BSNL ಆಫರ್!..ಬ್ರಾಡ್‌ಬ್ಯಾಂಡ್‌ ಸೇವೆ ಉಚಿತ, ಪ್ರತಿದಿನ 5GB ಡೇಟಾ ಖಚಿತ!

ಹೌದು, ಬಿಎಸ್‌ಎನ್ಎಲ್ ಸಂಸ್ಥೆಯು ಈ ವರೆಗೂ ಬ್ರಾಡ್‌ಬ್ಯಾಂಡ್‌ ಸೇವೆಯನ್ನು ಪಡೆದಿರದ ತನ್ನ ಎಕ್ಸಿಸ್ಟಿಂಗ್ ಲ್ಯಾಂಡ್‌ಲೈನ್ ಗ್ರಾಹಕರಿಗೆ ಮತ್ತೆ 'ಸ್ಟ್ಯಾಂಡ್‌ಅಲೋನ್' ಪ್ರಮೋಷನಲ್' ಆಫರ್‌ ಪರಿಚಯಿಸಿದೆ. ಈ ಆಫರ್‌ನಲ್ಲಿ ಗ್ರಾಹಕರಿಗೆ ನೋ ಕಾಸ್ಟ್‌ ಬ್ರಾಡ್‌ಬ್ಯಾಂಡ್‌ ಕನೆಕ್ಷನ್ ಆಯ್ಕೆ ನೀಡಿದ್ದು, ಪ್ರತಿದಿನ 5GB ಡೇಟಾ ಉಚಿತವಾಗಿ ಸಿಗಲಿದೆ. ಒಂದು ತಿಂಗಳು ಮಾತ್ರ ಲಭ್ಯ ಇರುವ ಈ ಕೊಡುಗೆಯು ಸದ್ಯ ಚಾಲ್ತಿಯಲ್ಲಿದ್ದು, ಇದೇ ಸೆಪ್ಟಂಬರ್ 30ರಂದು ಕೊನೆಯಾಗಲಿದೆ.

ಇನ್ನು ಬ್ರಾಡ್‌ಬ್ಯಾಂಡ್ ಕನೆಕ್ಷನ್ ಪಡೆಯದಿರುವ ಬಿಎಸ್‌ಎನ್‌ಎಲ್‌ನ ಎಕ್ಸಿಸ್ಟಿಂಗ್ ಲ್ಯಾಂಡ್‌ಲೈನ್ ಗ್ರಾಹಕರಿಗೆ ಈ 'ಸ್ಟ್ಯಾಂಡ್‌ಅಲೋನ್' ಪ್ರಮೋಷನಲ್ ಬ್ರಾಡ್‌ಬ್ಯಾಂಡ್‌ ಆಫರ್‌' ಅನ್ವಯವಾಗಲಿದೆ. ಅಂಡಾಮಾನ ಮತ್ತು ನಿಕೋಬಾರ್ ಪ್ರದೇಶಗಳನ್ನು ಹೊರತುಪಡಿಸಿ ದೇಶದ ಎಲ್ಲ ಬಿಎಸ್‌ಎನ್‌ಎಲ್ ಟೆಲಿಕಾಂ ಸರ್ಕಲ್ ವ್ಯಾಪ್ತಿಯಲ್ಲಿಯೂ ಈ ಕೊಡುಗೆ ಗ್ರಾಹಕರಿಗೆ ಲಭ್ಯವಾಗಲಿದೆ.

ಬಿಎಸ್‌ಎನ್‌ಎಲ್‌ನ್ 'ಸ್ಟ್ಯಾಂಡ್‌ಅಲೋನ್' ಪ್ರಮೋಷನಲ್ ಬ್ರಾಡ್‌ಬ್ಯಾಂಡ್‌ ಆಫರ್‌ ಕೊಡುಗೆಯನ್ನು ಪಡೆಯುವ ಗ್ರಾಹಕರಿಗೆ ಪ್ರತಿದಿನ 5GB ಉಚಿತ ಡೇಟಾ ಸಿಗಲಿದ್ದು, 10 Mbps ವೇಗದಲ್ಲಿ ಇಂಟರ್ನೆಟ್‌ ಸೇವೆಯು ಲಭ್ಯವಾಗಲಿದೆ. ನಿಗದಿ ಪಡೆಸಿದ 5GB ಡೇಟಾ ಮುಗಿದ ಬಳಿಕ, ಇಂಟರ್ನೆಟ್‌ ವೇಗವು 1 Mbps ನಲ್ಲಿ ದೊರೆಯುತ್ತದೆ. ಈ ಅವಕಾಶವು ಇದೇ ಸೆಪ್ಟಂಬರ್ 30ರ ವರೆಗೆ ಮಾತ್ರ ಇರಲಿದೆ.

ಬಿಎಸ್‌ಎನ್‌ಎಲ್‌ ಈ ಸ್ಟ್ಯಾಂಡ್‌ಅಲೋನ್' ಪ್ರಮೋಷನಲ್ ಬ್ರಾಡ್‌ಬ್ಯಾಂಡ್‌ ಆಫರ್‌ ಹೊರತು ಪಡೆಸಿ, ಕಂಪನಿಯ ಇತರೆ ಬ್ರಾಡ್‌ಬ್ಯಾಂಡ್‌ ರೀಚಾರ್ಜ್‌ ಪ್ಲ್ಯಾನ್‌ಗಳ ಮೇಲೆ ಕ್ಯಾಶ್‌ಬ್ಯಾಕ್‌ ಆಫರ್‌ ಸಹ ನೀಡುತ್ತಿದೆ. 499ರೂ.ವರೆಗಿನ ಪ್ಲ್ಯಾನ್‌ ರೀಚಾರ್ಜ್‌ಗೆ ಶೇ.15%, 499ರೂಪಾಯಿಂದ 900ರೂ.ವರೆಗಿನ ರೀಚಾರ್ಜ್‌ ಮೇಲೆ ಶೇ.20% ಹಾಗೂ 900ರೂ.ಗಿಂತ ಅಧಿಕ ರೀಚಾರ್ಜ್‌ ಮೇಲೆ ಶೇ.25% ಕ್ಯಾಶ್‌ಬ್ಯಾಕ್ ಸೌಲಭ್ಯ ನೀಡಿದೆ.

ಇತ್ತೀಚಿಗೆ ಬಿಎಸ್‌ಎನ್‌ಎಲ್‌ ತನ್ನ ವಾರ್ಷಿಕ ಬ್ರಾಡ್‌ಬ್ಯಾಂಡ್‌ ಪ್ಲ್ಯಾನ್‌ಗಳನ್ನು ರೀಚಾರ್ಜ್‌ ಮಾಡಿಸುವ ಗ್ರಾಹಕರಿಗೆ ಒಂದು ವರ್ಷದ ಅವಧಿಗೆ ಅಮೆಜಾನ್‌ ಪ್ರೈಮ್‌ ಸದಸ್ಯತ್ವ ಉಚಿತವಾಗಿ ನೀಡುತ್ತಿದೆ. ಈ ಆಫರ್‌ ಸೌಲಭ್ಯ ಪಡೆಯಲು ಗ್ರಾಹಕರು 399ರೂ. ಮೇಲ್ಪಟ್ಟ ವಾರ್ಷಿಕ ರೀಚಾರ್ಜ್‌ ಮಾಡಿಸಿಕೊಳ್ಳುವ ಗ್ರಾಹಕರಿಗೆ ಅನ್ವಯವಾಗಲಿದ್ದು, 999ರೂ.ಗಳ ಅಮೆಜಾನ್ ಪ್ರೈಮ್ ಸದಸ್ಯತ್ವವು ಸಿಗಲಿದೆ.