ಏರ್‌ಟೆಲ್, ವೊಡಾ, ಐಡಿಯಾ ಆಫರ್‌ಗಳಿಗೆ ಕುತ್ತು: ಟ್ರಾಯ್‌ನಿಂದ ಹೊಸ ನೀತಿ.!!

ವೆಬ್‌ಸೈಟಿನಲ್ಲಿ ಸಂಫೂರ್ಣ ಜಾತಕ:

ಈ ಹಿನ್ನಲೆಯಲ್ಲಿ ಟ್ರಾಯ್ ತನ್ನ ವೆಬ್‌ಸೈಟಿನಲ್ಲಿ ಎಲ್ಲಾ ಟೆಲಿಕಾಂ ಕಂಪನಿಗಳ ಟ್ಯಾರಿಫ್ ಕುರಿತ ಮಾಹಿತಿಯನ್ನು ಪ್ರಕಟಿಸಲಿದೆ. ಇದರಿಂದ ಗ್ರಾಹಕರಿಗೆ ಹೆಚ್ಚಿನ ವಂಚನೆ ಮಾಡುತ್ತಿದ್ದ ಏರ್‌ಟೆಲ್‌, ವೊಡಾಪೋನ್ ಮತ್ತು ಐಡಿಯಾ ಕಂಪನಿಗಳು ಸೇರಿದಂತೆ ಎಲ್ಲಾ ಟೆಲಿಕಾಂ ಕಂಪನಿಗಳಿಗೆ ನಡುಕ ಶುರುವಾಗಿದೆ.

ಟೆಲಿಕಾಂ ಕಂಪನಿಗಳ ವಂಚನೆಗೆ ಬ್ರೇಕ್:

ಇದಲ್ಲದೇ ಟಿಲಿಕಾಂ ಕಂಪನಿಗಳು ಹೇಳುವುದೇ ಒಂದು ಆಫರ್ ಆದರೆ ನೀಡುವುದು ಮತ್ತೊಂದು. ಇದಕ್ಕೆಲ್ಲಾ ಬ್ರೇಕ್ ಹಾಕಿ, ತಾನು ನೀಡುವ ಆಫರ್ ಅನ್ನು ಮಾತ್ರವೇ ಜನರಿಗೆ ತಿಳಿಸಬೇಕು ಮತ್ತು ಯಾವುದೇ ರೀತಿಯಲ್ಲಿಯೂ ವಂಚನೆ ಮಾಡಬಾರದು ಎಂದು ಷರತ್ತು ವಿಧಿಸಿದ್ದು, ಟ್ಯಾರಿಫ್‌ ಪ್ಲಾನ್‌ಗಳನ್ನು ಪಾರದರ್ಶಕವಾಗಿ ವೆಬ್‌ಸೈಟಿನಲ್ಲಿ ಪ್ರದರ್ಶಿಸಲಿದೆ.

ಗ್ರಾಹಕರಿಗೆ ಆಯ್ಕೆ ಸುಲಭ:

ಟ್ರಾಯ್ ವೆಬ್‌ಸೈಟಿನಲ್ಲಿ ಎಲ್ಲಾ ಕಂಪನಿಗಳ ಪ್ಲಾನ್‌ಗಳು ಒಂದೇ ಸೂರಿನಲ್ಲಿ ದೊರೆಯುವುದರಿಂದ ನೀವು ಆಫರ್ ಗಳ ನಡುವೆ ತುಲನೆ ಮಾಡಿ, ನಿಮಗೆ ಸೂಕ್ತವಾದ ಆಫರ್ ಅನ್ನು ಆಯ್ಕೆ ಮಾಡಿಕೊಳ್ಳಬಹುದು. ಇದರಿಂದ ಗ್ರಾಹಕರಿಗೆ ಹೆಚ್ಚಿನ ಸ್ವಾತಂತ್ರ ದೊರೆಯಲಿದೆ.

ಕಡಿಮೆಯಾಗಲಿದೆ ದರಗಳು:

ಒಂದೇ ವೇದಿಕೆಯಲ್ಲಿ ಬೆಲೆಗಳನ್ನು ಪ್ರದರ್ಶಿಸುವುದರಿಂದ ಹೆಚ್ಚಿನ ಗ್ರಾಹಕರನ್ನು ಸೆಳೆಯಲು ಕಂಪನಿಗಳು ತಮ್ಮ ಟ್ಯಾರಿಫ್ ದರಗಳನ್ನು ಮತ್ತಷ್ಟು ಕಡಿಮೆ ಮಾಡಲಿದೆ. ಇದರಿಂದ ಗ್ರಾಹಕರಿಗೆ ಹೆಚ್ಚಿನ ಲಾಭವಾಗಲಿದೆ ಎನ್ನಲಾಗಿದೆ.