ಫೈರ್ ಬೋಲ್ಟ್ ನಿಂದ ಹೊಸ ಸ್ಮಾರ್ಟ್‌ವಾಚ್ ಲಾಂಚ್‌,9 ದಿನಗಳ ಬ್ಯಾಟರಿ ಬ್ಯಾಕಪ್‌, ಬೆರಗುಗೊಳಿಸುವ ಶೈಲಿ!

ಸ್ಮಾರ್ಟ್‌ವಾಚ್‌ಗಳ ವಿಭಾಗದಲ್ಲಿ ಹಲವಾರು ವಾಚ್‌ಗಳು ಮಾರುಕಟ್ಟೆಯಲ್ಲಿ ಸದ್ದು ಮಾಡುತ್ತವೆ. ಈ ನಡುವೆ ಹೊಸ ಹೊಸ ಸ್ಮಾರ್ಟ್‌ವಾಚ್‌ಗಳು ಸಹ ಸುಧಾರಿತ ಫೀಚರ್ಸ್‌ನೊಂದಿಗೆ ಕಾಣಿಸಿಕೊಳ್ಳುತ್ತಿದ್ದು, ಈ ಮೂಲಕ ಗ್ರಾಹಕರ ಅಗತ್ಯಗಳನ್ನು ಪೂರೈಸಲಾಗುತ್ತಿದೆ. ಈ ನಡುವೆ ಸ್ಮಾರ್ಟ್‌ವಾಚ್‌ ತಯಾರಿಕಾ ಕಂಪೆನಿ ಆಗಿರುವ ಫೈರ್ ಬೋಲ್ಟ್ ಮತ್ತೊಂದು ವಾಚ್‌ ಅನ್ನು ಅನಾವರಣ ಮಾಡಿದೆ.

ಹೌದು, ಫೈರ್ ಬೋಲ್ಟ್‌ನಿಂದ ಫೈರ್ ಬೋಲ್ಟ್ ಸೋಲಾರಿಸ್ ಸ್ಮಾರ್ಟ್‌ವಾಚ್ ಅನ್ನು ಲಾಂಚ್ ಮಾಡಲಾಗಿದೆ. ಈ ಸ್ಮಾರ್ಟ್‌ವಾಚ್‌ ಅಮೋಲೆಡ್‌ ಡಿಸ್‌ಪ್ಲೇ ಆಯ್ಕೆ ಪಡೆದುಕೊಂಡಿದ್ದು, ಬ್ಲೂಟೂತ್ ಕರೆ, ಹೆಲ್ತ್ ಮಾನಿಟರ್‌ಗಳು ಸೇರಿದಂತೆ ಅನೇಕ ಆಕರ್ಷಕ ಫೀಚರ್ಸ್‌ ಅನ್ನು ಹೊಂದಿದೆ. ಹಾಗಿದ್ರೆ, ಈ ವಾಚ್‌ನ ಫೀಚರ್ಸ್‌ಗಳ ಪ್ರಮುಖ ವಿವರ ಹಾಗೂ ಭಾರತದಲ್ಲಿ ಈ ವಾಚ್‌ನ ಬೆಲೆ ಎಷ್ಟು ಎಂಬಿತ್ಯಾದಿ ಮಾಹಿತಿಯನ್ನು ಈ ಲೇಖನದಲ್ಲಿ ತಿಳಿಸಿಕೊಡಲಾಗಿದೆ ಓದಿರಿ.

ಫೈರ್ -ಬೋಲ್ಟ್ ಸೋಲಾರಿಸ್ ಡಿಸ್‌ಪ್ಲೆ ವಿವರ: ಈ ಫೈರ್-ಬೋಲ್ಟ್ ಸ್ಮಾರ್ಟ್‌ವಾಚ್‌ ಸ್ಟೇನ್‌ಲೆಸ್ ಸ್ಟೀಲ್ ಬಾಡಿ ಹೊಂದಿದ್ದು, ಈ ಮೂಲಕ ಪ್ರೀಮಿಯಂ ನೋಟ ಪಡೆದುಕೊಂಡಿದೆ. ಇದರ ಜೊತೆಗೆ 1.78 ಇಂಚಿನ ಅಮೋಲೆಡ್‌ ಡಿಸ್‌ಪ್ಲೇ ಆಯ್ಕೆ ಪಡೆದುಕೊಂಡಿದ್ದು, ಈ ಡಿಸ್ಪ್ಲೇ 368 x 448 ಪಿಕ್ಸೆಲ್‌ ಸ್ಕ್ರೀನ್‌ ರೆಸಲ್ಯೂಶನ್‌ ಸಾಮರ್ಥ್ಯ ಹೊಂದಿದೆ. ಇದರೊಂದಿಗೆ 100+ ಕ್ಲೌಡ್ ಆಧಾರಿತ ವಾಚ್ ಫೇಸ್‌ ಆಯ್ಕೆ ಸಹ ಈ ವಾಚ್‌ನಲ್ಲಿದೆ.

ಫೈರ್ -ಬೋಲ್ಟ್ ಸೋಲಾರಿಸ್ ಫೀಚರ್ಸ್‌: ಉಳಿದಂತೆ ಈ ಸ್ಮಾರ್ಟ್‌ವಾಚ್‌ ಬ್ಲೂಟೂತ್ ಕಾಲಿಂಗ್ ಸೌಲಭ್ಯ ಹೊಂದಿದೆ. ಹಾಗೆಯೇ ಇನ್‌ಬಿಲ್ಟ್‌ ಮೈಕ್ ಮತ್ತು ಸ್ಪೀಕರ್ ಆಯ್ಕೆ ಪಡೆದುಕೊಂಡಿದ್ದು, ಇದು ಕರೆ ಹಿಸ್ಟ್ರಿ, ತ್ವರಿತ ಡಯಲ್ ಪ್ಯಾಡ್ ಮತ್ತು ಸಿಂಕ್ ಸಂಪರ್ಕಗಳನ್ನು ಸಹ ಬೆಂಬಲಿಸುತ್ತದೆ. ಇದರೊಂದಿಗೆ 123+ ಸ್ಪೋರ್ಟ್ಸ್‌ ಮೋಡ್‌, ಜಾಗಿಂಗ್, ಈಜು, ಸ್ಕೇಟಿಂಗ್ ಸೇರಿದಂತೆ ಪ್ರಮುಖ ಮೋಡ್‌ ಆಯ್ಕೆ ಇದರಲ್ಲಿದೆ.

ಇಷ್ಟೇ ಅಲ್ಲದೆ ವಾಯ್ಸ್‌ ಅಸಿಸ್ಟೆಂಟ್‌ಗೂ ಸಹ ಬೆಂಬಲ ನೀಡಲಿದ್ದು, ಸ್ಲೀಪಿಂಗ್ ಮಾನಿಟರ್, SpO2 ಮಾನಿಟರ್, ಹೃದಯ ಬಡಿತ ಟ್ರ್ಯಾಕಿಂಗ್ ಸೇರಿದಂತೆ ಮಹಿಳೆಯರ ಆರೋಗ್ಯ ಸಂಬಂಧಿ ಮಾಹಿತಿಗಳನ್ನು ಈ ಸ್ಮಾರ್ಟ್‌ವಾಚ್‌ ಮಾನಿಟರ್ ಮಾಡಲಾಗಿದೆ. ಹಾಗೆಯೇ ಯಾವಾಗ ನೀರು ಕುಡಿಯಬೇಕು ಮತ್ತು ಯಾವಾಗ ವಿಶ್ರಾಂತಿ ಪಡೆಯಬೇಕು ಎಂಬ ಅಗತ್ಯ ಮಾಹಿತಿಯನ್ನು ಈ ವಾಚ್‌ ನೀಡಲಿದೆ.

ಉಳಿದಂತೆ ಈ ಸ್ಮಾರ್ಟ್‌ವಾಚ್‌ ನೋಟಿಫಿಕೇಶನ್‌ಗೆ‌ ಬೆಂಬಲ ಸಹ ಪಡೆದಿದ್ದು, ನಿಮ್ಮ ಫೋನ್‌ಗೆ ಬರುವ ಕರೆ ಹಾಗೂ ಎಸ್ಎಮ್‌ಎಸ್ ಮಾಹಿತಿಯನ್ನು ಸುಲಭವಾಗಿ ತಿಳಿದುಕೊಳ್ಳಬಹುದಾಗಿದೆ. ಅಲ್ಲದೆ, ಹವಾಮಾನ ನವೀಕರಣ, ಕ್ಯಾಲ್ಕುಲೇಟರ್, ಮ್ಯೂಸಿಕ್‌ ಮತ್ತು ಕ್ಯಾಮೆರಾ ಕಂಟ್ರೋಲ್‌, ಅಲಾರಂ, ಟೈಮರ್ ಮತ್ತು ಸ್ಟಾಪ್‌ವಾಚ್ ಆಯ್ಕೆಯನ್ನೂ ಸಹ ಈ ವಾಚ್‌ನಲ್ಲಿ ಕಾಣಬಹುದಾಗಿದೆ.

ಫೈರ್ -ಬೋಲ್ಟ್ ಸೋಲಾರಿಸ್ ಬ್ಯಾಟರಿ ಸಾಮರ್ಥ್ಯ ಹಾಗೂ ಇತರೆ: ಈ ವಾಚ್‌ನ ಪ್ರಮುಖ ಫೀಚರ್ಸ್‌ ಏನೆಂದರೆ ದೀರ್ಘ ದಿನಗಳ ಬ್ಯಾಟರಿ ಬ್ಯಾಕಪ್‌. ಅಂದರೆ ಒಂದು ಪೂರ್ಣ ಚಾರ್ಜಿಂಗ್‌ನಲ್ಲಿ ಬಳಕೆದಾರರು 9 ದಿನಗಳ ಬ್ಯಾಕಪ್ ಪಡೆದುಕೊಳ್ಳಬಹುದಾಗಿದೆ. ಅಷ್ಟೇ ಅಲ್ಲದೆ ಈ ವಾಚ್ IP67 ರೇಟಿಂಗ್‌ ಹೊಂದಿದ್ದು, ಧೂಳು ಮತ್ತು ನೀರು ನಿರೋಧಕ ಆಯ್ಕೆ ಪಡೆದುಕೊಂಡಿದೆ.

ಫೈರ್ -ಬೋಲ್ಟ್ ಸೋಲಾರಿಸ್ ಬೆಲೆ ಹಾಗೂ ಲಭ್ಯತೆ: ಈ ಸ್ಮಾರ್ಟ್‌ವಾಚ್‌ 2,499 ರೂ. ಗಳ ಬೆಲೆ ಹೊಂದಿದ್ದು, ಈ ಬೆಲೆಯು ಪರಿಚಯಾತ್ಮಕ ಕೊಡುಗೆಯಾಗಿದೆ. ಆದರೆ ಮುಂದಿನ ದಿನಗಳಲ್ಲಿ ಬೆಲೆಯಲ್ಲಿ ಏರಿಕೆ ಆಗಬಹುದು ಎಂದು ಹೇಳಲಾಗುತ್ತಿದೆ. ಅಂತೆಯೇ ಕಾಪರ್ ಗ್ಲೋ, ಶಾಡೋ ಬ್ಲ್ಯಾಕ್ ಮತ್ತು ಸ್ಟರ್ಲಿಂಗ್ ಸಿಲ್ವರ್ ಎಂಬ ಮೂರು ಬಣ್ಣಗಳಲ್ಲಿ ಈ ವಾಚ್‌ ಕಾಣಿಸಿಕೊಂಡಿದೆ. ಇದನ್ನು ನೀವು ಅಮೆಜಾನ್‌ ಹಾಗೂ ಫೈರ್‌ಬೋಲ್ಟ್‌ನ ಅಧಿಕೃತ ಸೈಟ್‌ನಿಂದ ಖರೀದಿ ಮಾಡಬಹುದಾಗಿದೆ.