ಆನ್‌ಲೈನಲ್ಲಿ ಪಾನ್-ಆಧಾರ್ ಲಿಂಕ್ ಮಾಡಿಲ್ವಾ..? ಚಿಂತೆ ಬೇಡ.!

ಮೂರು ತಿಂಗಳು ವಿಸ್ತರಣೆ:

ಈ ಹಿಂದೆ ಕೇಂದ್ರ ಸರಕಾರವು ಬ್ಯಾಂಕ್‌ ಖಾತೆ, ಮೊಬೈಲ್‌ ಸಂಖ್ಯೆ, ಪ್ಯಾನ್‌ ಕಾರ್ಡ್‌ಗೆ ಆಧಾರ್‌ ಸಂಖ್ಯೆಯನ್ನು ಲಿಂಕ್ ಮಾಡಲು ಈ ವರ್ಷದ ಡಿಸೆಂಬರ್‌ ಅಂತ್ಯಕ್ಕೆ ನಿಗಧಿ ಪಡಿಸಿತ್ತು, ಆದರೆ ಇನ್ನು ಸಾಕಷ್ಟು ಮಂದಿ ಧಾರ್‌ ಸಂಖ್ಯೆಯನ್ನು ಲಿಂಕ್ ಮಾಡಿಲ್ಲದ ಕಾರಣ ಅವಧಿಯನ್ನು ಮೂರು ತಿಂಗಳು ವಿಸ್ತರಿಸಿ ಮಾರ್ಚ್‌ 31ರವರೆಗೆ ನೀಡಲಾಗಿದೆ.

ಆಧಾರ್‌ ಜೋಡನೆ ಮಾಡಲೇ ಬೇಕು:

ಆಧಾರ್‌ ಕಾರ್ಡ್ ಹೊಂದಿರುವವರು ಮೊಬೈಲ್‌ ಸಂಖ್ಯೆ, ಬ್ಯಾಂಕ್‌ ಖಾತೆ, ಪ್ಯಾನ್‌ ಕಾರ್ಡ್‌ ನೊಂದಿಗೆ ಜೋಡಣೆ ಮಾಡಲೇ ಬೇಕು ಎಂದು ಸರ್ಕಾರ ಹೇಳಿದೆ, ಇಲ್ಲವಾದರೆ ಮಾರ್ಚ್‌ 31ರ ನಂತರದಲ್ಲಿ ಸರಕಾರದ ಸೌಲಭ್ಯಗನ್ನು ತಡೆಹಿಡಿಯುವ ಸಾಧ್ಯತೆ ಇದೆ ಎನ್ನಲಾಗಿದೆ.

ಮಾರ್ಚ್‌ 31ರವರೆಗೆ ಚಿಂತೆ ಇಲ್ಲ:

ಮಾರ್ಚ್‌ 31ರವರೆಗೆ ಆಧಾರ್‌ ಸಂಖ್ಯೆಯನ್ನು ಹೊಂದಿಲ್ಲದವರಿಗೆ ಮತ್ತು ಸಂಖ್ಯೆಯನ್ನು ಬ್ಯಾಂಕ್‌ ಖಾತೆ, ಮೊಬೈಲ್‌ ಸಂಖ್ಯೆ, ಪ್ಯಾನ್‌ ಕಾರ್ಡ್‌ಗೆ ಲಿಂಕ್ ಮಾಡದವರಿಗೆ ಯಾವುದೇ ಯೋಜನೆಗಳ ಸೌಲಭ್ಯಗಳನ್ನು ನಿರಾಕರಿಸುವಂತಿಲ್ಲ ಎನ್ನಲಾಗಿದೆ.

ಈಗಲೇ ಆಧಾರ್ ಕಾರ್ಡ್ ಮಾಡಿಸಿಕೊಳ್ಳಿ:

ಆಧಾರ್‌ ಸಂಖ್ಯೆ ಹೊಂದಿಲ್ಲದವರು ಮತ್ತು ಆಧಾರ್‌ಗಾಗಿ ಇನ್ನೂ ನೋಂದಣಿ ಮಾಡದವರಿಗೆ ಇದೇ ಸರಿಯಾದ ಸಮಯವಾಗಿದ್ದು, ಈಗಲೇ ಆಧಾರ್ ಕಾರ್ಡ್ ಮಾಡಿಸಿಕೊಳ್ಳಿ. ಇಲ್ಲವಾದರೆ ನಿಮಗೆ ಬ್ಯಾಂಕ್ ಸೇವೆ ಸೇರಿದಂತೆ ವಿವಿಧ ಸರಕಾರಿ ಯೋಜನೆಗಳ ಲಾಭವು ದೊರೆಯುವುದಿಲ್ಲ ಎನ್ನಲಾಗಿದೆ.

ಆನ್‌ಲೈನಿನಲ್ಲಿ ಸರಳ ಮತ್ತು ಸುಲಭ:

ಸರಕಾರವೂ ಮೊಬೈಲ್‌ ಸಂಖ್ಯೆ, ಬ್ಯಾಂಕ್‌ ಖಾತೆ, ಪ್ಯಾನ್‌ ಕಾರ್ಡ್‌ ನೊಂದಿಗೆ ಆಧಾರ್ ಕಾರ್ಡ್ ಸಂಖ್ಯೆಯನ್ನು ಜನ ಸಾಮಾನ್ಯರು ಸರಳ ಮತ್ತು ಸುರಕ್ಷಿತವಾಗಿ ಮಾಡಿಕೊಳ್ಳಲಿ ಎನ್ನುವ ಕಾರಣಕ್ಕಾಗಿ ಆನ್‌ಲೈನ್‌ ಸೇವೆಯನ್ನು ನೀಡುತ್ತಿದೆ. ಗ್ರಾಹಕರು ಇದರ ಉಪಯೋಗವನ್ನು ಪಡೆಯಬೇಕಾಗಿದೆ.