ಆಪಲ್‌ ನ್ಯೂಸ್‌ ; ಆಪ್‌ ಡೌನ್‌ಲೋಡ್‌ ಮಿತಿ ಇನ್ನು 200MB!

ಮಿತಿಯಲ್ಲಿ ಹೆಚ್ಚಳ

ಆಪಲ್‌ ಆಪ್‌ ಸ್ಟೋರ್‌ನಿಂದ ಸೆಲ್ಯೂಲರ್‌ ಡೇಟಾ ಬಳಸಿ ಕೇವಲ 150MB ಡೇಟಾ ಸಾಮರ್ಥ್ಯದ ಅಪ್ಲಿಕೇಶನ್‌ಗಳನ್ನು ಮಾತ್ರ ಡೌನ್‌ಲೋಡ್‌ ಮಾಡುವುದಕ್ಕೆ ಅವಕಾಶ ನೀಡಿತ್ತು. ಆದರೆ ಆ ಮಿತಿಯಲ್ಲಿಗ ಸಡಿಲಿಕೆ ಮಾಡಿರುವ ಕಂಪನಿಯು, 50MB ಡೇಟಾವನ್ನು ಹೆಚ್ಚಳ ಮಾಡಿದೆ. ಹೀಗಾಗಿ 200MB ವರೆಗಿನ ಡೇಟಾ ಬೇಡುವ ಆಪ್‌ಗಳನ್ನು ಡೌನ್‌ಲೋಡ್‌ ಮಾಡಬಹುದು.

ಮೊದಲು 100MB

ಆಪಲ್‌ ಸಂಸ್ಥೆಯು ಸೆಲ್ಯೂಲರ್‌ ಡೇಟಾ ಬಳಸಿ 100MB ವರೆಗಿನ ಡೇಟಾ ಸಾಮರ್ಥ್ಯದ ಆಪ್‌ಗಳನ್ನು ಮಾತ್ರ ಡೌನ್‌ಲೋಡ್‌ ಮಾಡುವುದಕ್ಕೆ ಅನುಕೂಲ ಮಾಡಿತ್ತು. ಆದರೆ 2017ರಲ್ಲಿ ಈ ಮಿತಿಯಲ್ಲಿ ಹೆಚ್ಚುವರಿಯಾಗಿ 50MB ಡೇಟಾವನ್ನು ಸೇರಿಸಿದ್ದು, ಬಳಕೆದಾರರು 150MB ಡೇಟಾ ಬೇಡುವ ಆಪ್‌ಗಳನ್ನು ಡೌನ್‌ಲೋಡ್‌ ಮಾಡುವುದಕ್ಕೆ ಅವಕಾಶ ದೊರೆಯಿತು.

ಲಿಮಿಟ್‌ಗೆ ಕಾರಣ ಏನು

ಬಳಕೆದಾರರು ಅಪ್ಲಿಕೇಶನ್‌ ಡೌನ್‌ಲೋಡ್‌ ಮಾಡುವಾಗ ಕೇಲವೊಮ್ಮೆ ಆಕಸ್ಮಿಕ್‌ವಾಗಿ ದೊಡ್ಡ ಗಾತ್ರದ ಆಪ್‌ಗಳು ಡೌನ್‌ಲೋಡ್‌ ಆಗಿಬಿಡುವ ಸಾಧ್ಯತೆಗಳಿರುತ್ತವೆ. ಆವಾಗ ಬಳಕೆದಾರರ ಸೆಲ್ಯೂಲರ್‌ ಡೇಟಾ ಖಾಲಿಯಾಗಿ ಬಿಡುತ್ತದೆ ಎನ್ನುವ ಕಾರಣಕ್ಕಾಗಿ ಕಂಪನಿಯು ಹೆಚ್ಚಿನ ಡೇಟಾ ಬೇಡುವ ಆಪ್‌ಗಳಿಗೆ ಲಿಮಿಟ್‌ ಮಾಡಲಾಗಿದೆ.

ವೈ-ಫೈ ಉತ್ತಮ

ಸದ್ಯ ಬಹುತೇಕ ಜನಪ್ರಿಯ ಆಪ್‌ಗಳು ಅಧಿಕ ಡೇಟಾವನ್ನು ಬೇಡುತ್ತವೆ ಅವುಗಳನ್ನು ಸೆಲ್ಯೂಲರ್‌ ಡೇಟಾಗಳನ್ನು ಬಳಸಿ ಡೌನ್‌ಲೋಡ್‌ ಮಾಡುವುದಕ್ಕಿಂತ ವೈ ಫೈ ನೆಟವರ್ಕ್‌ ಬಳಸಿ ಡೌನ್‌ಲೋಡ್‌ ಮಾಡುವುದು ಸೂಕ್ತ ಎನ್ನಬಹುದು. ವೈ ಫೈ ನೆಟವರ್ಕ್‌ನಲ್ಲಿ ಆಪ್‌ಗಳು ವೇಗವಾಗಿ ಡೌನ್‌ಲೋಡ್‌ ಆಗುತ್ತವೆ.

ಹೇವಿ ಡೇಟಾ ಆಪ್‌ಗಳು

ಅಧಿಕ ಡೇಟಾ ಬೇಡುವ ಆಪ್‌ಗಳ ಲಿಸ್ಟ್‌ನಲ್ಲಿ ಮೊದಲಿಗೆ ಗುರುತಿಸಿಕೊಳ್ಳುವುದೇ 'ಆನ್‌ಲೈನ್‌ ಗೇಮಿಂಗ್‌ ಆಪ್‌ಗಳು'. ಇವುಗಳನ್ನು ವೈ ಫೈ ನೆಟವರ್ಕ್‌ನಲ್ಲಿಯೇ ಡೌನ್‌ಲೋಡ್‌ ಮಾಡಬೇಕು. ಹಾಗೆಯೇ ವಿಡಿಯೊ ಎಡಿಟಿಂಗ್‌ ಆಪ್‌ಗಳು ಸಹ ಹೆಚ್ಚು ಡೇಟಾವನ್ನು ನಿರೀಕ್ಷಿಸುತ್ತವೆ, ಅವುಗಳೊಂದಿಗೆ ಸಾಮಾಜಿಕ ಜಾಲತಾಣಗಳು ಸಹ ಹೇವಿ ಡೇಟಾ ಬೇಡುತ್ತವೆ.