ಈ ಸ್ಮಾರ್ಟ್‌ಫೋನ್‌ನಲ್ಲಿದೆ 108ಎಂಪಿ ಕ್ಯಾಮೆರಾ!..ಅಚ್ಚರಿಯ ಡಿಸೈನ್!

ಹೌದು, ಬ್ರಾಂಡೀಸ್ ಪ್ರಮೀತಿಯಸ್ (BRANDEIS PROMETHEUS) ಹೆಸರಿನ ಸ್ಮಾರ್ಟ್‌ಫೋನ್ ಭಿನ್ನ ರಚನೆಯ ಫೀಚರ್ಸ್‌ಗಳಿಂದ ಈಗ ವರ್ಷದ ಅಸಾಧಾರಣ ಸ್ಮಾರ್ಟ್‌ಫೋನ್ ಆಗಿ ಗುರುತಿಸಿಕೊಂಡಿದೆ. ಈ ಸ್ಮಾರ್ಟ್‌ಫೋನ್ ಕೋನಾಕಾರದ ಡಿಸೈನ್‌ನಲ್ಲಿದ್ದು, ಮೇಲ್ಭಾಗದಲ್ಲಿ ಮತ್ತು ಕೆಳಭಾಗದಲ್ಲಿ ಚೂಪಾದ ಅಂಚುಗಳನ್ನು ಹೊಂದಿರುತ್ತದೆ. 8 LED ಲೈಟ್‌ಗಳ ರಚನೆಯನ್ನು ಒಳಗೊಂಡಿದೆ. ಡಿಸ್‌ಪ್ಲೇ ರಚನೆಯಲ್ಲಿ ಸಂಪೂರ್ಣ ನೂತನವಾಗಿರುವ ಈ ಫೋನ್ ಗ್ರಾಹಕರು ಹುಬ್ಬೇರಿಸುವಂತಿದೆ. ಹಾಗಾದರೆ ಈ ಸ್ಮಾರ್ಟ್‌ಫೋನಿನ ವಿಶೇಷ ಫೀಚರ್ಸ್‌ಗಳೆನು ಎಂಬುದನ್ನು ಮುಂದೆ ನೋಡೋಣ ಬನ್ನಿರಿ.

ಡಿಸ್‌ಪ್ಲೇ ರಚನೆ

ಬ್ರಾಂಡೀಸ್ ಪ್ರಮೀತಿಯಸ್ ಸ್ಮಾರ್ಟ್‌ಫೋನ್ 6.5-ಇಂಚಿನ QHD+ ಫ್ರೀಡಂ ಸೂಪರ್ ಅಮೋಲೆಡ್ ಡಿಸ್‌ಪ್ಲೇ ಮಾದರಿಯನ್ನು ಹೊಂದಿದೆ. ಈ ಡಿಸ್‌ಪ್ಲೈಯು 120Hz ರಿಫ್ರೆಶ್ ದರ ಹೊಂದಿದ್ದು, 240Hz ಟಚ್ ಸ್ಯಾಂಪ್ಲಿಂಗ್ ರೇಟ್ ಅನ್ನು ಪಡೆದಿದೆ. ಹಾಗೆಯೇ HDR10 + ಬೆಂಬಲವನ್ನು ಒಳಗೊಂಡಿದೆ. ಇನ್ನು ಫಿಂಗರ್‌ಪ್ರಿಂಟ್ ಸ್ಕ್ಯಾನರ್‌ ಸೌಲಭ್ಯವು ಸಹ ಈ ಫೋನ್‌ ಹೊಂದಿದೆ. ಹಾಗೆಯೇ Sapphire ಕ್ರಿಸ್ಟಲ್ ಗ್ಲಾಸ್ ಹೊಂದಿದ್ದು, ಧೂಳು ಮತ್ತು ನೀರಿನಿಂದ ರಕ್ಷಣೆಗಾಗಿ IP68- ರೇಟೆಡ್ ಆಗಿದೆ.

ಪ್ರೊಸೆಸರ್ ಯಾವುದು

ಬ್ರಾಂಡೀಸ್ ಪ್ರಮೀತಿಯಸ್ ಸ್ಮಾರ್ಟ್‌ಫೋನ್ ಇತ್ತೀಚಿನ ಕ್ವಾಲ್ಕಾಮ್ ಸ್ನಾಪ್‌ಡ್ರಾಗನ್ 865 (5G) SoC ಅನ್ನು ಒಳಗೊಂಡಿದೆ. ಇದರೊಂದಿಗೆ 16GB RAM ಮತ್ತು 512GB ಆಂತರಿಕ ಸ್ಟೋರೇಜ್ ಸೌಲಭ್ಯವನ್ನು ಪಡೆದಿದೆ. ಹಾಗೆಯೇ UFS 3.0 ವಿಸ್ತರಿಸಬಹುದಾದ ಆಯ್ಕೆಯನ್ನು ನೀಡಿದೆ. ಈ ಫೋನಿನ ಪ್ರೊಸೆಸರ್ ಹಾಗೂ RAM ಬಲವು ಫೋನ್ ಕಾರ್ಯವೈಖರಿಗೆ ಹೆಚ್ಚು ಬಲ ಒದಗಿಸುತ್ತದೆ.

108MP ಕ್ಯಾಮೆರಾ

ಈ ಸ್ಮಾರ್ಟ್‌ಫೋನ್ ಕ್ಯಾಮೆರಾ ರಚನೆಯಿಂದಲೂ ವಿಭಿನ್ನ ಎನಸಿಕೊಂಡಿದೆ. ಹಿಂಭಾಗದಲ್ಲಿ ಒಟ್ಟು ಡ್ಯುಯಲ್-ಕ್ಯಾಮೆರಾ ಸೆಟ್‌ಅಪ್‌ ಹೊಂದಿರುವ ಈ ಫೋನ್ ಮುಖ್ಯ ಕ್ಯಾಮೆರಾವು 108ಎಂಪಿ ಸೆನ್ಸಾರ್ ಹೊಂದಿದೆ. ಹಾಗೂ ಸೆಕೆಂಡರಿ ಕ್ಯಾಮೆರಾವು 48 ಎಂಪಿ ಅಲ್ಟ್ರಾ-ವೈಡ್-ಆಂಗಲ್ ಸೆನ್ಸಾರ್ ಅನ್ನು ಒಳಗೊಂಡಿದೆ. ಮುಂಭಾಗದಲ್ಲಿ 40 ಎಂಪಿ ಸೆಲ್ಫಿ ಶೂಟರ್ ಇದೆ. ಈ ಫೋನಿನಲ್ಲಿ 8 ಕೆ ವೀಡಿಯೊಗಳನ್ನು ಶೂಟ್ ಮಾಡಬಹುದು.

ಬ್ಯಾಟರಿ ಲೈಫ್

ಈ ಸ್ಮಾರ್ಟ್‌ಫೋನ್ 4,000mAh ಬ್ಯಾಟರಿಯ ಸಾಮರ್ಥ್ಯದ ಶಕ್ತಿಯನ್ನು ಒಳಗೊಂಡಿದೆ. ಹಾಗೆಯೇ ಎರಡು ಚಾರ್ಜಿಂಗ್ ವ್ಯವಸ್ಥೆಯನ್ನು ಹೊಂದಿದ್ದು, 65W ವೈರ್ಡ್ ಹೈಪರ್‌ಚಾರ್ಜ್ ಮತ್ತು 40W ವೈರ್‌ಲೆಸ್ ಚಾರ್ಜಿಂಗ್ ಅನ್ನು ಸಪೋರ್ಟ್ ಪಡೆದಿದೆ. ಇನ್ನು 5 ಜಿ, 4 ಜಿ ವೋಲ್ಟಿಇ, ವೈ-ಫೈ 6, ಬ್ಲೂಟೂತ್ 5.1, ಎನ್‌ಎಫ್‌ಸಿ, ಯುಎಸ್‌ಬಿ ಟೈಪ್-ಸಿ ಪೋರ್ಟ್ ಮತ್ತು 3.5 ಎಂಎಂ ಹೆಡ್‌ಫೋನ್ ಜ್ಯಾಕ್ ಅನ್ನು ಬೆಂಬಲಿಸುತ್ತದೆ.