ನೀವು EPFO ಖಾತೆ ಹೊಂದಿದ್ದೀರಾ?.. ಹಾಗಿದ್ರೆ ಈ ನಂಬರ್‌ ನಿಮ್ಮ ಬಳಿ ಇರಲಿ!

ನೌಕರರ ಪಾಲಿಗೆ ಉದ್ಯೋಗಿಗಳ ಭವಿಷ್ಯ ನಿಧಿ ಸಂಸ್ಥೆ (EPFO) ಆರ್ಥಿಕ ಶಕ್ತಿ ಇದ್ದಂತೆ. ಈ ಸಂಸ್ಥೆಯು ಸಂಘಟಿತ ವಲಯದ ಉದ್ಯೋಗಿಗಳಿಗೆ ಆರ್ಥಿಕ ಭದ್ರತೆ ಮತ್ತು ನಿವೃತ್ತಿ ನೆರವು ಒದಗಿಸುವ ಸಾಮಾಜಿಕ ಭದ್ರತಾ ಸೇವೆಯಾಗಿದೆ. ಇನ್ನು ಇಪಿಎಫ್‌ಓ (EPFO) ಉದ್ಯೋಗಿಗಳಿಗೆ ನೆರವಾಗಲು ಹಲವು ಅಗತ್ಯ ಸೇವೆಗಳನ್ನು ನೀಡಿದೆ. ಆ ಪೈಕಿ ಸಂಸ್ಥೆಯ ಈ ನಂಬರ್ ನೌಕರರಿಗೆ ಉಪಯುಕ್ತ.

ಹೌದು, ಉದ್ಯೋಗಿಗಳ ಭವಿಷ್ಯ ನಿಧಿ ಸಂಸ್ಥೆ (EPFO) ಉದ್ಯೋಗಿಗಳಿಗೆ ನೆರವಾಗಲೆಂದು ಸಹಾಯವಾಣಿ ಸಂಖ್ಯೆಯನ್ನು ಹೊಂದಿದೆ. EPFO ಸಂಸ್ಥೆಯ ಸಹಾಯವಾಣಿ ಸಂಖ್ಯೆ 14470 ಗೆ ಕರೆ ಮಾಡುವ ಮೂಲಕ ನೌಕರರು EPFO ​​ಗೆ ಸಂಬಂಧಿಸಿದ ಎಲ್ಲಾ ಮಾಹಿತಿಯನ್ನು ಪಡೆಯಬಹುದು ಎಂದು ಸಂಸ್ಥೆಯು ಎಕ್ಸ್‌ನಲ್ಲಿ (ಟ್ವಿಟರ್) ಟ್ವಿಟ್‌ ಮೂಲಕ ತಿಳಿಸಿದೆ.

ಸಹಾಯವಾಣಿ ಸಂಖ್ಯೆ 14470 ಗೆ ಕರೆ ಮಾಡುವ ಮೂಲಕ ಭವಿಷ್ಯ ನಿಧಿ ಕೊಡುಗೆಗಳು, ವಿತ್‌ಡ್ರಾ ಮಾಹಿತಿ ಬಗ್ಗೆ, ಟ್ರಾನ್ಸ್‌ಫರ್‌ ಮಾಹಿತಿ ಹಾಗೂ ಇತರೆ ಸೇವೆಗಳಿಗೆ ಸಂಬಂಧಿಸಿದ ಮಾಹಿತಿಗಳನ್ನು ಪಡೆದುಕೊಳ್ಳಬಹುದಾಗಿದೆ. ತ್ವರಿತವಾಗಿ ಮಾಹಿತಿ ಪಡೆಯಲು ಈ ಸಹಾಯವಾಣಿ ಉಪಯುಕ್ತ ಎನಿಸಲಿದೆ.

ಸಹಾಯವಾಣಿ ಸಂಖ್ಯೆ 14470 :
ಉದ್ಯೋಗಿಗಳ ಭವಿಷ್ಯ ನಿಧಿ ಸಂಸ್ಥೆ (EPFO) ಯ 14470 ಈ ಸಹಾಯವಾಣಿ ಸಂಖ್ಯೆಯು ನೌಕರರಿಗೆ ಅವರ ಖಾತೆಯ ಪಿಎಫ್‌ ಮಾಹಿತಿ, ಪೆನ್ಶನ್‌ ಮಾಹಿತಿ ಸೇರಿದಂತೆ ಇತರೆ ಮಾಹಿತಿಗಳನ್ನು ಪಡೆಯಲು ನೆರವಾಗಲಿದೆ. ಈ ಸಹಾಯವಾಣಿ ಬೆಳಿಗ್ಗೆ 7 ಗಂಟೆಯಿಂದ ರಾತ್ರಿ 9 ಗಂಟೆ ವರೆಗೂ ಕಾರ್ಯ ನಿರ್ವಹಿಸಲಿದೆ. ಅಲ್ಲದೇ ಈ ಸಹಾಯವಾಣಿಯು ಹಿಂದಿ, ಗುಜರಾತಿ, ಕನ್ನಡ, ಮರಾಠಿ, ತಮಿಳ, ತೆಲಗು, ಬೆಂಗಾಳಿ, ಅಸಾಮಿ ಹಾಗೂ ಇಂಗ್ಲಿಷ್ ಭಾಷೆಯಲ್ಲಿ ಲಭ್ಯ.

ಉಮಂಗ್ ಆಪ್ ಮೂಲಕ ಇಪಿಎಫ್ ಬ್ಯಾಲೆನ್ಸ್ ಚೆಕ್ ಮಾಡಬಹುದು :
ಇಪಿಎಫ್‌ಒ ಉಮಾಂಗ್ ಎಂಬ ಸರ್ಕಾರದ ಕೇಂದ್ರೀಕೃತ ಮೊಬೈಲ್ ಆಪ್‌ ಆಗಿದ್ದು, ಇದು ವಿವಿಧ ಸೇವೆಗಳನ್ನು ಒದಗಿಸುತ್ತದೆ. ಇದರಲ್ಲಿ ನೌಕರರು ತಮ್ಮ ಇಪಿಎಫ್ ಬ್ಯಾಲೆನ್ಸ್ ಚೆಕ್ ಮಾಡಬಹುದು.

ಉಮಾಂಗ್ ಆಪ್‌ ಮೂಲಕ ಪಿಎಫ್ ಬ್ಯಾಲೆನ್ಸ್ ಚೆಕ್‌ ಮಾಡಲು ಹೀಗೆ ಮಾಡಿ :

ಹಂತ 1 : ಗೂಗಲ್‌ ಪ್ಲೇ ಸ್ಟೋರ್‌ ಅಥವಾ ಆಪಲ್‌ ಆಪ್‌ ಸ್ಟೋರ್‌ನಿಂದ ಉಮಾಂಗ್‌ ಆಪ್‌ ಇನ್‌ಸ್ಟಾಲ್‌ ಮಾಡಿ

ಹಂತ 2 : ನಿಮ್ಮ ಮೊಬೈಲ್‌ನಲ್ಲಿ ಉಮಾಂಗ್ ಆಪ್‌ ತೆರೆಯಿರಿ ಹಾಗೂ ನಿಮ್ಮ ಆದ್ಯತೆಯ ಭಾಷೆಯನ್ನು ಸೆಟ್ ಮಾಡಿ.

ಹಂತ 3 : ಅಲ್ಲದೆ, 'ಎಂಡ್ ಟು ಎಂಡ್ ಪರವಾನಗಿ ಒಪ್ಪಂದ' ದ ನಿಯಮಗಳು ಹಾಗೂ ಷರತ್ತುಗಳನ್ನು ಓದಿ.

ಹಂತ 4 : ನಿಮ್ಮ ಮೊಬೈಲ್ ನಂಬರ್‌ ಅನ್ನು ಚೆಕ್ ಮಾಡಿ ಮತ್ತು ನೋಂದಾಯಿಸಿ.

ಹಂತ 5 : ಕೆಳಭಾಗದಲ್ಲಿರುವ 'ಎಲ್ಲಾ ಸೇವೆಗಳು' ಆಯ್ಕೆಯ ಅನ್ನು ಸೆಲೆಕ್ಟ್ ಮಾಡಿ.

ಹಂತ 6 : ಅಲ್ಲಿರುವ ಆಯ್ಕೆಗಳ ಲಿಸ್ಟ್‌ನಿಂದ 'EPFO' ಅನ್ನು ಸರ್ಚ್‌ ಮಾಡಿರಿ ಹಾಗೂ ಸೆಲೆಕ್ಟ್‌ ಮಾಡಿ.

ಹಂತ 7 : ನಿಮ್ಮ ಇಪಿಎಫ್ ಬ್ಯಾಲೆನ್ಸ್ ಚೆಕ್‌ ಮಾಡಲು 'ಪಾಸ್‌ಬುಕ್ ವೀಕ್ಷಿಸಿ' ಆಯ್ಕೆಯನ್ನು ಸೆಲೆಕ್ಟ್‌ ಮಾಡಿರಿ.

ಹಂತ 8 : ಬಳಿಕ UAN ಅನ್ನು ಎಂಟ್ರಿ ಮಾಡಿ ಮತ್ತು 'OTP ಪಡೆಯಿರಿ' ಆಯ್ಕೆ ಮೇಲೆ ಕ್ಲಿಕ್ ಮಾಡಿ.

ಹಂತ 9 : ನಂತರ OTP ಅನ್ನು ನಮೂದಿಸಿ ಮತ್ತು 'ಸಬ್‌ಮಿಟ್‌' ಆಯ್ಕೆ ಮೇಲೆ ಕ್ಲಿಕ್ ಮಾಡಿ. ಆಗ ನಿಮ್ಮ ಇಪಿಎಫ್ ಬ್ಯಾಲೆನ್ಸ್‌ನೊಂದಿಗೆ ಪಾಸ್‌ಬುಕ್ ಅನ್ನು ಸ್ಕ್ರೀನ್‌ ಮೇಲೆ ಕಾಣಿಸಲಾಗುತ್ತದೆ.