ಐಫೋನ್‌ ಫೋಟೊಗ್ರಫಿ ಸ್ಪರ್ಧೆ!..ಭಾರತಕ್ಕೆ ಒಲಿದ ಫಸ್ಟ್‌ ಪ್ರೈಜ್‌!

ಐಫೋನ್ ಫೋಟೋಗ್ರಫಿ ಅವಾರ್ಡ್

ಐಫೋನ್‌ ಫೋಟೋಗ್ರಾಫಿ ಅವರ್ಡ್‌ ಸ್ಪರ್ಧೆಯನ್ನು ಆಪಲ್ ಪ್ರತಿವರ್ಷ ಆಯೋಜಿಸುತ್ತಾ ಬಂದಿದ್ದು, ಅದರಂತೆಯೇ 12ನೇ ವರ್ಷದ ಅವಾರ್ಡ್‌ ಸ್ಫರ್ಧೆ ಇತ್ತೀಚಿಗೆ ಮುಗಿದಿದೆ. ಈ ಸ್ಪರ್ಧೆಯಲ್ಲಿ ಹಲವಾರು ದೇಶಗಳ ಸ್ಪರ್ಧಿಗಳು ಭಾಗವಹಿಸಿದ್ದರು ಮತ್ತು ಸ್ಪರ್ಧೆಯಲ್ಲಿ ವಿವಿಧ ಫೋಟೋ ವಿಭಾಗಗಳನ್ನು ನೀಡಲಾಗಿತ್ತು. ಸ್ಪರ್ಧಿಗಳು ಐಫೋನ್ ಮೂಲಕ ಫೋಟೊಗಳನ್ನು ಸೆರೆಹಿಡಿದಿದ್ದಾರೆ.

ಭಾರತಕ್ಕೆ ಡಬಲ್ ಪ್ರೈಸ್‌

ಸ್ಪರ್ಧೆಯಲ್ಲಿ ವಿವಿಧ ವಿಭಾಗಗಳಿದ್ದವು ಅವುಗಳಲ್ಲಿ 'ಸನ್‌ಸೆಟ್‌' ಫೋಟೊ ವಿಭಾಗದಲ್ಲಿ ಬೆಂಗಳೂರಿನ ಶ್ರೀಕುಮಾರ ಕೃಷ್ಣಾ ಅವರು ಮೊದಲ ಸ್ಥಾನ ಪಡೆದಿದ್ದು, ಅವರು ಐಫೋನ್‌ 6S ಮೂಲಕ ಸೆರೆಹಿಡಿದಿದ್ದರು. ಹಾಗೆಯೇ ಮಹಾರಾಷ್ಟ್ರದ 'ಡಿಂಪಿ ಭಲೋಟಿಯಾ' ಅವರು 'ಸೀರಿಸ್' ಫೋಟೋ ಕ್ಯಾಟಗೇರಿ ವಿಭಾಗದ ಫೋಟೊಗ್ರಫಿಯಲ್ಲಿ ದ್ವೀತಿಯ ಸ್ಥಾನ ಪಡೆದುಕೊಂಡಿದ್ದಾರೆ.

ಗ್ರ್ಯಾಂಡ್‌ ಪ್ರೈಜ್‌

ಇಟಲಿಯ 'ಗೇಬ್ರಿಯೆಲಾ ಸಿಗ್ಲಿಯಾನೊ' ಅವರು 'ಐಫೋನ್‌ ಎಕ್ಸ್'ನಲ್ಲಿ ಸೆರೆಹಿಡಿದ 'ಬಿಗ್ ಸಿಸ್ಟರ್' ಟೈಟಲ್‌ ನೀಡಿದ್ದ ಫೋಟೊ 'ಗ್ರ್ಯಾಂಡ್‌ ಪ್ರೈಜ್‌' ಅವಾರ್ಡ್‌ ಪಡೆದುಕೊಂಡಿದೆ. ಹಾಗೆಯೇ ರಷ್ಯಾದಿಂದ ಯುಲಿಯಾ ಇಬ್ರೇವಾ ಅವರು ಐಫೋನ್ 7 ಪ್ಲಸ್‌ನಲ್ಲಿ ಸೆರೆಹಿಡಿದ ಮಳೆಯ ಛಾಯಾಚಿತ್ರವು ಎರಡನೇ ಸ್ಥಾನ ಪಡೆದಿದ್ದು, ಕಮ್‌ ಅಕ್ರಾಸ್‌ನಲ್ಲಿ ಚೀನಾದ ಪೆಂಗ್ ಹಾವೊಗೆ ಅವರಿಗೆ ಮೂರನೇ ಸ್ಥಾನ ಲಭ್ಯವಾಗಿದೆ.

ಇತರೆ ವಿಜೇತ ರಾಷ್ಟ್ರಗಳು

ಐಫೋನ್‌ ಫೋಟೋಗ್ರಾಫಿ ಅವರ್ಡ್‌ ಸ್ಪರ್ಧೆಯಲ್ಲಿ ಒಟ್ಟು 140 ದೇಶಗಳ ಸ್ಪರ್ಧಿಗಳು ಭಾಗವಹಿಸಿದ್ದರು. ಅವರಲ್ಲಿ ಆಸ್ಟ್ರೇಲಿಯಾ, ಬಹ್ರೇನ್, ಬೆಲಾರಸ್, ಬ್ರೆಜಿಲ್, ಕೆನಡಾ, ಚೀನಾ, ಫ್ರಾನ್ಸ್, ಜರ್ಮನಿ, ಭಾರತ, ಇಟಲಿ, ಜಪಾನ್, ಪೆರು, ಪೋರ್ಚುಗಲ್, ರಷ್ಯಾ, ದಕ್ಷಿಣ ಆಫ್ರಿಕಾ, ತೈವಾನ್, ಯುನೈಟೆಡ್ ಕಿಂಗ್‌ಡಮ್, ಮತ್ತು ಯುನೈಟೆಡ್ ಸ್ಟೇಟ್ಸ್ ರಾಷ್ಟ್ರಗಳ ಸ್ಪರ್ಧಿಗಳು ವಿವಿಧ ವಿಭಾಗಗಳಲ್ಲಿ ಪ್ರಶಸ್ತಿಗೆ ಭಾಜನರಾಗಿದ್ದಾರೆ.

ಓದಿರಿ : BSNLನಿಂದ ಎರಡು ಹೊಸ ಪ್ಲ್ಯಾನ್‌ ಲಾಂಚ್!.270 ದಿನಗಳ ವ್ಯಾಲಿಡಿಟಿ!