ಈ ತಂತ್ರಜ್ಞಾನವನ್ನು ಅಳವಡಿಸಿಕೊಂಡರೆ ಟೋಲ್‌ ಗೇಟ್‌ನಲ್ಲಿ ಹಣ ಕಟ್ಟದೆ ಪ್ರಯಾಣಿಸಬಹುದು..!

ಟೋಲ್ ಪಾವತಿಗೆ ಹೊಸ ತಂತ್ರ:

ವಾಹನದ ಮುಂಭಾಗದ ಗಾಜಿನ ಮೇಲೆ ಅಂಟಿಸುವ ಫಾಸ್ಟ್ಯಾಗ್ ಬಿಲ್ಲೆಗಳ ಮೂಲಕ ಎಲೆಕ್ಟ್ರಾನಿಕ್ ಟೋಲ್‍ಗಳಲ್ಲಿ ಕ್ಷಣ ಮಾತ್ರದಲ್ಲಿ ಟೋಲ್ ಶುಲ್ಕ ಪಾವತಿ ಸಾಧ್ಯವಾಗಿದೆ. ಟ್ಯಾಗ್ ಕೋಡ್ ಗಳನ್ನು ಟೋಲ್ ಗಳಲ್ಲಿ ಸ್ಕ್ಯಾನ್ ಮಾಡುವ ಮೂಲಕ ಹಣವನ್ನು ಸ್ವೀಕರಿಸುವ ವ್ಯವಸ್ಥೆ ಮಾಡಲಾಗುತ್ತಿದೆ.

ಹೇಗೆ ಕಾರ್ಯನಿರ್ವಹಿಸಲಿದೆ..?

ಟೋಲ್ ಪ್ರವೇಶದಲ್ಲಿ ಅಳವಡಿಸಿರುವ ಆರ್‍ಎಫ್‍ಐಡಿ ಸಿಗ್ನಲ್ ಸ್ಕ್ಯಾನರ್ ವಾಹನದ ಮುಂಭಾಗದ ಗಾಜಿನ ಮೇಲಿನ ಅಂಟಿಸಿರುವ ಫಾಸ್ಟ್ಯಾಗ್ ನ ನಿರ್ದಿಷ್ಟ ಸಂಖ್ಯೆಯನ್ನು ಗ್ರಹಿಸಿಕೊಳ್ಳುತ್ತದೆ. ಇದರಿಂದಾಗಿ ಹಣ ಪಾವತಿಯಾಗಿ ಗೇಟ್ ತಾನಾಗಿ ತೆರೆದುಕೊಳ್ಳುತ್ತದೆ. ಇದರಿಂದಾಗಿ ಟೋಲ್ ಗೇಟ್ ಕ್ಯೂನಲ್ಲಿ ನಿಲ್ಲಬೇಕಾಗಿಲ್ಲ.

ನೀವೇ ರಿಚಾರ್ಜ್ ಮಾಡಿಕೊಳ್ಳಬಹುದು:

ಹಲವು ಬ್ಯಾಂಕ್ ಹಾಗೂ ಪೇಟಿಎಂನಿಂದಲೂ ಫಾಸ್ಟ್ಯಾಗ್ ಪಡೆದು ಟೋಲ್ ಶುಲ್ಕ ಪಾವತಿಗೆ ರೀಚಾರ್ಜ್ ಮಾಡಿಸಿಕೊಳ್ಳಬಹುದು. ಟ್ಯಾಗ್‍ ವಿಶಿಷ್ಟ ಗುರುತು ಸಂಖ್ಯೆಯೊಂದಿಗೆ ಖಾತೆಯ ಮಾಹಿತಿ ಸಂಪರ್ಕಿಸುವುದರಿಂದ ಟೋಲ್‍ಗಳಲ್ಲಿ ತಾನಾಗಿಯೇ ನಿಗದಿತ ಮೊತ್ತ ಕಡಿತಗೊಂಡು ಸಂಚಾರಕ್ಕೆ ಅವಕಾಶ ಸಿಗುತ್ತದೆ. ಈ ಮೂಲಕ ಟೋಲ್ ಶುಲ್ಕ ಪಾವತಿಸಿದರೆ ಶೇ 7.5ರಷ್ಟು ಹಣ ಮರುಪಾವತಿಯನ್ನು ಪಡೆಯಬಹುದಾಗಿದೆ.

ಫಾಸ್ಟ್ಯಾಗ್ ಅಳವಡಿಕೆ ಕಡ್ಡಾಯ:

ಡಿಸೆಂಬರ್ 1ರಿಂದ ಮಾರಾಟವಾಗುವ ಎಲ್ಲ ನಾಲ್ಕು ಚಕ್ರ ವಾಹನಗಳಿಗೆ ಫಾಸ್ಟ್ಯಾಗ್ ಅಳವಡಿಸುವುದನ್ನು ಕೇಂದ್ರ ರಸ್ತೆ ಸಾರಿಗೆ ಮತ್ತು ಹೆದ್ದಾರಿ ಸಚಿವಾಲಯ ಕಡ್ಡಾಯಗೊಳಿಸಿದೆ. ಇದರಿಂದ ಟೋಲ್ ಗೇಟ್ ಗಳಲ್ಲಿ ವಾಹನಗಳು ಸಾಲುಗಟ್ಟಿ ಕಾಯುವುದನ್ನು ಫಾಸ್ಟ್ಯಾಗ್‍ನಿಂದ ತಪ್ಪಿಸಬಹುದಾಗಿದೆ.