Flipkart: ಫ್ಲಿಪ್‌ಕಾರ್ಟ್ ಬಿಗ್ ಸೇವಿಂಗ್ ಡೇಸ್ ಸೇಲ್ ಮೇ 2024: ಪ್ರೀಮಿಯಂ ಫೋನ್‌ಗಳಿಗೆ ಆಫರ್

ಫ್ಲಿಪ್‌ಕಾರ್ಟ್ (Flipkart) ಆಗಾಗ್ಗೆ ವಿಶೇಷ ಸೇಲ್‌ ಆಯೋಜನೆ ಮಾಡುವ ಮೂಲಕ ಸ್ಮಾರ್ಟ್‌ಫೋನ್‌ ಖರೀದಿ ಮಾಡುವವರ ಮುಖದಲ್ಲಿ ಸಂತಸ ಉಂಟು ಮಾಡುತ್ತಿರುತ್ತದೆ. ಅದರಂತೆ ಈಗ ಪ್ರೀಮಿಯಂ ಸ್ಮಾರ್ಟ್‌ಫೋನ್‌ಗಳ ಮೇಲೆ ಭರ್ಜರಿ ಆಫರ್ ನೀಡುವ ಫ್ಲಿಪ್‌ಕಾರ್ಟ್ ಬಿಗ್ ಸೇವಿಂಗ್ ಡೇಸ್ ಸೇಲ್ ಮೇ 2024 (Flipkart Big Savings Days Sale May 2024) ಅನ್ನು ಘೋಷಣೆ ಮಾಡಿದೆ.

ಹೌದು, ಫ್ಲಿಪ್‌ಕಾರ್ಟ್ ಬಿಗ್ ಸೇವಿಂಗ್ ಡೇಸ್ ಸೇಲ್ ಮೇ 2024 ಅನ್ನು ಘೋಷಣೆ ಮಾಡಿದ್ದು, ಈ ಸೇಲ್‌ನಲ್ಲಿ ಆಪಲ್‌, ಸ್ಯಾಮ್‌ಸಂಗ್‌, ಮೊಟೊರೊಲಾ (Apple, Samsung, Motorola) ಸೇರಿದಂತೆ ಇತರೆ ಬ್ರ್ಯಾಂಡ್‌ ಫೋನ್‌ಗಳನ್ನು ಭಾರೀ ಆಫರ್ ಬೆಲೆಗೆ ಖರೀದಿ ಮಾಡಬಹುದಾಗಿದೆ. ನೀವು ಪ್ರೀಮಿಯಂ ಅಥವಾ ಮಿಡ್‌ ರೇಂಜ್ ಫೋನ್ ಖರೀದಿಸಲು ಯೋಜಿಸುತ್ತಿದ್ದರೆ, ಬಹುಶಃ ಇದು ನಿಮಗೆ ಸರಿಯಾದ ಸಮಯ. ಹಾಗಿದ್ರೆ, ಯಾವೆಲ್ಲಾ ಫೋನ್‌ಗಳಿಗೆ ಏನೆಲ್ಲಾ ಆಫರ್ ಇದೆ ಬನ್ನಿ ನೋಡೋಣ.

ಫ್ಲಿಪ್‌ಕಾರ್ಟ್ ಬಿಗ್ ಸೇವಿಂಗ್ ಡೇಸ್ ಸೇಲ್ ಮೇ 2024: ಬಿಗ್ ಸೇವಿಂಗ್ ಡೇಸ್ ಸೇಲ್ ಮೇ 3 ರಿಂದ ಲೈವ್ ಆಗಲಿದ್ದು, ಮೇ 9 ಕ್ಕೆ ಮುಕ್ತಾಯವಾಗಲಿದೆ. ಫ್ಲಿಪ್‌ಕಾರ್ಟ್ ಈಗಾಗಲೇ ಐಫೋನ್ 15, ಸ್ಯಾಮ್‌ಸಂಗ್ ಗ್ಯಾಲಕ್ಸಿ ಎಸ್ 23 FE, ಗ್ಯಾಲಕ್ಸಿ S 23 (iPhone 15, Samsung Galaxy S23 FE, Galaxy S23) ಮತ್ತು ಮುಂತಾದ ಹಲವಾರು ಸ್ಮಾರ್ಟ್‌ಫೋನ್‌ಗಳಿಗೆ ರಿಯಾಯಿತಿ ಬೆಲೆಯನ್ನು ಲೇವಡಿ ಮಾಡಲು ಪ್ರಾರಂಭಿಸಿದೆ.

ಹೆಚ್ಚುವರಿಯಾಗಿ, ಎಕ್ಸ್‌ಚೇಂಜ್ ಆಫರ್, ನೋ-ಕಾಸ್ಟ್ ಇಎಂಐ ಆಯ್ಕೆ ಮತ್ತು ಫ್ಲಿಪ್‌ಕಾರ್ಟ್ ಆಕ್ಸಿಸ್ ಬ್ಯಾಂಕ್ ಕ್ರೆಡಿಟ್ ಕಾರ್ಡ್ ವ್ಯವಹಾರದ ಮೇಲೆ ಶೇಕಡಾ 10 ರಷ್ಟು ರಿಯಾಯಿತಿ ಸಹ ಇರಲಿದೆ. ಸೇಲ್‌ ಸಮಯದಲ್ಲಿ ಭಾರೀ ರಿಯಾಯಿತಿಯೊಂದಿಗೆ ಖರೀದಿಸಬಹುದಾದ ಕೆಲವು ಪ್ರೀಮಿಯಂ ಸ್ಮಾರ್ಟ್‌ಫೋನ್‌ಗಳನ್ನು ಇಲ್ಲಿ ಕಾಣಬಹುದಾಗಿದೆ.

ಐಫೋನ್ 15: ಫ್ಲಿಪ್‌ಕಾರ್ಟ್ ಬಿಗ್ ಸೇವಿಂಗ್ ಡೇಸ್ ಸೇಲ್ ಸಮಯದಲ್ಲಿ, ಐಫೋನ್ 15 ಅನ್ನೂ ಸಹ ಆಫರ್ ಬೆಲೆಗೆ ಖರೀದಿ ಮಾಡಬಹುದಾಗಿದೆ. ಫ್ಲಿಪ್‌ಕಾರ್ಟ್ ಇದನ್ನು ಐಫೋನ್‌ನಲ್ಲಿ ಜಾವ್-ಡ್ರಾಪಿಂಗ್ ಡೀಲ್ ಎಂದು ಹೆಸರಿಸಿ ಆಫರ್ ಬಗ್ಗೆ ಲೇವಡಿ ಮಾಡುತ್ತಿದೆ. ಆದರೆ ಈ ಫೋನ್‌ಗೆ ಎಷ್ಟು ರಿಯಾಯಿತಿ ಅನ್ನೋದನ್ನು ಮಾತ್ರ ನಿಖರವಾಗಿ ತಿಳಿಸಿಲ್ಲ. ಅದಾಗ್ಯೂ ಐಫೋನ್ 15 ಜೊತೆಗೆ, ಐಫೋನ್ 14 ಮತ್ತು ಐಫೋನ್ 13 ನಂತಹ ಇತರ ಮಾದರಿಗಳು ಸಹ ಬೆಲೆ ಈ ಸೇಲ್‌ನಲ್ಲಿ ಆಫರ್ ಬೆಲೆಗೆ ಲಭ್ಯ ಇರಲಿವೆ ಎಂದು ತಿಳಿದುಬಂದಿದೆ.

ಸ್ಯಾಮ್‌ಸಂಗ್‌ ಗ್ಯಾಲಕ್ಸಿ S23: ಈ ವಿಶೇಷ ಸೇಲ್‌ನಲ್ಲಿ ಸ್ಯಾಮ್‌ಸಂಗ್‌ ಗ್ಯಾಲಕ್ಸಿ S23 ರಿಯಾಯಿತಿ ದರದಲ್ಲಿ ಲಭ್ಯವಿರುತ್ತದೆ. ಸ್ಯಾಮ್‌ಸಂಗ್‌ ಗ್ಯಾಲಕ್ಸಿ S23 ಗಾಗಿ ಡೀಲ್ ಇಂದು (ಏಪ್ರಿಲ್ 27) 6PM IST ಕ್ಕೆ ಅನಾವರಣಗೊಳ್ಳಲಿದೆ. ಮುಂದಿನ ಜನ್ ಗ್ಯಾಲಕ್ಸಿ S24 ಅನ್ನು ಖರೀದಿಸಲು ನೀವು ದೊಡ್ಡ ಮೊತ್ತವನ್ನು ಖರ್ಚು ಮಾಡಲು ಬಯಸದಿದ್ದರೆ, ಗ್ಯಾಲಕ್ಸಿ S23 ಖರೀದಿ ಮಾಡಲು ಯೋಗ್ಯವಾಗಿರುತ್ತದೆ. ಈ ಫೋನ್ ಒನ್‌ UI 6.1 ನವೀಕರಣದೊಂದಿಗೆ, ಹಲವಾರು ಎಐ ಫೀಚರ್ಸ್ ಪಡೆದಿದೆ.

ಸ್ಯಾಮ್‌ಸಂಗ್‌ ಗ್ಯಾಲಕ್ಸಿ S23 FE: ಫ್ಲಿಪ್‌ಕಾರ್ಟ್ ಟೀಸರ್‌ನಲ್ಲಿ ಗ್ಯಾಲಕ್ಸಿ S23 FE ಬೆಲೆ ರೂ 3???9 ಎಂದು ಸುಳಿವು ನೀಡಿದೆ ಇದರರ್ಥ ಫೋನ್ ಮೂಲ 8GB/128GB ಸ್ಟೋರೇಜ್‌ ವೇರಿಯಂಟ್‌ಗೆ 39,999 ರೂ.ಗಳ ಆರಂಭಿಕ ಬೆಲೆ ನಿಗದಿ ಮಾಡಲಾಗಿದೆ. ಗ್ರಾಹಕರು ಈ ಫೋನ್‌ ಖರೀದಿ ಮಾಡುವಾಗ ವಿನಿಮಯ ಆಫರ್ ಅನ್ನೂ ಸಹ ಪಡೆಯಬಹುದು ಎಂದು ತಿಳಿಸಲಾಗಿದೆ.

ನಥಿಂಗ್ ಫೋನ್ (2a): ನಥಿಂಗ್ ಫೋನ್ (2a) ಮಧ್ಯಮ ಶ್ರೇಣಿಯ ವರ್ಗದಲ್ಲಿ ಬರುತ್ತದ. ಆದಾಗ್ಯೂ, ಅದರ ವಿನ್ಯಾಸ, ಕಸ್ಟಮ್ ಮೀಡಿಯಾ ಟೆಕ್ ಡೈಮೆನ್ಸಿಟಿ 7200 ಪ್ರೊ ಪ್ರೊಸೆಸರ್‌, ಮತ್ತು 26 ಪ್ರತ್ಯೇಕವಾಗಿ ಅಡ್ರೆಸ್‌ ಮಾಡಬಹುದಾದ ವಲಯಗಳೊಂದಿಗೆ ಗ್ಲಿಫ್ ಇಂಟರ್ಫೇಸ್ ಇದಕ್ಕೆ ಪ್ರೀಮಿಯಂ ಟ್ಯಾಗ್ ಅನ್ನು ನೀಡುತ್ತದೆ. ಫ್ಲಿಪ್‌ಕಾರ್ಟ್ ಬಿಗ್ ಸೇವಿಂಗ್ ಡೇಸ್ ಸೇಲ್ ಸಮಯದಲ್ಲಿ ಫೋನ್ (2a) ಸಹ ರಿಯಾಯಿತಿಯನ್ನು ಪಡೆಯುವ ನಿರೀಕ್ಷೆಯಿದೆ.

ಮೊಟೊರೊಲಾ ಎಡ್ಜ್‌ 50 ಪ್ರೊ: ಹೊಸದಾಗಿ ಲಾಂಚ್‌ ಆದ ಈ ಫೋನ್‌ ಸಹ ಬೆಲೆ ಕಡಿತಕ್ಕೆ ಸಾಕ್ಷಿಯಾಗಲಿದೆ. ಈ ಫೋನ್ ಈ ಸದ್ಯಕ್ಕೆ 31,999 ರೂ.ಗಳಿಗೆ ಲಭ್ಯವಿದೆ. ಆದಾಗ್ಯೂ, ಎಲ್ಲಾ ಬ್ಯಾಂಕ್ ಕೊಡುಗೆಗಳನ್ನು ಒಳಗೊಂಡಂತೆ ಫೋನ್ ಅನ್ನು ಸುಮಾರು 25,000 ರೂ.ಗಳಲ್ಲಿ ಖರೀದಿಸಬಹುದು ಎಂದು ತಿಳಿದುಬಂದಿದೆ. ಆದಾಗ್ಯೂ, ಬೆಲೆಯಲ್ಲಿ ಬದಲಾವಣೆಗಳನ್ನು ಕಾಣಬಹುದಾಗಿದೆ.