7 ವರ್ಷದ ಹಿಂದೆ ರೂ.100 ಹೂಡಿಕೆ ಮಾಡಿದ್ರೆ ಇಂದಿಗೆ ಅದರ ಬೆಲೆ 2.3 ಕೋಟಿ‍: ಷೇರಿನಲ್ಲೂ ಇಷ್ಟು ಲಾಭವಿಲ್ಲ..!

ಏಷ್ಯಾದಲ್ಲಿ ಭಾರೀ ಬೆಳವಣಿಗೆ:

ಈ ಹಿಂದೆ ಯೂರೋಪ್-ಅಮೆರಿಕಾದಲ್ಲಿ ಹೆಚ್ಚು ಚಾಲ್ತಿಯಲ್ಲಿದ್ದ ಬಿಟ್ ಕಾಯಿನ್ ಏಷ್ಯಾದಲ್ಲೂ ಹೆಚ್ಚು ಬಳಕೆಯಾಗುತ್ತಿದ್ದು, ಒಂದು ಬಿಟ್ ಕಾಯಿನ್ ಮೌಲ್ಯ 10,903 ಡಾಲರ್‌ ತಲುಪಿದೆ. ಈ ಒಂದೇ ವರ್ಷದಲ್ಲಿ ಇದರ ಮೌಲ್ಯ 14 ಪಟ್ಟು ಹೆಚ್ಚಳವಾಗಿದೆ ಎನ್ನಲಾಗಿದೆ.

ಶೇ 1000ದಷ್ಟು ಏರಿಕೆ:

ಇದೇ ಏಳು ವರ್ಷದ ಹಿಂದೆ 2010ರಲ್ಲಿ ರೂ 2.8 ಇದ್ದ ಬಿಟ್‌ ಕಾಯಿನ್‌ ಮೌಲ್ಯ ಈ ವರ್ಷ ಶೇ 1000ದಷ್ಟು ಏರಿಕೆ ಕಂಡಿದೆ. ಅಂದರೆ, 2010ರಲ್ಲಿ ಬಿಟ್ ಕಾಯಿನ್ ಮೇಲೆ ರೂ. 100 ಹೂಡಿಕೆ ಮಾಡಿದ್ದರೆ, ಇಂದಿಗೆ ಅದರ ಮೌಲ್ಯ ರೂ. 2.3 ಕೋಟಿಗಳಾಗಲಿದೆ ಎನ್ನಲಾಗಿದೆ.

ಒಂದು ಬಿಟ್ ಕಾಯಿನ್= 7ಲಕ್ಷ:

ಭಾರತೀಯ ರೂಪಾಯಿ ಗಳಲ್ಲಿ ಒಂದು ಬಿಟ್‌ ಕಾಯಿನ್‌ಗೆ ಅಂದಾಜು ₹7 ಲಕ್ಷ ಎನ್ನಲಾಗಿದೆ. ಇದು ಒಂದು ಬಿಟ್ ಕಾಯಿನ್ ಮೇಲೆ ಹಣವನ್ನು ತೊಡಗಿಸಬೇಕು ಎಂದರೆ ಭಾರತೀಯ ರೂಪಾಯಿಗಳಲ್ಲಿ 7 ಲಕ್ಷ ನಿಮ್ಮ ಕೈನಲ್ಲಿ ಇರಬೇಕು.