ನಿಮ್ಮ ಸ್ಮಾರ್ಟ್‌ಫೋನಿನಲ್ಲಿ ಈ ಸೆಟ್ಟಿಂಗ್‌ ಅನ್ನು ಮರೆಯದೇ ಮಾಡಿ!

ಫೋನ್ ಅನ್ನು ಸುರಕ್ಷಿತವಾಗಿರಿಸಿಕೊಳ್ಳುವುದು ಎಂದರೆ ನೀವು ಹಣವನ್ನು ಖರ್ಚು ಮಾಡಬೇಕೆಂದು ಅರ್ಥವಲ್ಲ. ಆಂಡ್ರಾಯ್ಡ್‌ನ ಇತ್ತೀಚಿನ ಆವೃತ್ತಿಗಳು ನೀವು ಬಳಸಬಹುದಾದ ಅಂತರ್ನಿರ್ಮಿತ ಪ್ರೈವಸಿ ಆಯ್ಕೆಗಳನ್ನು ಬಳಕೆ ಮಾಡುವ ಮೂಲಕ ಫೋನ್‌ಗೆ ರಕ್ಷಣೆ ನೀಡುವುದು. ಹಾಗಾದರೇ ಫೋನಿನಲ್ಲಿ ಪಾಲಿಸಬೇಕಿರುವ ಕೆಲವು ಪ್ರಮುಖ ಭದ್ರತಾ ಸೆಟ್ಟಿಂಗ್‌ಗಳು ಮತ್ತು ಪರಿಕರಗಳ ಬಗ್ಗೆ ಮುಂದೆ ತಿಳಿಯೋಣ ಬನ್ನಿರಿ.

ಸ್ಕ್ರೀನ್ ಲಾಕ್ ಬಳಸಿ

ನಿಮ್ಮ ಆಂಡ್ರಾಯ್ಡ್‌ ಫೋನ್ ಅಥವಾ ಟ್ಯಾಬ್ಲೆಟ್ ಅನ್ನು ಸುರಕ್ಷಿತಗೊಳಿಸಲು ಸ್ಕ್ರೀನ್ ಲಾಕ್ ಅನ್ನು ಹೊಂದಿಸಿ. ನೀವು ಇದನ್ನು ಪಿನ್, ಪ್ಯಾಟರ್ನ್ ಅಥವಾ ಪಾಸ್‌ವರ್ಡ್ ಬಳಸಿ ಮಾಡಬಹುದು. ಕೆಲವು ಸಾಧನಗಳಲ್ಲಿ, ನಿಮ್ಮ ಬೆರಳಚ್ಚು ಮೂಲಕ ನೀವು ಅನ್‌ಲಾಕ್ ಮಾಡಬಹುದು. ಪ್ರತಿ ಸಲ ನೀವು ನಿಮ್ಮ ಸಾಧನವನ್ನು ಆನ್ ಮಾಡಿದಾಗ ಅಥವಾ ಪರದೆಯನ್ನು ಟಚ್‌ ಮಾಡಿದಾಗ, ನಿಮ್ಮ ಸಾಧನವನ್ನು ಅನ್ಲಾಕ್ ಮಾಡಲು ನಿಮ್ಮನ್ನು ಕೇಳಲಾಗುತ್ತದೆ.

ಫೈಂಡ್‌ ಮೈ ಡಿವೈಸ್

ಗೂಗಲ್‌ನ ಫೈಂಡ್ ಮೈ ಡಿವೈಸ್ ಫೀಚರ್ ಬಳಕೆದಾರರು ತಮ್ಮ ಕಳೆದುಹೋದ ಆಂಡ್ರಾಯ್ಡ್ ಸಾಧನವನ್ನು ಪತ್ತೆ ಮಾಡಲು ಮತ್ತು ಅದನ್ನು ಮರಳಿ ಪಡೆಯುವವರೆಗೆ ಲಾಕ್ ಮಾಡಲು ಸಹಾಯ ಮಾಡುತ್ತದೆ. ಅದನ್ನು ಸರಿಯಾಗಿ ಹೊಂದಿಸುವುದು ಮುಖ್ಯ. ಇದನ್ನು ಸೆಟ್‌ ಮಾಡಲು: ಸೆಟ್ಟಿಂಗ್‌ಗಳು > ಸೆಕ್ಯುರಿಟಿ > ಫೈಂಡ್‌ ಮೈ ಡಿವೈಸ್. ಇದು ನಿಮ್ಮ ಕಳೆದುಹೋದ ಫೋನ್ ಅನ್ನು ಪತ್ತೆಹಚ್ಚಲು ಸಹಾಯ ಮಾಡುವುದಲ್ಲದೆ ನಿಮ್ಮ ಫೋನ್ ಅನ್ನು ರಿಮೋಟ್ ಆಗಿ ಲಾಕ್ ಮಾಡುವ ಮೂಲಕ ಮತ್ತು ಸೈನ್ ಔಟ್ ಮಾಡುವ ಮೂಲಕ ಅದರಲ್ಲಿರುವ ಡೇಟಾವನ್ನು ರಕ್ಷಿಸುತ್ತದೆ.

ಲಾಕ್ ಸ್ಕ್ರೀನ್ ಭದ್ರತಾ ಆಯ್ಕೆ ಬಳಸಿ

ನಿಮ್ಮ ಫೋನ್‌ ಲಾಕ್‌ ಆಗಿರುವಾಗ ಯಾವ ಸ್ಕ್ರೀನ್‌ನಲ್ಲಿ ನೀವು ಕಾಣಿಸಬೇಕೆಂದು ಸೂಚಿಸಿ ಡಿಸ್‌ಪ್ಲೇಯಲ್ಲಿ ನೀವು ಯಾವ ಅಧಿಸೂಚನೆಗಳನ್ನು ತೋರಿಸಲು ಬಯಸುತ್ತೀರಿ ಎಂಬುದರ ಆಧಾರದ ಮೇಲೆ ನೀವು ಸೆಟ್ಟಿಂಗ್‌ಗಳನ್ನು ಬದಲಾಯಿಸಬಹುದು. ನೀವು ಇದನ್ನು ಕೆಲವು ಅಪ್ಲಿಕೇಶನ್‌ಗಳಿಗಾಗಿ ಅಥವಾ ನಿಮ್ಮ ಸಂಪೂರ್ಣ ಫೋನ್‌ಗಾಗಿ ಮಾಡಬಹುದು. ಅಪ್ಲಿಕೇಶನ್‌ನಲ್ಲಿನ ಸೆಟ್ಟಿಂಗ್‌ಗಳ ಮೆನುವಿನಿಂದ ಬಳಕೆದಾರರು ಹಲವಾರು ಅಪ್ಲಿಕೇಶನ್‌ಗಳಿಂದ ಅಧಿಸೂಚನೆಗಳನ್ನು ನಿಯಂತ್ರಿಸಬಹುದು. ಇದು ಇತ್ತೀಚಿನ ಆಂಡ್ರಾಯ್ಡ್ 11 ಮತ್ತು ನಂತರದ ಓಎಸ್‌ಗಳಲ್ಲಿ ಕಾರ್ಯನಿರ್ವಹಿಸುತ್ತವೆ ಎಂಬುದನ್ನು ದಯವಿಟ್ಟು ಗಮನಿಸಿ.

ಮ್ಯಾನೇಜ್ ಆಪ್‌ ಪರ್ಮಿಷನ್

ಥರ್ಡ್‌ಪಾರ್ಟಿ ಆಪ್‌ಗಳು ಯಾವ ಮಾಹಿತಿಯನ್ನು ಪ್ರವೇಶಿಸಬಹುದು ಎಂಬುದನ್ನು ಪರಿಶೀಲಿಸಿ. ಬಳಕೆದಾರರು ಥರ್ಡ್‌ಪಾರ್ಟಿ ಹೊಂದಿರುವ ಖಾತೆ ಪ್ರವೇಶದ ಪ್ರಕಾರವನ್ನು ಮತ್ತು ಅದು ಪ್ರವೇಶಿಸಿರುವ ಗೂಗಲ್ ಸೇವೆಗಳನ್ನು ಪರಿಶೀಲಿಸಬಹುದು. ನೀವು ಇನ್ನು ಮುಂದೆ ನಂಬದ ಅಥವಾ ಬಳಸಲು ಬಯಸದ ಅಪ್ಲಿಕೇಶನ್ ಅಥವಾ ಸೇವೆಗೆ ನೀವು ಪ್ರವೇಶವನ್ನು ನೀಡಿದರೆ, ನೀವು ಅದರ ಪ್ರವೇಶವನ್ನು ತೆಗೆದುಹಾಕಬಹುದು.

ಕ್ರೋಮ್‌ನಲ್ಲಿ ಸುರಕ್ಷಿತ ಬ್ರೌಸರ್ ಬಳಸಿ

ಆಂಡ್ರಾಯ್ಡ್ ಸಾಧನಗಳಲ್ಲಿ ಕ್ರೋಮ್ ಡೀಫಾಲ್ಟ್ ಬ್ರೌಸರ್ ಆಗಿದೆ. ಬ್ರೌಸರ್ ಸುರಕ್ಷಿತ ಬ್ರೌಸಿಂಗ್ ಮೋಡ್‌ನೊಂದಿಗೆ ಬರುತ್ತದೆ ಅದು ಅಪಾಯಕಾರಿ ವೆಬ್‌ಸೈಟ್‌ಗಳನ್ನು ತೆಗೆದುಹಾಕುವ ಗುರಿಯನ್ನು ಹೊಂದಿದೆ. ಅದನ್ನು ಸಕ್ರಿಯಗೊಳಿಸಲಾಗಿದೆ ಎಂದು ಖಚಿತಪಡಿಸಿಕೊಳ್ಳಿ. ಕ್ರೋಮ್ ತೆರೆಯಿರಿ, ಮೂರು-ಡಾಟ್ ಮೆನು ಬಟನ್ ಟ್ಯಾಪ್ ಮಾಡಿ ಮತ್ತು ಸೆಟ್ಟಿಂಗ್ಸ್ ಆಯ್ಕೆ ಮಾಡಿ. ಗೂಗಲ್ ಸೇವೆಗಳಿಗಾಗಿ ಸಿಂಕ್ ಅನ್ನು ಟ್ಯಾಪ್ ಮಾಡಿ.