5G Smartphone: 15 ಸಾವಿರದೊಳಗೆ ಲಭ್ಯ ಅತ್ಯುತ್ತಮವಾದ 5G ಸ್ಮಾರ್ಟ್‌ಫೋನ್‌‌ಗಳು: ಆಕರ್ಷಕ ಫೀಚರ್ಸ್‌

ಈಗಂತೂ ಸ್ಮಾರ್ಟ್‌ಫೋನ್‌ಗಳಿಗೆ ಬಹು ಬೇಡಿಕೆ ಇದೆ. ಅದರಲ್ಲೂ 5G ಸ್ಮಾರ್ಟ್‌ಫೋನ್‌ಗಳಿಗೆ (5G Smartphone) ಭರ್ಜರಿ ಬೇಡಿಕೆ ಇದ್ದು, ಬಜೆಟ್ ದರದಲ್ಲೇ ಈ ಫೋನ್‌ಗಳು ಲಭ್ಯ ಆಗುತ್ತಿರುವುದು ಸಂತಸಕರ ಸಂಗತಿ. ಅದರಲ್ಲೂ ಹದಿನೈದು ಸಾವಿರದ ಒಳಗೆ ಲಭ್ಯ ಇರುವ ಫೋನ್‌ಗಳನ್ನು ಜನರು ಮುಗಿಬಿದ್ದು ಖರೀದಿ ಮಾಡುತ್ತಿದ್ದಾರೆ. ಈ ವಿಭಾಗದಲ್ಲಿ ವಿವೋ, ಐಕ್ಯೂ, ಸ್ಯಾಮ್‌ಸಂಗ್‌, ಶಿಯೋಮಿ ಸೇರಿದಂತೆ ಅನೇಕ ಕಂಪೆನಿಯ ಫೋನ್‌ಗಳನ್ನು ಕಾಣಬಹುದಾಗಿದೆ. ಈ ಫೋನ್‌ಗಳು ಭಿನ್ನ ಫೀಚರ್ಸ್‌ನೊಂದಿಗೆ ಆಕರ್ಷಕ ಶೈಲಿಯಲ್ಲಿ ಲಭ್ಯ ಇವೆ. ಹಾಗಿದ್ರೆ ಬನ್ನಿ ಈ ಬೆಲೆಯೊಳಗೆ ಯಾವೆಲ್ಲಾ ಫೋನ್‌ಗಳನ್ನು ಖರೀದಿ ಮಾಡಬಹುದು, ಫೀಚರ್ಸ್‌ ಏನಿವೆ ಅನ್ನೋದನ್ನು ನೋಡೋಣ.

ವಿವೋ T3x ಸ್ಮಾರ್ಟ್‌ಫೋನ್‌: ಈ ಸ್ಮಾರ್ಟ್‌ಫೋನ್‌ (Vivo T3x smartphone) ಅನ್ನು ನೀವು 13,499 ರೂ.ಗಳ ಆಫರ್ ಬೆಲೆಗೆ ಖರೀದಿ ಮಾಡಬಹುದಾಗಿದೆ. ಇದು ಆಕ್ಟಾ ಕೋರ್ (2.2 GHz, ಕ್ವಾಡ್ ಕೋರ್ + 1.8 GHz, ಕ್ವಾಡ್ ಕೋರ್) ಸ್ನಾಪ್‌ಡ್ರಾಗನ್ 6 ಜನ್ 1 ಪ್ರೊಸೆಸರ್‌ನಲ್ಲಿ ಕಾರ್ಯನಿರ್ವಹಿಸಲಿದ್ದು, 4 GB RAM ಹಾಗೂ 6.72 ಇಂಚಿನ (17.07 ಸೆಂ) FHD+, LCD ಡಿಸ್ಪ್ಲೇ ಜೊತೆಗೆ 120 Hz ರಿಫ್ರೆಶ್ ರೇಟ್‌ ಆಯ್ಕೆಯನ್ನು ಕಾಣಬಹುದಾಗಿದೆ. ಇದರೊಂದಿಗೆ 50 MP + 2 MP ಡ್ಯುಯಲ್ ಪ್ರಾಥಮಿಕ ಕ್ಯಾಮೆರಾ ಹಾಗೂ 8 MP ಸೆಲ್ಫಿ ಕ್ಯಾಮರಾವನ್ನು ಈ ಫೋನ್‌ನಲ್ಲಿ ಕಾಣಬಹುದಾಗಿದೆ. ಉಳಿದಂತೆ ಈ ಫೋನ್ 6000 mAh ಸಾಮರ್ಥ್ಯದ ಬ್ಯಾಟರಿ, ಯುಎಸ್‌ಬಿ ಟೈಪ್-ಸಿ ಪೋರ್ಟ್ ಅನ್ನು ಹೊಂದಿದೆ.

ಐಕ್ಯೂ Z9x : ಈ ಸ್ಮಾರ್ಟ್‌ಫೋನ್ (IQOO Z9x) 12,999 ರೂ.ಗಳ ಬೆಲೆಗೆ ಲಭ್ಯ ಇದೆ. ಇದು ಆಕ್ಟಾ ಕೋರ್ (2.2 GHz, ಕ್ವಾಡ್ ಕೋರ್ + 1.8 GHz, ಕ್ವಾಡ್ ಕೋರ್)ಸ್ನಾಪ್‌ಡ್ರಾಗನ್ 6 ಜನ್ 1 ಪ್ರೊಸೆಸೆರ್‌ನಲ್ಲಿ ಕಾರ್ಯನಿರ್ವಹಿಸಲಿದ್ದು, 4 GB RAM ಹಾಗೂ 6.72 ಇಂಚಿನ (17.07 ಸೆಂ) FHD+, LCD ಡಿಸ್‌ಪ್ಲೇ ಹೊಂದಿದ್ದು, 120 Hz ರಿಫ್ರೆಶ್ ರೇಟ್‌ನೊಂದಿಗೆ ಉತ್ತಮವಾಗಿ ಕೆಲಸ ಮಾಡಲಿದೆ. ಇನ್ನು 50 MP + 2 MP ಡ್ಯುಯಲ್ ಪ್ರಾಥಮಿಕ ಕ್ಯಾಮೆರಾ, 8 MP ಸೆಲ್ಫಿ ಕ್ಯಾಮರಾವನ್ನು ಈ ಫೋನ್‌ನಲ್ಲಿ ಕಾಣಬಹುದಾಗಿದೆ.

ಮೊಟೊ G64: ಈ ಸ್ಮಾರ್ಟ್‌ಫೋನ್ (Moto G64) 14,380 ರೂ.ಗಳ ಆಫರ್ ಬೆಲೆಗೆ ಲಭ್ಯ ಇದೆ. ಇದು ಆಕ್ಟಾ ಕೋರ್ (2.5 GHz, ಡ್ಯುಯಲ್ ಕೋರ್ + 2 GHz, ಹೆಕ್ಸಾ ಕೋರ್) ಮೀಡಿಯಾ ಟೆಕ್ ಡೈಮೆನ್ಸಿಟಿ 7025 ಪ್ರೊಸೆಸರ್‌ನಲ್ಲಿ ಕಾರ್ಯನಿರ್ವಹಿಸಲಿದ್ದು, 8 GB RAM ನೊಂದಿಗೆ ಪ್ಯಾಕ್‌ ಆಗಿದೆ. ಹಾಗೆಯೇ 6.5 ಇಂಚಿನ (16.51 ಸೆಂ) FHD+, IPS LCD ಡಿಸ್‌ಪ್ಲೇ ಹೊಂದಿದ್ದು, 120 Hz ರಿಫ್ರೆಶ್ ರೇಟ್‌ ಮೂಲಕ ಉತ್ತಮ ಎನಿಸಿದೆ. ಇದರೊಂದಿಗೆ 50 MP + 8 MP ಡ್ಯುಯಲ್ ಪ್ರಾಥಮಿಕ ಕ್ಯಾಮೆರಾ, ಎಲ್ಇಡಿ ಫ್ಲ್ಯಾಶ್
16 MP ಸೆಲ್ಫಿ ಕ್ಯಾಮೆರಾವನ್ನು ಈ ಫೋನ್‌ನಲ್ಲಿ ನೀಡಲಾಗಿದೆ.

ಸ್ಯಾಮ್‌ಸಂಗ್‌ ಗ್ಯಾಲಕ್ಸಿ M34 : ಈ ಫೋನ್ (Samsung Galaxy M34) 12,999 ರೂ.ಗಳ ಬೆಲೆ ಲಭ್ಯ ಇದೆ. ಇದು ಆಕ್ಟಾ ಕೋರ್ (2.4 GHz, ಡ್ಯುಯಲ್ ಕೋರ್ + 2 GHz, ಹೆಕ್ಸಾ ಕೋರ್) ಎಕ್ಸಿನೋಸ್‌ 1280 ಪ್ರೊಸೆಸರ್‌ ಬಲದೊಂದಿಗೆ 6GB RAM ಅನ್ನು ಕಾಣಬಹುದು. ಜೊತೆಗೆ 6.5 ಇಂಚಿನ (16.42 ಸೆಂ) FHD+, ಸೂಪರ್ ಅಮೋಲೆಡ್‌ ಡಿಸ್‌ಪ್ಲೇ ಹೊಂದಿದ್ದು, 120Hz ರಿಫ್ರೆಶ್ ರೇಟ್‌, 50MP + 8MP + 2MP ಟ್ರಿಪಲ್ ಪ್ರಾಥಮಿಕ ಕ್ಯಾಮೆರಾ, 13MP ಸೆಲ್ಫಿ ಕ್ಯಾಮೆರಾ ಹೊಂದಿದ್ದು, 6000mAh ಸಾಮರ್ಥ್ಯದ ಬ್ಯಾಟರಿ ಈ ಫೋನ್‌ನಲ್ಲಿ ಇದೆ.

ಸ್ಯಾಮ್‌ಸಂಗ್‌ ಗ್ಯಾಲಕ್ಸಿ F15 : ಈ ಫೋನ್‌ (Samsung Galaxy F15) 11,999 ರೂ.ಗಳಲ್ಲಿ ಲಭ್ಯ ಇದೆ. ಇದು ಆಕ್ಟಾ ಕೋರ್ (2.2 GHz, ಡ್ಯುಯಲ್ ಕೋರ್ + 2 GHz, ಹೆಕ್ಸಾ ಕೋರ್) ಮೀಡಿಯಾ ಟೆಕ್ ಡೈಮೆನ್ಸಿಟಿ 6100 ಪ್ಲಸ್ ಪ್ರೊಸೆಸರ್‌ನಲ್ಲಿ ಕಾರ್ಯನಿರ್ವಹಿಸಲಿದ್ದು, 4 GB RAM ಹಾಗೂ 6.5 ಇಂಚಿನ (16.51 ಸೆಂ) FHD+, ಸೂಪರ್ ಅಮೋಲೆಡ್ ಡಿಸ್‌ಪ್ಲೇ ಜೊತೆಗೆ 90 Hz ರಿಫ್ರೆಶ್ ರೇಟ್‌ ಅನ್ನು ಕಾಣಬಹುದಾಗಿದೆ. ಇನ್ನು 50 MP + 5 MP + 2 MP ಟ್ರಿಪಲ್ ಪ್ರಾಥಮಿಕ ಕ್ಯಾಮೆರಾ ಹಾಗೂ 13 MP ಸೆಲ್ಫಿ ಕ್ಯಾಮೆರಾ ಈ ಫೋನ್‌ನಲ್ಲಿ ಇದೆ.

ಶಿಯೋಮಿ ರೆಡ್ಮಿ 12 5G: ಈ ಫೋನ್‌ (Xiaomi Redmi 12 5G) ಅನ್ನು ನೀವು 11,999 ರೂ.ಗಳಿಗೆ ಖರೀದಿ ಮಾಡಬಹುದಾಗಿದೆ. ಇದು ಆಕ್ಟಾ ಕೋರ್ (2.2 GHz, ಡ್ಯುಯಲ್ ಕೋರ್ + 1.8 GHz, ಹೆಕ್ಸಾ ಕೋರ್) ಸ್ನಾಪ್‌ಡ್ರಾಗನ್ 4 ಜನ್ 2 ಪ್ರೊಸೆಸರ್‌ನಲ್ಲಿ ಕಾರ್ಯನಿರ್ವಹಿಸಲಿದ್ದು, 4 GB RAM, 6.79 ಇಂಚಿನ (17.25 ಸೆಂ) FHD+, IPS LCD ಡಿಸ್‌ಪ್ಲೇ, 90 Hz ರಿಫ್ರೆಶ್ ರೇಟ್‌ ಹೊಂದಿದೆ. ಅಲ್ಲದೆ 50 MP + 2 MP ಡ್ಯುಯಲ್ ಪ್ರಾಥಮಿಕ ಕ್ಯಾಮೆರಾ, 8 MP ಸೆಲ್ಫಿ ಕ್ಯಾಮರಾವನ್ನು ಈ ಫೋನ್‌ ಪಡೆದಿದೆ.