ಮತ್ತೊಮ್ಮೆ ಬೆಲೆ ಇಳಿಕೆ ಕಂಡ 'ಆಸೂಸ್‌ 5Z' ಸ್ಮಾರ್ಟ್‌ಫೋನ್‌!

ಡಿಸ್‌ಪ್ಲೇ ರಚನೆ

6.2 ಇಂಚಿನ ಪೂರ್ಣ ಹೆಚ್‌ಡಿ ಪ್ಲಸ್‌ ಡಿಸ್‌ಪ್ಲೇಯನ್ನು ಒಳಗೊಂಡಿರುವ ಆಸೂಸ್‌ 5Z ಸ್ಮಾರ್ಟ್‌ಫೋನ್ 1080x2246 ಪಿಕ್ಸಲ್ ರೆಸಲ್ಯೂಶನ್ ಸಾಮರ್ಥ್ಯವನ್ನು ಹೊಂದಿದೆ. ಡಿಸ್‌ಪ್ಲೇಯ ಅನುಪಾತವು 18.7:9 ಆಗಿದ್ದು, ಸ್ಕ್ರೀನ್‌ ಗೊರಿಲ್ಲಾ ಗ್ಲಾಸ್‌ನ ರಕ್ಷಣೆ ಪಡೆದುಕೊಂಡಿದೆ. ಹಾಗೆಯೇ ಫೋನಿನ ಡಿಸ್‌ಪ್ಲೇ ಸುತ್ತಲೂ ಕಡಿಮೆ ಅಂಚನ್ನು ಹೊಂದಿದೆ.

ಪ್ರೊಸೆಸರ್‌ ಶಕ್ತಿ

ಆಕ್ಟಾ ಕೋರ್ ಕ್ವಾಲ್ಕಮ್ ಸ್ನ್ಯಾಪ್‌ಡ್ರಾಗನ್ 845 SoC ಪ್ರೊಸೆಸರ್‌ ಶಕ್ತಿ ಇದ್ದು, ಜೊತೆಗೆ ಆಡ್ರೆನೊ 630 GPU ಸಾಮರ್ಥ್ಯವನ್ನು ಪಡೆದುಕೊಂಡಿದೆ. ಹಾಗೆಯೇ ಈ ಸ್ಮಾರ್ಟ್‌ಫೋನ್ ಎರಡು ವೇರಿಯಂಟ್ ಆಯ್ಕೆಗಳನ್ನು ಹೊಂದಿದ್ದು, ಅವುಗಳು ಕ್ರಮವಾಗಿ 6GB RAM + 128GB ವೇರಿಯಂಟ್‌ 8GB RAM + 256GB ವೇರಿಯಂಟ್ ಸಾಮರ್ಥ್ಯದಲ್ಲಿವೆ.

ಓದಿರಿ : ವಿಶ್ವದ ಮೊದಲ 64ಎಂಪಿ ಕ್ಯಾಮೆರಾ ಫೋನ್‌ ಬಿಡುಗಡೆಗೆ ಸಜ್ಜಾದ ಶಿಯೋಮಿ!

ಕ್ಯಾಮೆರಾ ವಿಶೇಷತೆ

ಡ್ಯುಯಲ್ ರಿಯರ್‌ ಕ್ಯಾಮೆರಾ ಆಯ್ಕೆಯನ್ನು ಹೊಂದಿದೆ. ಪ್ರಾಥಮಿಕ ಕ್ಯಾಮೆರಾವು ಸೋನಿಯ IMX363 ಸೆನ್ಸಾರ್‌ನೊಂದಿಗೆ f/1.8 ಲೆನ್ಸ್‌ನ 12 ಮೆಗಾಪಿಕ್ಸಲ್ ಸಾಮರ್ಥ್ಯದಲ್ಲಿದ್ದು, ಸೆಕೆಂಡರಿ ಕ್ಯಾಮೆರಾವು ಮೆಗಾಪಿಕ್ಸಲ್ ಓಮಿನಿವಿಶನ್ 8856 ಸೆನ್ಸಾರ್‌ನೊಂದಿಗೆ f/2.2 ಲೆನ್ಸ್‌ ಒಳಗೊಂಡ 8ಎಂಪಿ ಕ್ಯಾಮೆರಾ ಇದೆ. ಸೆಲ್ಫಿ ಕ್ಯಾಮೆರಾ ಸಹ 8ಎಂಪಿ ಸೆನ್ಸಾರ್‌ ಹೊಂದಿದೆ.

ಓದಿರಿ : ಸದ್ಯ ಮಾರುಕಟ್ಟೆಯಲ್ಲಿ ಸದ್ದು ಮಾಡುತ್ತಿರುವ ಟಾಪ್‌ 5 ಸ್ಮಾರ್ಟ್‌ಫೋನ್‌ಗಳು!

ಬ್ಯಾಟರಿ ಪವರ್

ಆಸೂಸ್‌ 5Z ಸ್ಮಾರ್ಟ್‌ಫೋನ್ 3,300mAh ಸಾಮರ್ಥ್ಯದ ಬ್ಯಾಟರಿ ಶಕ್ತಿಯನ್ನು ಹೊಂದಿದ್ದು, ಜೊತೆಗೆ 3.0 ಕ್ವಿಕ್ ಚಾರ್ಜಿಂಗ್ ಸೌಲಭ್ಯದ ಬೆಂಬಲವನ್ನು ಸಹ ಒಳಗೊಂಡಿದೆ. ಇದರೊಂದಿಗೆ ಬ್ಲೂಟೂತ್ 5.0, ವೈಫೈ 802.11ac (2.4GHz/ 5GHz), 3.5mm ಆಡಿಯೊ ಜಾಕ್, NFC, ಯುಎಸ್‌ಬಿ, ಓಟಿಜಿ, ಯುಎಸ್‌ಬಿ ಟೈಪ್‌-ಸಿ ಮತ್ತು ಜಿಪಿಎಸ್‌ ಸೌಲಭ್ಯಗಳನ್ನು ಸಹ ಪಡೆದುಕೊಂಡಿದೆ.

ಓದಿರಿ : 498ರೂ.ಗಳ 'BSNL ಸ್ಟಾರ್‌ ಸದಸ್ಯತ್ವದ' ಪ್ಲ್ಯಾನ್‌ ಲಾಂಚ್!..ಭರ್ಜರಿ ಆಫರ್!