ಆಪಲ್‌ ಡಬ್ಲ್ಯೂಡಬ್ಲ್ಯೂಡಿಸಿ 2015 ನಲ್ಲಿ ಕ್ಯಾಮೆರಾ ಸ್ಟಿಕ್ ಬಳಕೆ ಇಲ್ಲ

ತನ್ನ ಡಬ್ಲ್ಯೂಡಬ್ಲ್ಯೂಡಿಸಿ 2015 ರ ಕಾರ್ಯಾಗಾರದಲ್ಲಿ ಆಪಲ್ ಸೆಲ್ಫಿ ಸ್ಟಿಕ್ ಅನ್ನು ಬಳಸಬಾರದೆಂಬ ನಿಯಮವನ್ನು ಹೊರತಂದಿದೆ. ಮೋಸ್ಕೋನ್ ವೆಸ್ಟ್ ಅಥವಾ ಯೆರ್ಬಾ ಬ್ಯುನಾ ಗಾರ್ಡನ್‌ಗಳಲ್ಲಿ ಭಾಗವಹಿಸುವವರು ಸೆಲ್ಫಿ ಸ್ಟಿಕ್ ಇಲ್ಲವೇ ಇತರ ಯಾವುದೇ ಉಪಕರಣಗಳನ್ನು ಬಳಸಬಾರದೆಂಬ ಕಟ್ಟಾಜ್ಞೆಯನ್ನು ಹೊರಡಿಸಿದೆ.

ಓದಿರಿ: ಹೆಚ್ಚು ನಿರೀಕ್ಷಿತ ಐಓಎಸ್ 9 ನಲ್ಲಿ ಏನೆಲ್ಲಾ ಇದೆ ಗೊತ್ತೇ?

ಇನ್ನು ಫೋಟೋಗ್ರಫಿಗಾಗಿ ಬಳಸುವ ಫೋನ್‌ಗಳು ಅಥವಾ ಕಾಂಪ್ಯಾಕ್ಟ್ ಕ್ಯಾಮೆರಾಗಳನ್ನು ಆಪಲ್ ಅನುಮತಿಸಿದ್ದು, ಈವೆಂಟ್‌ನ ವೀಡಿಯೊ ರೆಕಾರ್ಡಿಂಗ್ ಮಾಡುವುದನ್ನು ಡೆವಲಪರ್‌ಗಳು ಈಗಾಗಲೇ ನಿಷೇಧಿಸಿದ್ದು ವೃತ್ತಿಪರ ಫೋಟೋ ಪರಿಕರಗಳನ್ನು ಬಳಸುವಂತಿಲ್ಲ ಎಂಬುದು ತಿಳಿದು ಬಂದಿದೆ.

ಓದಿರಿ: ಟಿಮ್ ಕುಕ್: ಪೇಪರ್ ಮಾರುವ ಹುಡುಗ ಪ್ರಪಂಚವನ್ನು ಗೆದ್ದ ಕಥೆ

ಇನ್ನು ಉದ್ಘಾಟನಾ ಸಮಾರಂಭದಲ್ಲಿ ಸೆಲ್ಫಿ ಸ್ಟಿಕ್‌ಗಳು ತೊಂದರೆಯನ್ನುಂಟು ಮಾಡುವುದರಿಂದ ಮತ್ತು ಇದು ಇತರ ಪ್ರೇಕ್ಷಕರಿಗೆ ಭಂಗವನ್ನುಂಟು ಮಾಡುವುದರಿಂದ ಅಲ್ಲದೆ ಆಪಲ್‌ನ ಕ್ಯಾಮೆರಾಗಳಿಗೆ ಈ ಸ್ಟಿಕ್ ತೊಂದರೆ ಮಾಡಬಹುದೆಂಬ ಯೋಚನೆಯಿಂದ ಆಪಲ್ ಈ ತೀರ್ಮಾನಕ್ಕೆ ಬಂದಿದೆ.

ಡಬ್ಲ್ಯೂಡಬ್ಲ್ಯೂಡಿಸಿ ನ ಆಡಿಯೊ ಅಥವಾ ಆಡಿಯೊ ವಿಶುವಲ್ ರೆಕಾರ್ಡಿಂಗ್‌ಗಳನ್ನು ಮಾಡುವುದು ಇಲ್ಲವೇ ವೃತ್ತಿಪರ ಫೋಟೋಗ್ರಫಿಕ್ ಅಥವಾ ವೀಡಿಯೊ ಉಪಕರಣಗಳನ್ನು ಕಾರ್ಯಾಗಾರವಿರುವ ಪ್ರದೇಶಗಳಿಗೆ ಒಯ್ಯುವಂತಿಲ್ಲ ಎಂದು ಆಪಲ್‌ನ ಮಾಹಿತಿ ಪುಟ ಘೋಷಿಸಿದೆ.

ಸೆಲ್ಫಿ ಸ್ಟಿಕ್ ಅಥವಾ ಇಂತಹುದೇ ಮೋನೋಪ್ಯಾಡ್‌ಗಳನ್ನು ಈ ಪ್ರದೇಶಗಳಲ್ಲಿ ಬಳಸುವಂತಿಲ್ಲ ಎಂದು ಎಂದು ಈ ಮಾಹಿತಿ ತಿಳಿಸಿದೆ. ಈಗಾಗಲೇ ಕೆಲವು ಈವೆಂಟ್‌ಗಳಲ್ಲಿ ಈ ಸೆಲ್ಫಿ ಸ್ಟಿಕ್ ಅನ್ನು ಬ್ಯಾನ್ ಮಾಡಿದೆ. ಡಬ್ಲ್ಯೂಡಬ್ಲ್ಯೂಡಿಸಿ 2015 ಜೂನ್ 8 ರಿಂದ 12 ರವರೆಗೆ ಸ್ಯಾನ್ ಫ್ರಾನ್ಸಿಸ್ಕೋದಲ್ಲಿ ನಡೆಯಲಿದೆ. ಇದೇ ಈವೆಂಟ್‌ನಲ್ಲಿ ಆಪಲ್ ಐಓಎಸ್ 9 ಮತ್ತು OS X 10.11 ಅನ್ನು ಬಿಡುಗಡೆ ಮಾಡುವ ನಿರೀಕ್ಷೆ ಇದೆ.