ನಿಮ್ಮ ಸ್ಮಾರ್ಟ್‌ಫೋನ್‌ಗೆ ಮಾರಕವಾಗಿರುವ ಅಪ್ಲಿಕೇಶನ್‌ಗಳು

ಬ್ಯಾಟರಿ ಸೇವರ್ ಅಪ್ಲಿಕೇಶನ್‌ಗಳು

ಬ್ಯಾಟರಿ ಸೇವರ್ ಅಥವಾ RAM ಕ್ಲೀನಿಂಗ್ ಅಪ್ಲಿಕೇಶನ್‌ಗಳು ಹಿನ್ನಲೆಯಲ್ಲಿ ಮೌನವಾಗಿ ಕಾರ್ಯನಿರ್ವಹಿಸುತ್ತಿರುತ್ತವೆ. ಇದು ಫೋನ್ ಅನ್ನು ಸ್ಕ್ಯಾನ್ ಮಾಡುತ್ತಿರುತ್ತದೆ ಇದು ನಿಮಗೆ ಸೂಚನೆಯನ್ನು ನೀಡದೆಯೇ ಫೋನ್ ಶಟ್‌ ಡೌನ್ ಮಾಡಬಹುದು.

ಸಾಮಾಜಿಕ ಮಾಧ್ಯಮ ಅಪ್ಲಿಕೇಶನ್‌ಗಳು

ಹೆಚ್ಚು ಜನಪ್ರಿಯ ಸ್ಮಾರ್ಟ್‌ಫೋನ್ ಅಪ್ಲಿಕೇಶನ್ ಆದ ಫೇಸ್‌ಬುಕ್, ಹೆಚ್ಚು ಬ್ಯಾಟರಿ ಡ್ರೈನಿಂಗ್ ಅಪ್ಲಿಕೇಶನ್ ಎಂದೇ ಪರಿಚಯಿತವಾಗಿದೆ. ಇದು ಹಿನ್ನಲೆಯಲ್ಲಿ ರನ್ ಆಗುತ್ತಿರುತ್ತದೆ ಮತ್ತು ಅಧಿಸೂಚನೆಗಳನ್ನು ಕಳುಹಿಸುತ್ತಿರುತ್ತದೆ. ಇದರ ಮೆಸೆಂಜರ್ ಅಪ್ಲಿಕೇಶನ್ ಕೂಡ ಸ್ಮಾರ್ಟ್‌ಫೋನ್‌ನ ಬ್ಯಾಟರಿಯನ್ನು ಖರ್ಚು ಮಾಡಬಹುದು.

ಆಂಟಿ ವೈರಸ್ ಅಪ್ಲಿಕೇಶನ್‌ಗಳು

ಆಂಟಿ ವೈರಸ್ ಅಪ್ಲಿಕೇಶನ್ ಅಂದರೆ ಬ್ಯಾಟರಿ ಸೇವರ್ ಮತ್ತು RAM ಮ್ಯಾನೇಜ್‌ಮೆಂಟ್ ಅಪ್ಲಿಕೇಶನ್‌ಗಳು ಕೂಡ ಹಿನ್ನಲೆಯಲ್ಲಿ ಚಾಲನೆಯಾಗುತ್ತಿರುತ್ತವೆ ಮತ್ತು ಫೋನ್ ಸ್ಕ್ಯಾನ್ ಮಾಡುವುದರ ಮೂಲಕ ಫೋನ್‌ನ ಅಪಾಯಗಳನ್ನು ನಿವಾರಿಸುತ್ತದೆ. ಹೆಚ್ಚಿನ ಸಂಖ್ಯೆಯ ಅಪ್ಲಿಕೇಶನ್‌ಗಳು ಫೋನ್ ಸ್ಕ್ಯಾನ್ ಮಾಡುವುದರ ಜೊತೆಗೆ ಬ್ಯಾಟರಿಯನ್ನು ಡ್ರೈನ್ ಮಾಡುತ್ತದೆ.

ಫೋಟೋ ಎಡಿಟಿಂಗ್ ಅಪ್ಲಿಕೇಶನ್‌ಗಳು

ನಿಮಗೆ ಫೋಟೋಗ್ರಫಿ ಹೆಚ್ಚು ಇಷ್ಟ ಎಂದಾದಲ್ಲಿ ಚಿತ್ರಗಳನ್ನು ತೆಗೆಯಿರಿ, ಅವುಗಳನ್ನು ಎಡಿಟ್ ಮಾಡಿ ಮತ್ತು ಸೋಶಿಯಲ್ ಮೀಡಿಯಾದಲ್ಲಿ ಹಂಚಿಕೊಳ್ಳುತ್ತೀರಿ. ಆದರೆ ಇಂತಹ ಅಪ್ಲಿಕೇಶನ್‌ಗಳು ಗಾತ್ರದಲ್ಲಿ ಹೆಚ್ಚು ತೂಕದ್ದಾಗಿದ್ದು ಹೆಚ್ಚಿನ ಪ್ರೊಸೆಸಿಂಗ್ ಪವರ್ ಅನ್ನು ಬಳಸಿಕೊಳ್ಳುತ್ತವೆ.

ಇಂಟರ್ನೆಟ್ ಬ್ರೌಸರ್ ಅಪ್ಲಿಕೇಶನ್‌ಗಳು

ನಿಮ್ಮ ಫೋನ್‌ನಲ್ಲಿ ಡೀಫಾಲ್ಟ್ ಬ್ರೌಸರ್ ಅಪ್ಲಿಕೇಶನ್‌ನಂತೆ ಕಾರ್ಯನಿರ್ವಹಿಸುತ್ತಿರುವ ಹೆಚ್ಚುವರಿ ಬ್ರೌಸರ್ ಅಪ್ಲಿಕೇಶನ್‌ಗಳನ್ನು ಸ್ಮಾರ್ಟ್‌ಫೋನ್‌ನಿಂದ ಅನ್‌ಇನ್‌ಸ್ಟಾಲ್ ಮಾಡಿಕೊಳ್ಳಬಹುದಾಗಿದೆ.

ಗೇಮಿಂಗ್ ಅಪ್ಲಿಕೇಶನ್‌ಗಳು

ಈ ಅಪ್ಲಿಕೇಶನ್‌ಗಳನ್ನು ಅನ್‌ಇನ್‌ಸ್ಟಾಲ್ ಮಾಡುವುದು ಕೊಂಚ ಕಷ್ಟವಾಗಿದ್ದರೂ, ಗೇಮಿಂಗ್ ಅಪ್ಲಿಕೇಶನ್‌ಗಳು ಹೆಚ್ಚುವರಿ ಬ್ಯಾಟರಿಯನ್ನು ಬಳಸಿಕೊಳ್ಳುತ್ತವೆ. ಇನ್ನು ಅನ್‌ಇನ್‌ಸ್ಟಾಲ್ ಮಾಡುವುದು ನಿಮಗೆ ಬೇಡ ಎಂದಾದಲ್ಲಿ, ಅವುಗಳನ್ನು ಫೋರ್ಸ್ ಮಾಡಿ ನಿಲ್ಲಿಸಬಹುದಾಗಿದೆ. ಅದನ್ನು ಸ್ಪರ್ಶಿಸುವುದು ಅಪ್ಲಿಕೇಶನ್ ಅನ್ನು ಆಕ್ಟಿವೇಟ್ ಮಾಡುತ್ತದೆ.