ಬೋಸ್‌ ಪರಿಚಯಿಸಲಿದೆ 'ಆಡಿಯೊ ಕನ್ನಡಕ'!..ಹೇಗಿದೆ ಗೊತ್ತಾ ಈ ಡಿವೈಸ್‌!

ಏನಿದು ಐವೇರ್ ಡಿವೈಸ್‌

ಬೋಸ್ ಕಂಪನಿಯು ಆಡಿಯೊ ಡಿವೈಸ್‌ನಲ್ಲಿ ಹೊಸತನಕ್ಕೆ ಮುಂದಾಗಿದ್ದು, ಈ ನಿಟ್ಟಿನಲ್ಲಿ ಕನ್ನಡಕದ ಜೊತೆಗೆ ಆಡಿಯೊ ಸೌಲಭ್ಯ ನೀಡಲು ಪ್ರಯತ್ನಿಸಿದೆ. ಈ ಐವೇರ್‌ ಆಡಿಯೊ ಡಿವೈಸ್‌ಗಳು ವಾಯರ್‌ಲೆಸ್‌ ಹೆಡ್‌ಫೋನ್‌ಗಳಂತೆ ಇರಲಿದ್ದು, ಕನ್ನಡಕದ ಫ್ರೇಮ್‌ಗಳಿಂದ ಕಿವಿಗಳಿಗೆ ಸೌಂಡ್‌ ಕೇಳುವ ರಚನೆ ಇರಲಿದೆ. ಹಾಗೆಯೇ ವಾಯಿಸ್‌ ಗ್ರಹಿಸಲು ಮೈಕ್ರೋಫೋನ್‌ ರಚನೆಯನ್ನು ಸಹ ಒಳಗೊಂಡಿದೆ.

ರಚನೆ ಹೇಗಿದೆ

ನೋಡಲು ಸನ್‌ಗ್ಲಾಸ್‌ನಂತೆ ಕಂಡರೂ ಈ ಐವೇರ್‌ ಡಿವೈಸ್‌ ಸಾಮಾನ್ಯ ಕನ್ನಡಕದಂತೆ ಅಲ್ಲ. ಕನ್ನಡಕದ ಫ್ರೇಮ್‌ನಲ್ಲಿ ಸ್ಪೀಕರ್ಸ್‌ಗಳಿದ್ದು, ಜೊತೆಗೆ ಪುಟ್ಟ ಮೈಕ್ರೋಫೋನ್‌ ಸಹ ನೀಡಲಾಗಿದೆ. ಬಲಗಡೆ ಮಲ್ಟಿಫಂಗಷನಲ್ ಬಟನಗಳನ್ನು ಒಳಗೊಂಡಿದ್ದು, AR ಆಪ್ಸ್‌ಗಳನ್ನು ಒಳಗೊಂಡಿದೆ. ಹಾಗೆಯೇ ವಾಯಿಸ್‌ ಕಮಾಂಡ್ ಸೌಲಭ್ಯವನ್ನು ಪಡೆದಿದೆ.

ವಾಯಿಸ್‌ ಕಂಟ್ರೋಲ್

ಬೋಸ್‌ ಸಂಸ್ಥೆಯ ಹೊಸ ಐವೇರ್‌ ಡಿವೈಸ್‌ಗಳು ವಾಯಿಸ್‌ ಕಮಾಂಡ್ ಸೌಲಭ್ಯವನ್ನು ಇನ್‌ಬಿಲ್ಟ್ ಹೊಂದಿದ್ದು, ಗೂಗಲ್‌ ಅಸಿಸ್ಟಂಟ್ ಮತ್ತು ಆಪಲ್‌ ಸಿರಿ ವಾಯಿಸ್‌ ಕಮಾಂಡ್‌ಗಳನ್ನು ಬೆಂಬಲಿಸಲಿದೆ. ಆಂಡ್ರಾಯ್ಡ್‌ ಮತ್ತು ಐಓಎಸ್‌ ಮಾದರಿಯ ಡಿವೈಸ್‌ಗಳಿಗೆ ಕನೆಕ್ಟ್‌ ಮಾಡಬಹುದಾಗಿದೆ. ಆ ಮೂಲಕ ಫೋನಿಂದಲೇ ನಿಯಂತ್ರಿಸಬಹುದು.

ಬ್ಯಾಟರಿ ಬಾಳಿಕೆ

ಬೋಸ್‌ ಐವೇರ್‌ ಆಡಿಯೊ ಡಿವೈಸ್‌ ಸುಮಾರು 12 ಗಂಟೆಗಳ ಸ್ಟ್ಯಾಂಡ್‌ ಬೈ ಬ್ಯಾಟರಿ ಬಾಳಿಕೆ ಸೌಲಭ್ಯವನ್ನು ಪಡೆದುಕೊಂಡಿದೆ. ಕೇವಲ ಎರಡು ಗಂಟೆಗಳಲ್ಲಿ ಬ್ಯಾಟರಿಯನ್ನು ಪೂರ್ಣ ಚಾರ್ಜ್ ಮಾಡಬಹುದಾಗಿದೆ. ನಿರಂತರ ಪ್ಲೇಬ್ಯಾಕ್‌ ಇದ್ದಾಗ ಸುಮಾರು 3.5 ಗಂಟೆಗಳ ಬ್ಯಾಟರಿ ಲೈಫ್‌ ದೊರೆಯಲಿದೆ.

ಬೆಲೆ ಮತ್ತು ಲಭ್ಯತೆ

ಬೋಸ್‌ ಕಂಪನಿಯ ಐವೇರ್‌ ಡಿವೈಸ್‌ ಫ್ರೇಮ್‌ ಆರಂಭಿಕ ಬೆಲೆಯು 21,900ರೂ.ಗಳ ಹಾಗೂ ಲೆನ್ಸ್‌ಗಳು 1,990ರೂ ಮತ್ತು 2,990ರೂ.ಗಳು ಆಗಿರಲಿವೆ ಎನ್ನಲಾಗಿದೆ. ಇನ್ನು ಈ ಐವೇರ್‌ ಉತ್ಪನ್ನಗಳು ಇದೇ ಜೂನ್ 20ರಂದು ಭಾರತೀಯ ಮಾರುಕಟ್ಟೆಯಲ್ಲಿ ಗ್ರಾಹಕರಿಗೆ ಲಭ್ಯವಾಗುವ ಸಾಧ್ಯತೆಗಳಿವೆ.