'ಜಿ ಸೂಟ್‌'ನಲ್ಲೂ ಬರುತ್ತಿದೆ ಗೂಗಲ್‌ನ ಜನಪ್ರಿಯ ಗೌಪ್ಯ ಮೋಡ್!

ಇದೇ ಜೂನ್ 25 ರಿಂದ ಗೂಗಲ್ 'ಜಿ ಸೂಟ್‌' ಕೂಡ ಕಾನ್ಫಿಡೆನ್ಷಿಯಲ್ ಮೋಡ್‌ (ಗೌಪ್ಯ ಮೋಡ್) ಅನ್ನು ಪಡೆದುಕೊಳ್ಳಲಿದೆ ಎಂದು ಗೂಗಲ್ ಕಂಪೆನಿ ತಿಳಿಸಿದೆ. ಗೂಗಲ್ ತನ್ನ ಅಧಿಕೃತ ಬ್ಲಾಗ್‌ನಲ್ಲಿ ಈ ಬಗ್ಗೆ ಬರೆದುಕೊಂಡಿದ್ದು, ಕಳೆದ ವರ್ಷ ಗೂಗಲ್‌ ಜಿಮೇಲ್‌ನಲ್ಲಿ ಪರಿಚಯಗೊಂಡಿದ್ದ ಕಾನ್ಫಿಡೆನ್ಷಿಯಲ್ ಮೋಡ್‌ ಇದೀಗ ಕಂಪನಿಯು 'ಜಿ ಸೂಟ್‌'ಗೂ ವಿಸ್ತರಣೆಯಾಗುತ್ತಿದೆ.

ಈ ಕಾನ್ಫಿಡೆನ್ಷಿಯಲ್ ಮೋಡ್‌ ಅಥವಾ ಗೌಪ್ಯ ಮೋಡ್ ಪ್ರಬಲವಾದ ಫೀಚರ್ ಆಗಿದ್ದು, ಸೂಕ್ಷ್ಮ ವಿವರಗಳನ್ನು ಒಳಗೊಂಡಿರುವ ಸಂದೇಶಗಳನ್ನು ನೀವು ಕಳುಹಿಸಲು ಸಹಾಯಕವಾಗುತ್ತದೆ. ಒಂದು ವೇಳೆ ಇ ಮೇಲ್‌ ಏನಾದರೂ ಹ್ಯಾಕ್ ಆದರೆ, ಅದರ ಸಂಪುರ್ಣ ಮಾಹಿತಿಯನ್ನು ಇದು ಸಂರಕ್ಷಿಸುತ್ತದೆ. ಇಷ್ಟು ಮಾತ್ರವಲ್ಲದೇ ಹಲವು ವಿಶೇಷ ಫೀಚರ್ಸ್‌ಗಳು ಅತ್ಯುತ್ತಮವಾಗಿವೆ.

ಅವುಗಳಲ್ಲಿ ಮುಖ್ಯವಾಗಿ, ಇಮೇಲ್‌ಗಳನ್ನು ವರ್ಗಿಕೃತವಾಗಿ ವಿಂಗಡಿಸಲು, ನಿಮ್ಮ ಸಂದೇಶದ ಮುಕ್ತಾಯ ದಿನಾಂಕವನ್ನು ಹೊಂದಿಸಲು, ಇ ಮೇಲೆ ಪ್ರವೇಶವನ್ನು ಕಡಿತಗೊಳಿಸಲು, ಸಂದೇಶ ಸ್ವೀಕರಿಸುವವರು ಸಂದೇಶಗಳನ್ನು ಇತರರಿಗೆ ರವಾನಿಸಲು ಸಾಧ್ಯವಾದಂತೆ ಮಾಡಲು ಮತ್ತು ಇಮೇಲ್‌ಗಳನ್ನು ವರ್ಗಿಕೃತವಾಗಿ ವಿಂಗಡಿಸಲು ನೆರವಾಗುವಂತಹ ಫೀಚರ್ಸ್ ಇದರಲ್ಲಿವೆ.

ನಿಮ್ಮ ಇ ಮೇಲ್‌ ಸುರಕ್ಷತೆಯ ದೃಷ್ಟಿಯಿಂದಲೂ ಈ ಮೋಡ್‌ ಹೆಚ್ಚು ಉಪಯೋಗಕಾರಿಯಾಗಿದೆ. ಒಂದು ವೇಳೆ ಇ ಮೇಲ್‌ ಏನಾದರೂ ಹ್ಯಾಕ್ ಆದರೆ ಮಾಹಿತಿಯನ್ನು ಇದು ಸಂರಕ್ಷಿಸುತ್ತದೆ. ಇದು ನಿಮ್ಮ ಮೇಲ್‌ಗಳಲ್ಲಿ ಅಂತರ್‌ ನಿರ್ಮಿತ ಮಾಹಿತಿ ನಿರ್ವಹಣೆಯನ್ನು ಮಾಡುತ್ತದೆ. ಜತೆಗೆ ಇ ಮೇಲ್‌ಗಳನ್ನು ಎಕ್ಸಾಪೈರೇಷನ್ ಡೇಟ್‌ ಅಳವಡಿಸಲು ಸಹ ಅವಕಾಶವನ್ನು ಕಲ್ಪಿಸುತ್ತದೆ.

ಎಲ್ಲದಕ್ಕಿಂತ ಹೆಚ್ಚಾಗಿ ಈ ಕಾನ್ಫಿಡೆನ್ಷಿಯಲ್‌ ಮೋಡ್‌ನೊಂದಿಗೆ ಇ ಮೇಲ್‌ ಸ್ವೀಕರಿಸುವವರಿಗೆ ಅದನ್ನು ಫಾರ್ವರ್ಡ್‌, ಕಾಪಿ, ಪ್ರಿಂಟ್‌ ಅಥವಾ ಡೌನ್‌ಲೋಡ್‌ ಮಾಡುವ ಯಾವುದೇ ಅವಕಾಶವನ್ನು ಇದು ನಿರಾಕರಿಸುತ್ತದೆ. ಇದರಿಂದಾಗಿ ಜಿಮೇಲ್‌ನಲ್ಲಿ ಜನಪ್ರಿಯವಾಗಿದ್ದ ಕಾನ್ಫಿಡೆನ್ಷಿಯಲ್ ಮೋಡ್‌ ಇದೀಗ ಈ ಫೀಚರ್ 'ಜಿ ಸೂಟ್‌'ಗೂ ವಿಸ್ತರಣೆಯಾಗಿ ಗಮನಸೆಳೆದಿದೆ.

ಓದಿರಿ: 'ಮಾಡರ್ನ್ ಮಗು' ಮೊದಲು ಮಾತನಾಡಿದ ಪದ ಕೇಳಿ ಒಂದು ಕ್ಷಣ ಬೆಚ್ಚಿಬಿದ್ದ ಪೋಷಕರು!!