಯುತ್ತೀರಿ.

ಇನ್ನು ಏರ್‌ಪಾಡ್ಸ್‌ ಮ್ಯಾಕ್ಸ್‌ (AirPods Max) ಹೆಡ್‌ಫೋನ್‌ ಬೆಲೆಯು ಬೆಲೆ $549 ಆಗಿದ್ದು, ಪೂರ್ವ-ಆರ್ಡರ್‌ಗಳು ಇಂದಿನಿಂದ ಪ್ರಾರಂಭವಾಗುತ್ತವೆ. ಅಂದಹಾಗೆ ಈ ಸಾಧನದ ಮಾರಾಟ ಇದೇ ಸೆಪ್ಟೆಂಬರ್ 20 ರಂದು ಪ್ರಾರಂಭ ಆಗಲಿದೆ.