ASUS ROG Phone: ಆಸುಸ್‌ ROG ಫೋನ್ 8 ಪ್ರೊ ಸರಣಿ ವಿಜಯ್ ಸೇಲ್ಸ್‌ನಲ್ಲಿ ಲಭ್ಯ! ಬೆಲೆ ಎಷ್ಟು?

ಗೇಮಿಂಗ್‌ ವಿಭಾಗದಲ್ಲಿ ಅಗ್ರಗಣ್ಯ ಸ್ಮಾರ್ಟ್‌ಫೋನ್‌ ಎಂದರೆ ಆಸುಸ್‌ ROG ಫೋನ್‌ಗಳು(ASUS ROG Phone ). ಈ ನಡುವೆ ಕೆಲವು ದಿನಗಳ ಹಿಂದೆ ಹೊಸ ಫೋನ್‌ ಅನ್ನು ಅನಾವರಣ ಮಾಡಲಾಗಿದ್ದು, ಈ ಫೋನ್‌ ಅನ್ನು ಭಾರತದಲ್ಲಿ ವಿಜಯ್ ಸೇಲ್ಸ್ (Vijay Sales) ಮೂಲಕ ಖರೀದಿ ಮಾಡಬಹುದಾಗಿದೆ.

ಹೌದು, ಸುಧಾರಿತ ತಂತ್ರಜ್ಞಾನ ಮತ್ತು ತಲ್ಲೀನಗೊಳಿಸುವ ಗೇಮಿಂಗ್ (Gaming) ಅನುಭವಗಳಿಗೆ ಹೆಸರುವಾಸಿಯಾಗಿರುವ ಆಸುಸ್‌ ROG ಫೋನ್ 8 ಪ್ರೊ ಸರಣಿಯನ್ನು (Asus ROG Phone 8 Pro Series) ಇನ್ಮುಂದೆ ಭಾರತದಲ್ಲಿ ಸುಲಭವಾಗಿ ಖರೀದಿ ಮಾಡಬಹುದಾಗಿದೆ. ಈ ಸ್ಮಾರ್ಟ್‌ಫೋನ್ 50MP ಮುಖ್ಯ ಕ್ಯಾಮೆರಾ ಆಯ್ಕೆ ಪಡೆದಿದೆ. ಹಾಗಿದ್ರೆ, ಯಾವ ವೇರಿಯಂಟ್‌ಗೆ ಎಷ್ಟು ಬೆಲೆ?, ಈ ಫೋನ್‌ನ ಫೀಚರ್ಸ್‌ ಏನು ಅನ್ನೋ ಮಾಹಿತಿ ಇಲ್ಲಿದೆ ನೋಡಿ.

ಆಸುಸ್‌ ROG ಫೋನ್ 8 ಪ್ರೊ ಸರಣಿ: ಆಸುಸ್‌ ROG ಫೋನ್ 8 ಪ್ರೊ ಎಲ್ಲಾ ವಿಜಯ್ ಸೆಲ್ಸ್‌ನ ಆನ್‌ಲೈನ್ ಮತ್ತು ಆಫ್‌ಲೈನ್‌ನಲ್ಲಿ ಲಭ್ಯ ಇವೆ. ಆಸುಸ್‌ ROG ಫೋನ್ 8 ಪ್ರೊ ಎರಡು ವೇರಿಯಂಟ್‌ನಲ್ಲಿ ಲಭ್ಯ ಇದ್ದು, ಅದರಲ್ಲಿ 16GB+512GB ಸ್ಟೋರೇಜ್‌ ಆವೃತ್ತಿಗೆ 94,999 ರೂ.ಗಳ ಬೆಲೆ ಇದ್ದರೆ 24GB+1TB ಸ್ಟೋರೇಜ್‌ ಆವೃತ್ತಿಯ ಫೋನ್ 1,19,999 ರೂ.ಗಳ ಬೆಲೆ ಹೊಂದಿದೆ. ಇನ್ನು ವಿಜಯ್ ಸೇಲ್ಸ್ ROG ಫೋನ್ 8 ಪ್ರೊ ಸರಣಿಗಾಗಿ ಆಸುಸ್‌ ಜೊತೆಗೆ ವಿಶೇಷ ಪಾಲುದಾರಿಕೆಯನ್ನು ಪ್ರಕಟಿಸಿದೆ.

ಆಸುಸ್‌ ROG ಫೋನ್ 8 ಸರಣಿ ಫೀಚರ್ಸ್‌: ಆಸುಸ್‌ ROG ಫೋನ್ 8 ಸರಣಿಯು LPTO ತಂತ್ರಜ್ಞಾನದೊಂದಿಗೆ 6.78 ಇಂಚಿನ ಅಮೋಲೆಡ್‌ ಡಿಸ್‌ಪ್ಲೇ ಹೊಂದಿದೆ. ಇದು 1Hz ನಿಂದ 120Hz ವರೆಗೆ ರಿಫ್ರೆಶ್ ರೇಟ್‌ಗಳನ್ನು ಬೆಂಬಲಿಸುತ್ತದೆ. ಇದರೊಂದಿಗೆ 2500 ನಿಟ್ಸ್‌ ನ ಗರಿಷ್ಠ ಬ್ರೈಟ್‌ನೆಸ್‌ ಆಯ್ಕೆ ಇದ್ದು, ಈ ಮೂಲಕ ಗೇಮಿಂಗ್‌ ಅಷ್ಟೇ ಅಲ್ಲದೆ ಎಲ್ಲಾ ರೀತಿಯಲ್ಲಿ ಉತ್ತಮ ವೀಕ್ಷಣೆ ಅನುಭವ ಪಡೆಯಬಹುದಾಗಿದೆ.

ಈ ಫೋನ್‌ ಕ್ವಾಲ್ಕಾಮ್ ಸ್ನಾಪ್‌ಡ್ರಾಗನ್ 8 ಜನ್ 3 ಪ್ರೊಸೆಸರ್ ನಲ್ಲಿ ಕಾರ್ಯನಿರ್ವಹಿಸಲಿದ್ದು, ಇದು ಉತ್ತಮ ಗೇಮಿಂಗ್ ಅನುಭವಕ್ಕೆ ಅನುಕೂಲ ಮಾಡಿಕೊಡಲಿದೆ. ಅಂದರೆ ಬಿಜಿಎಮ್‌ಐ, ಕಾಲ್ ಆಫ್ ಡ್ಯೂಟಿ ಮೊಬೈಲ್, ಅಪೆಕ್ಸ್ ಲೆಜೆಂಡ್‌ಗಳು ಸೇರಿದಂತೆ ಇತ್ಯಾದಿ ಗೇಮಿಂಗ್‌ ಸಂಬಂಧಿ ಕಾರ್ಯಕ್ಷಮತೆಯನ್ನು ಈ ಫೋನ್‌ ಹೊಂದಿದೆ. ಇದರೊಂದಿಗೆ ಎರಡು ವೇರಿಯಂಟ್‌ ಆಯ್ಕೆಯನ್ನು ಈ ಫೋನ್ ಪಡೆದಿದೆ.

ಈ ಫೋನ್ ಕ್ಯಾಮೆರಾ ಫೀಚರ್ಸ್‌ನಲ್ಲೂ ಒಂದು ಹೆಜ್ಜೆ ಮುಂದಿದೆ. 50 ಮೆಗಾಪಿಕ್ಸೆಲ್‌ ಸೋನಿ IMX890 ಮುಖ್ಯ ಕ್ಯಾಮೆರಾ, 13 ಮೆಗಾಪಿಕ್ಸೆಲ್‌ ಅಲ್ಟ್ರಾವೈಡ್ ಜೊತೆಗೆ ಫ್ರೀ-ಫಾರ್ಮ್ ಲೆನ್ಸ್ ಮತ್ತು 3X ಆಪ್ಟಿಕಲ್ ಜೂಮ್ ನೊಂದಿಗೆ 32 ಮೆಗಾಪಿಕ್ಸೆಲ್‌ ಟೆಲಿಫೋಟೋ ಕ್ಯಾಮೆರಾ ಆಯ್ಕೆ ಹೊಂದಿದೆ. ಈ ಕ್ಯಾಮೆರಾಗಳು 10x ಹೈಪರ್‌ಕ್ಲಾರಿಟಿ ಜೂಮ್, ಪ್ರೊ ಮೋಡ್ ಅನ್ನು ಬೆಂಬಲಿಸಲಿದ್ದು, ಹೆಚ್‌ಡಿಆರ್‌ ನಲ್ಲಿ 8K ಯುಹೆಚ್‌ಡಿ ಮತ್ತು 4K ವರೆಗೆ ವಿಡಿಯೋ ರೆಕಾರ್ಡಿಂಗ್ ಅನ್ನು ಮಾಡಬಹುದಾಗಿದೆ. ಜೊತಗೆ 32 ಮೆಗಾಪಿಕ್ಸೆಲ್ ಸೆಲ್ಫಿ ಕ್ಯಾಮೆರಾ ಆಯ್ಕೆ ಪಡೆದಿದೆ.

5,500 mAh ಸಾಮರ್ಥ್ಯದ ಬ್ಯಾಟರಿಯನ್ನು ಈ ಫೋನ್‌ ಹೊಂದಿದ್ದು, 15W Qi ವೈರ್‌ಲೆಸ್ ಚಾರ್ಜಿಂಗ್ ಮತ್ತು 65W ಹೈಪರ್‌ಚಾರ್ಜ್ ವೇಗದ ಚಾರ್ಜಿಂಗ್ ಬೆಂಬಲ ಪಡೆದಿದ್ದು, ಈ ಮೂಲಕ ಉತ್ತಮ ಬ್ಯಾಟರಿ ಬ್ಯಾಕಪ್‌ ಅನ್ನು ಪಡೆಯಬಹುದಾಗಿದೆ. ಇನ್ನು ಈ ಫೋನ್ ಏರೋಆಕ್ಟಿವ್ ಕೂಲರ್ X ನೊಂದಿಗೆ ಬರಲಿದ್ದು, ತೀವ್ರವಾದ ಗೇಮಿಂಗ್ ಸೆಷನ್‌ಗಳಲ್ಲಿ ಫೋನ್‌ನ ಕೂಲಿಂಗ್ ವ್ಯವಸ್ಥೆಯನ್ನು ಹೆಚ್ಚಿಸಲು ಇದನ್ನು ವಿನ್ಯಾಸಗೊಳಿಸಲಾಗಿದೆ.

ಇದು ಥರ್ಮೋಎಲೆಕ್ಟ್ರಿಕ್ ಕೂಲಿಂಗ್ ಚಿಪ್‌ನಿಂದ ಕಾರ್ಯನಿರ್ವಹಿಸಲಿದ್ದು, ಅಲ್ಟ್ರಾ-ಕಾಂಪ್ಯಾಕ್ಟ್ ಗಾತ್ರದಲ್ಲಿ ಡ್ಯುಯಲ್ ಕನ್ಸೋಲ್ ತರಹದ ಬಟನ್‌ಗಳನ್ನು ಹೊಂದಿದೆ. ಕೂಲರ್ ಶಾಖವನ್ನು ಹೆಚ್ಚು ಪರಿಣಾಮಕಾರಿಯಾಗಿ ಹೊರಹಾಕಲು ಸಹಾಯ ಮಾಡುತ್ತದೆ. ಇದರಿಂದಾಗಿ ಫೋನ್‌ನ ಕಾರ್ಯಕ್ಷಮತೆಯನ್ನು ಕಾಪಾಡಿಕೊಳ್ಳುತ್ತದೆ ಮತ್ತು ವಿಸ್ತೃತ ಗೇಮಿಂಗ್ ಸೆಷನ್‌ಗಳಲ್ಲಿ ಥರ್ಮಲ್ ಥ್ರೊಟ್ಲಿಂಗ್ ಅನ್ನು ತಡೆಯುತ್ತದೆ.