'ಉಚಿತವಾಗಿ IPL ನೋಡಿ': ಆಫರ್ ಹೆಸರಿನಲ್ಲಿ ಏರ್‌ಟೆಲ್‌ ಮಹಾ ಮೋಸ...!

ಜಿಯೋ ದಾಳಿ:

ಹಾಟ್ ಸ್ಟಾರ್ ಇನ್ ಸ್ಟಾಲ್ ಮಾಡಿಕೊಂಡರೆ ಯಾರು ಬೇಕಾದರು ಉಚಿತವಾಗಿ IPL ಪಂದ್ಯಗಳನ್ನು ಲೈವ್ ಆಗಿ ನೋಡಬಹುದು, ಆದರೆ ಇದಕ್ಕೆ ಡೇಟಾ ಖರ್ಚಾಗಲಿದೆ. ಆದರೆ ಇದನ್ನು ಮೆರೆಮಾಚಿರುವ ಏರ್‌ಟೆಲ್ ತನ್ನ 4G ಸಿಮ್‌ ಉಚಿತವಾಗಿ IPL ಪಂದ್ಯಗಳನ್ನು ನೋಡುವ ಕೀಲಿಕೈ ಎಂಬಂತೆ ಜಾಹಿರಾತು ನೀಡುತ್ತಿದೆ, ಇದು ಜನರನ್ನು ದಾರಿ ತಪ್ಪಿಸುವ ಜೊತೆಗೆ ವಂಚಿಸುತ್ತಿದೆ ಎಂದು ಜಿಯೋ ದೆಹಲಿ ಹೈಕೋರ್ಟ್‌ ಮೇಟ್ಟಿಲು ಏರಿತ್ತು.

ತಲೆಗ್ಗಿಸಿದ ಏರ್‌ಟೆಲ್:

ಜಿಯೋ ದಾಖಲಿಸಿದ ಪ್ರಕರಣಕ್ಕೆ ಸಂಬಂಧಿಸಿದಂತೆ ಏರ್‌ಟೆಲ್ ಮತ್ತೊಮ್ಮೆ ತಲೆತಗ್ಗಿದಿದೆ. IPL ಪಂದ್ಯಗಳನ್ನು ನೋಡುವ ಸಲುವಾಗಿ ‘ಲೈವ್ ಮತ್ತು ಫ್ರೀ ಅಕ್ಸೆಸ್' ಆಫರ್ ಕುರಿತಂತೆ ಏರ್‌ಟೆಲ್ ಪ್ರಸಾರ ಮಾಡುತ್ತಿರುವ ಜಾಹೀರಾತನ್ನು ಬದಲಾವಣೆಯಾಗಲಿದೆ. ದೆಹಲಿ ಹೈಕೋರ್ಟ್​ಗೆ ಈ ಕುರಿತು ಮಾಹಿತಿಯನ್ನು ನೀಡಿರುವ ಏರ್‌ಟೆಲ್, 'ಉಚಿತವಾಗಿ IPL ನೋಡಿ' ಜಾಹಿರಾತು ಬಳಕೆದಾರರನ್ನು ಹಾದಿ ತಪ್ಪಿಸುವಂತೆ ಇದೆ. ಅದನ್ನು ಬದಲಾಸುವುದಾಗಿ ತಿಳಿಸಿದೆ.

ಜಾಹಿರಾತು:

IPL ಪ್ರಸಾರ ಹಾಟ್ ಸ್ಟಾರ್ ಚಂದಾದಾರರಿಗೆ ಮಾತ್ರವೇ ಉಚಿತವಾಗಿರಲಿದೆ ಮತ್ತು ಇದರಲ್ಲಿ ಮ್ಯಾಚ್ ನೋಡಲು ಡೇಟಾ ಶುಲ್ಕಗಳು ಅನ್ವಯವಾಗುತ್ತವೆ ಎಂದು ಜಾಹಿರಾತಿನಲ್ಲಿ ಬದಲಾವಣೆಗಳನ್ನು ಮಾಡುವುದಾಗಿ ಏರ್​ಟೆಲ್ ತಿಳಿಸಿದೆ.

ಈ ಹಿಂದೆಯೂ ಆಗಿತ್ತು:

ಭಾರತದ ಅತೀ ವೇಗದ 4G ನೆಟ್‌ವರ್ಕ್ ಎಂಬ ಜಾಹಿರಾತು ನೀಡಿದ್ದ ಏರ್‌ಟೆಲ್, ಒಕ್ಲಾ ಎಂಬ ಖಾಸಗಿ ಕಂಪನಿ ನೀಡಿದ ಮಾಹಿತಿಯ ಅನ್ವಯ ಜಾಹಿರಾತು ಪ್ರಕಟಿಸಿತ್ತು. ಜಿಯೋ ಇದನ್ನು ಸಹ ಪ್ರಶ್ನಿಸಿ ಕೋರ್ಟ್ ಮೇಟ್ಟಿಲು ಏರಿದ್ದಲ್ಲದೇ, ಏರ್‌ಟೆಲ್‌ ಜಾಹಿರಾರು ಹಿಂಪಡೆಯುವಂತೆ ಮಾಡಿತ್ತು.