ವಾಹನಗಳಲ್ಲಿ ಬ್ಲ್ಯೂಟೂತ್ ನಿಯಂತ್ರಿಸಲಿದೆ ಟ್ರಾಫಿಕ್

ವಾಹನಗಳಲ್ಲಿರುವ ಬ್ಲ್ಯೂಟೂತ್ ಡಿವೈಸ್ ಅನ್ನು ಪತ್ತೆಹಚ್ಚುವ ಮೂಲಕ ನಗರಗಳ ಮತ್ತು ರಸ್ತೆಗಳಲ್ಲಿರುವ ಟ್ರಾಫಿಕ್ ಮಾಹಿತಿಯನ್ನು ತಿಳಿಸುವ ಹೊಸ ಅಪ್ಲಿಕೇಶನ್ ಅನ್ನು ಸಂಶೋಧಕರು ಪತ್ತೆಹಚ್ಚಿದ್ದಾರೆ.

ಓದಿರಿ: ಫೋನ್‌ನಲ್ಲಿ ಚಾರ್ಜ್ ಇಲ್ಲವೇ ಇನ್ನು ಚಿಂತೆಯೇ ಬೇಡ!!

ಸ್ಪೇನ್‌ನ ವಿಶ್ವವಿದ್ಯಾನಿಲಯದ ಸಂಶೋಧಕರು ಈ ವ್ಯವಸ್ಥೆಯನ್ನು ಅಭಿವೃದ್ಧಿಪಡಿಸಿದ್ದು, ವಾಹನಗಳಲ್ಲಿರುವ ಬ್ಲ್ಯೂಟೂತ್ ವಾಹನ ದಟ್ಟಣೆಯ ಮಾಹಿತಿಯನ್ನು ನೀಡುತ್ತದೆ. ವಾಹನ ದಟ್ಟಣೆಯನ್ನು ಹೇಗೆ ನಿಯಂತ್ರಿಸಬೇಕು ಎಂಬುದನ್ನು ತಿಳಿಸುವುದರ ಜೊತೆಗೆ ವಾಹನಗಳ ಸಂಘರ್ಷಣೆಯನ್ನು ತಪ್ಪಿಸುತ್ತದೆ.

ಓದಿರಿ: ನಿಮ್ಮ ಬುದ್ಧಿವಂತಿಕೆಗೆ ಸವಾಲು ಹಾಕುವ ಜಿಮೇಲ್ ತಂತ್ರ

ಬ್ಲ್ಯೂಟಿಟಿ ಎಂಬ ಸಾಫ್ಟ್‌ವೇರ್ ಪ್ರೊಗ್ರಾಮ್ ಅನ್ನು ಸಂಶೋಧಕರು ಅಭಿವೃದ್ಧಿಪಡಿಸಿದ್ದು, ರಸ್ತೆಗಳ ಸಂಪೂರ್ಣ ದಟ್ಟಣೆ ಮಾಹಿತಿ ಮತ್ತು ನಿಯಂತ್ರಣವನ್ನು ನೀಡಲಿದೆ. ಈ ಬ್ಲ್ಯೂಟಿಟಿ ವಾಹನಗಳಲ್ಲಿರುವ ಬ್ಲ್ಯೂಟೂತ್ ಡಿವೈಸ್ ಅನ್ನು ಪತ್ತೆಹಚ್ಚಿ ಆ ವಾಹನದ ಪ್ರಯಾಣ ಸಮಯವನ್ನು ಅಪ್‌ಡೇಟ್ ಮಾಡುತ್ತದೆ ಮತ್ತು ಟ್ರಾಫಿಕ್‌ನ ನಿರ್ದಿಷ್ಟ ಪರಿಸ್ಥಿತಿಗಳನ್ನು ಸ್ವಯಂಚಾಲಿತವಾಗಿ ತಿಳಿಸುತ್ತದೆ.

ಬ್ಲ್ಯೂಟಿಟಿ ಸಾವಿರಕ್ಕಿಂತಲೂ ಹೆಚ್ಚಿನ ಡಿಟೆಕ್ಟರ್‌ಗಳನ್ನು ಸಂಪರ್ಕಪಡಿಸಿ ಹೊಸ ಹೊಸ ಸೆನ್ಸಾರ್‌ಗಳನ್ನು ನೋಂದಾಯಿಸುತ್ತದೆ.