ಗ್ರಾಹಕರಿಗೆ ಬಿಗ್ ಶಾಕ್ ನೀಡಿದ ಬಿಎಸ್‌ಎನ್‌ಎಲ್‌!

ಹೌದು, ಸರ್ಕಾರಿ ಸ್ವಾಮ್ಯದ ಬಿಎಸ್‌ಎನ್‌ಎಲ್ ಟೆಲಿಕಾಂ ಸಂಸ್ಥೆಯು ಪರಿಚಯಿಸಿದ್ದ 501ರೂ. ಪ್ಯಾಕ್‌ನ ಇಂಟರ್ನ್ಯಾಷನಲ್ ವೈ-ಪೈ ರೋಮಿಂಗ್‌ ಸೇವೆಯನ್ನು ಇದೀಗ ಸ್ಥಗಿತಗೊಳಿಸಿದೆ. ಅಂತರಾಷ್ಟ್ರೀಯ ವೈ-ಫೈ ರೋಮಿಂಗ್ ಸೇವೆಯನ್ನು ಹಠಾತ್ತಾಗಿ ನಿಲ್ಲಿಸಲು ಕಾರಣಗಳೆನು ಎಂಬುದನ್ನು ಸಂಸ್ಥೆಯು ಹೊರಹಾಕಿಲ್ಲ. ಆದರೆ ತಾತ್ಕಾಲಿಕ ಅವಧಿಗೆ ಮಾತ್ರ ಈ ಸೇವೆ ಚಾಲ್ತಿ ಇರುವುದಿಲ್ಲ ಎಂದು ಟೆಲಿಕಾಂ ಟಾಕ್ ವರದಿ ಮಾಡಿದೆ.

ಬಿಎಸ್‌ಎನ್‌ಎಲ್‌ ತಮಿಳನಾಡು ಮತ್ತು ಚನ್ನೈ ನಗರಗಳ ಟೆಲಿಕಾಂ ಸರ್ಕಲ್ ವ್ಯಾಪ್ತಿಯಲ್ಲಿ ಮಾತ್ರ ಬಿಎಸ್‌ಎನ್‌ಎಲ್ 501ರೂ. ಪ್ಯಾಕ್‌ನ ಇಂಟರ್ನ್ಯಾಷನಲ್ ವೈ-ಪೈ ರೋಮಿಂಗ್‌ ಸೇವೆ ಸ್ಥಗಿತ ಜಾರಿಯಾಗಿದೆ. ಈ ಎರಡು ಪ್ರದೇಶಗಳ ವ್ಯಾಪ್ತಿಯನ್ನು ಹೊರತುಪಡಿಸಿ ಉಳಿದ ಟೆಲಿಕಾಂ ವ್ಯಾಪ್ತಿಯಲ್ಲಿ ಸೇವೆಯು ಲಭ್ಯ ಇವೆ. ಬಿಎಸ್‌ಎನ್‌ಎಲ್‌ನ ಈ 501ರೂ. ಪ್ಯಾಕ್‌ನಲ್ಲಿ ಪ್ರೀಪೇಡ್‌ ಗ್ರಾಹಕರಿಗೆ 30 ದಿನಗಳ ಅವಧಿಗೆ ವೈಫೈ ಮೂಲಕ ಅನಿಯಮಿತ ಡೇಟಾ ಪ್ರಯೋಜನ ಹೊಂದಿದೆ.

ಆಂಡ್ರಾಯ್ಡ್ ಮತ್ತು ಐಓಎಸ್‌ ಆಪರೇಟಿಂಗ್ ಸಿಸ್ಟಮ್ ಹೊಂದಿರುವ ಗ್ರಾಹಕರಿಬ್ಬರಿಗೂ ಬಿಎಸ್‌ಎನ್‌ಎಲ್‌ ಈ ಸೇವೆ ಲಭ್ಯವಿದ್ದು, ಬಳಕೆದಾರರು 'ಮೈ ಬಿಎಸ್‌ಎನ್‌ಎಲ್‌ ಆಪ್' ಮೂಲಕ ಸೇವೆಯನ್ನು ಪಡೆಯಬಹುದಾಗಿದೆ. ಆದರೆ ಸದ್ಯ ಚನ್ನೈ ಮತ್ತು ತಮಿಳನಾಡಿನ ವ್ಯಾಪ್ತಿಯ ಈ ಸೇವೆ ಸ್ಥಗಿತ ಮಾಡಿರುವುದರಿಂದ ಆಂಡ್ರಾಯ್ಡ್‌ ಓಎಸ್‌ ಬಳಕೆದಾರರಿಗೆ ಈ ಸೇವೆ ಅಲಭ್ಯವಾಗಿರಲಿದೆ. ಆದರೆ ಐಓಎಸ್‌ ಬಳಕೆದಾರರಿಗೆ ಸೇವೆಯಲ್ಲಿ ಯಾವುದೇ ಬದಲಾವಣೆ ಆಗಿಲ್ಲ ಎನ್ನಲಾಗಿದೆ.

ಬಿಎಸ್‌ಎನ್‌ಎಲ್‌ನ ಇಂಟರ್ನ್ಯಾಷನಲ್ ವೈ-ಪೈ ರೋಮಿಂಗ್‌ ಪ್ಯಾಕ್ 'ಮೈ ಬಿಎಸ್‌ಎನ್‌ಎಲ್‌ ಆಪ್‌'ನಲ್ಲಿ ಲಭ್ಯವಿದ್ದು, ಚನ್ನೈ ಮತ್ತು ತಮಿಳುನಾಡು ವ್ಯಾಪ್ತಿಯನ್ನು ಹೊರತುಪಡಿಸಿ ಇತರೆ ಪ್ರದೇಶದ ಪ್ರೀಪೇಡ್‌ ಗ್ರಾಹಕರು ರೀಚಾರ್ಜ್ ಮಾಡಿಸಿಕೊಳ್ಳಬಹುದಾಗಿದೆ. ಸುಮಾರು 75ಫೂಟ್‌ನಿಂದ 100ಫೂಟ್‌ ಅಂತರದವರೆಗಿನ ವೈ-ಫೈ ಆಕ್ಸಸ್‌ ಮಾಡುವ ಸೌಲಭ್ಯ ನೀಡಲಿದೆ. ಅಂತರಾಷ್ಟ್ರೀಯ ಪ್ರವಾಸಗಳನ್ನು ಹೆಚ್ಚಾಗಿ ಮಾಡುವ ಗ್ರಾಹಕರಿಗೆ ಈ ಪ್ಯಾಕ್ ಹೆಚ್ಚು ಸೂಕ್ತ ಎನ್ನಬಹುದಾಗಿದೆ.