ಅಸುಸ್ ROG ಫೋನ್ 7 ಸರಣಿ ಖರೀದಿಗೆ ಲಭ್ಯ: ಆಫರ್‌ ಬೆಲೆ, ಫೀಚರ್ಸ್‌ ತಿಳಿಯಿರಿ!

ಅಸುಸ್‌ನ ಸಬ್-ಬ್ರಾಂಡ್ ರಿಪಬ್ಲಿಕ್ ಆಫ್ ಗೇಮರ್ಸ್ (ROG) ಇತ್ತೀಚೆಗೆ ಭಾರತದಲ್ಲಿ ROG ಫೋನ್ 7 ಸರಣಿಯನ್ನು ಲಾಂಚ್‌ ಮಾಡಿದ್ದು, ಇದರಲ್ಲಿ ROG ಫೋನ್ 7 ಮತ್ತು 7 ಅಲ್ಟಿಮೇಟ್ ಸ್ಮಾರ್ಟ್‌ಫೋನ್‌ಗಳನ್ನು ಒಳಗೊಂಡಿದೆ. ಈ ನಡುವೆ ಇವು ಇಂದಿನಿಂದ ಖರೀದಿಗೆ ಮುಕ್ತವಾಗಿದ್ದು, ಈ ಅತ್ಯುತ್ತಮ ಫೋನ್‌ ಅನ್ನು ಉತ್ತಮ ಬೆಲೆಗೆ ನಿಮ್ಮದಾಗಿಸಿಕೊಳ್ಳಬಹುದು.

ಹೌದು, ಈ ಫೋನ್‌ಗಳು ಕಳೆದ ತಿಂಗಳು ಅಂದರೆ ಏಪ್ರಿಲ್‌ನಲ್ಲಿ ಲಾಂಚ್‌ ಆಗಿದ್ದು, ಈ ವರೆಗೂ ಖರೀದಿಗೆ ಲಭ್ಯ ಇರಲಿಲ್ಲ.ಆದರೆ, ಇಂದಿನಿಂದ ಈ ವಿಶೇಷ ಫೋನ್‌ಗಳನ್ನು ಖರೀದಿ ಮಾಡಬಹುದಾಗಿದ್ದು, ಈ ಫೋನ್‌ಗಳು 6000mAh ಸಾಮರ್ಥ್ಯದ ಸ್ಪ್ಲಿಟ್ ಬ್ಯಾಟರಿ ಸಾಮರ್ಥ್ಯ ಹಾಗೂ 1500 nits ವರೆಗಿನ ಗರಿಷ್ಟ ಬ್ರೈಟ್‌ನೆಟ್‌ ಆಯ್ಕೆ ಸೇರಿದಂತೆ ಇನ್ನಿತರೆ ಆಕರ್ಷಕ ಫೀಚರ್ಸ್‌ಗಳನ್ನು ಪಡೆದುಕೊಂಡಿವೆ. ಹಾಗಿದ್ರೆ, ಬನ್ನಿ ಈ ಫೋನ್‌ಗಳ ಪ್ರಮುಖ ಫೀಚರ್ಸ್‌ ಹಾಗೂ ಭಾರತದಲ್ಲಿ ಇವುಗಳ ಬೆಲೆ ಬಗ್ಗೆ ತಿಳಿಯೋಣ.

ಅಸುಸ್ ROG ಫೋನ್ 7 ಸರಣಿ ಡಿಸ್‌ಪ್ಲೇ ವಿವರ: ಈ ಸರಣಿಯಲ್ಲಿನ ಮಾಡೆಲ್‌ಗಳು 165Hz ರಿಫ್ರೆಶ್‌ ರೇಟ್‌ ಆಯ್ಕೆಯೊಂದಿಗೆ 6.78 ಇಂಚಿನ ಅಮೋಲೆಡ್‌ ಡಿಸ್‌ಪ್ಲೇ ಆಯ್ಕೆ ಹೊಂದಿದ್ದು, ಇದು HDR10+ ಗೆ ಬೆಂಬಲ ಪಡೆದಿದೆ. ಜೊತೆಗೆ 720Hz ವರೆಗಿನ ಟಚ್ ಮಾದರಿ ರೆಟ್ ಆಯ್ಕೆ ಇದ್ದು, 23ms ಟಚ್ ಲೇಟೆನ್ಸಿಯನ್ನು ಬೆಂಬಲಿಸುತ್ತದೆ. ಇನ್ನು ಗರಿಷ್ಠ ಈ ಫೋನ್‌ಗಳು 1500 ನಿಟ್ಸ್‌ ವರೆಗಿನ ಗರಿಷ್ಟ ಬ್ರೈಟ್‌ನೆಸ್‌ ಆಯ್ಕೆ ಪಡೆದುಕೊಂಡಿರುವುದು ವಿಶೇಷ.

ಅಸುಸ್ ROG ಫೋನ್ 7 ಸರಣಿ ಪ್ರೊಸೆಸರ್‌ ಮಾಹಿತಿ: ಈ ಹೊಸ ಸ್ಮಾರ್ಟ್‌ಫೋನ್‌ಗಳು ಇತ್ತೀಚಿನ ಸ್ನಾಪ್‌ಡ್ರಾಗನ್ 8 ಜನ್ 2 ಮೊಬೈಲ್ ಪ್ಲಾಟ್‌ಫಾರ್ಮ್ ಜೊತೆಗೆ ಗೇಮ್‌ಕೂಲ್ 7 ಕೂಲಿಂಗ್ ಸಿಸ್ಟಮ್‌ನಿಂದ ಕಾರ್ಯನಿರ್ವಹಿಸಲಿವೆ. ಇದರೊಂದಿಗೆ ROG ಫೋನ್ 7 12GB RAM ಮತ್ತು 256GB ಸ್ಟೋರೇಜ್ ಆಯ್ಕೆ ಹೊಂದಿದ್ದು, ROG ಫೋನ್ 7 ಅಲ್ಟಿಮೇಟ್ 16GB RAM, 512GB ಇಂಟರ್‌ ಸ್ಟೋರೇಜ್‌ ಆಯ್ಕೆ ಪಡೆದುಕೊಂಡಿದೆ.

ಅಸುಸ್ ROG ಫೋನ್ 7 ಸರಣಿ ಕ್ಯಾಮೆರಾ ರಚನೆ: ಈ ಗೇಮಿಂಗ್ ಸ್ಮಾರ್ಟ್‌ಫೋನ್‌ಗಳು 50MP ಸೋನಿ IMX766 ಫ್ಲಾಗ್‌ಶಿಪ್ ರಿಯರ್‌ ಕ್ಯಾಮೆರಾ ಹೊಂದಿದ್ದು, ಕಡಿಮೆ-ಬೆಳಕಿನ ಕಾರ್ಯಕ್ಷಮತೆ, 8K ರೆಕಾರ್ಡಿಂಗ್, EIS ಮತ್ತು HDR10 ಸಾಮರ್ಥ್ಯವನ್ನು ಹೊಂದಿದೆ. ಜೊತೆಗೆ 32MP ಸೆಲ್ಫಿ ಕ್ಯಾಮರಾ ಆಯ್ಕೆ ಹೊಂದಿರುವ ಈ ಫೋನ್‌ಗಳು EIS ಜೊತೆಗೆ 4K ಅನ್ನು ಸಹ ಬೆಂಬಲಿಸುತ್ತದೆ.

ಅಸುಸ್ ROG ಫೋನ್ 7 ಸರಣಿ ಬ್ಯಾಟರಿ ಸಾಮರ್ಥ್ಯ ಹಾಗೂ ಇತರೆ: ಈ ಸ್ಮಾರ್ಟ್‌ಫೋನ್‌ಗಳು 6000mAh ಸಾಮರ್ಥ್ಯದ ಸ್ಪ್ಲಿಟ್ ಬ್ಯಾಟರಿ ಆಯ್ಕೆ ಪಡೆದಿದ್ದು, ಈ ಬ್ಯಾಟರಿಯು 65W ಹೈಪರ್‌ಚಾರ್ಜ್‌ನಿಂದ ಚಾಲಿತವಾಗಲಿದೆ. ಇನ್ನುಳಿದಂತೆ ಎರಡೂ ಸ್ಮಾರ್ಟ್‌ಫೋನ್‌ಗಳು ವೈ-ಫ 7 320 MHz ಚಾನಲ್‌ಗಳು ಮತ್ತು ಮಲ್ಟಿ-ಲಿಂಕ್ ಕಾರ್ಯಾಚರಣೆ, ROG ಹೈಪರ್‌ಫ್ಯೂಷನ್ ತಂತ್ರಜ್ಞಾನ, 4G/5G ಸೆಲ್ಯುಲಾರ್ ಸಂಪರ್ಕ ಸೇರಿದಂತೆ ಇನ್ನಿತರೆ ಕನೆಕ್ಟಿವಿಟಿ ಆಯ್ಕೆ ಪಡೆದುಕೊಂಡಿವೆ.

ಇದಿಷ್ಟು ಮಾತ್ರವಲ್ಲದೆ ಈ ಫೋನ್‌ಗಳು ಏರ್‌ಟ್ರಿಗ್ಗರ್ ಅಲ್ಟ್ರಾಸಾನಿಕ್ ಟ್ರಿಗ್ಗರ್ ಬಟನ್‌ಗಳು ಮತ್ತು ಗೇಮ್ ಕಂಟ್ರೋಲ್‌ಗಾಗಿ 10 ಮೋಷನ್ ಕಂಟ್ರೋಲ್ ಗೆಸ್ಚರ್‌ಗಳೊಂದಿಗೆ ಕನ್ಸೋಲ್ ತರಹದ ಗೇಮಿಂಗ್ ಅನುಭವ ನೀಡುತ್ತವೆ. ಈ ಫೋನ್‌ಗಳು 3.5mm ಹೆಡ್‌ಫೋನ್ ಜ್ಯಾಕ್ ಅನ್ನು ಬೆಂಬಲಿಸಲಿದ್ದು, 2.1 ಧ್ವನಿಗಾಗಿ ಸಬ್-ವೂಫರ್‌ ಆಯ್ಕೆ ಪಡೆದ ವಿಶ್ವದ ಮೊದಲ ಫೋನ್ ಆಗಿಯೂ ಇವು ಗುರುತಿಸಿಕೊಂಡಿವೆ.

ಅಸುಸ್ ROG ಫೋನ್ 7 ಸರಣಿ ಬೆಲೆ ಹಾಗೂ ಲಭ್ಯತೆ: ಇನ್ನು 12GB RAM ಮತ್ತು 256GB ಸ್ಟೋರೇಜ್ ಆಯ್ಕೆಯ ROG ಫೋನ್ 7 ಬೆಲೆ 74,999ರೂ. ಗಳಾಗಿದ್ದು, ಈ ಫೋನ್ ಫ್ಯಾಂಟಮ್ ಬ್ಲಾಕ್ ಮತ್ತು ಸ್ಟಾರ್ಮ್ ವೈಟ್ ಎಂಬ ಎರಡು ಬಣ್ಣದಲ್ಲಿ ಲಭ್ಯ. ROG ಫೋನ್ 7 ಅಲ್ಟಿಮೇಟ್ 16GB RAM,512GB ಸ್ಟೋರೇಜ್ ಆಯ್ಕೆಯ ಫೋನ್‌ 99,999ರೂ.ಗಳ ಬೆಲೆ ಹೊಂದಿದೆ. ಇವುಗಳನ್ನು ವಿಜಯ ಸೇಲ್ಸ್ ಹಾಗೂ ಅಸುಸ್‌ ಸೈಟ್‌ ಮೂಲಕ ಖರೀದಿಸಬಹುದು.