ಸ್ಮಾರ್ಟ್‌ಫೋನ್ ಕಾರ್ನಿವಲ್ ಸೇಲ್: ರಿಯಲ್‌ಮಿ ಫೋನ್‌ಗಳಿಗೆ ದೊಡ್ಡ ಮೊತ್ತದ ಡಿಸ್ಕೌಂಟ್‌!

ಹೌದು, ಫ್ಲಿಪ್‌ಕಾರ್ಟ್‌ ಇ-ಕಾಮರ್ಸ್‌ ತಾಣವು ಸ್ಮಾರ್ಟ್‌ಫೋನ್ ಕಾರ್ನಿವಲ್ ಸೇಲ್‌ ಆರಂಭಿಸಿದ್ದು, ಐದು ದಿನಗಳ ಈ ಸೇಲ್ ಇದೇ ಮಾರ್ಚ್ 8ರಿಂದ ಶುರುವಾಗಿದೆ. ಫ್ಲಿಪ್‌ಕಾರ್ಟ್‌ ಮತ್ತು ರಿಯಲ್‌ಮಿ ಅಧಿಕೃತ ವೆಬ್‌ಸೈಟ್‌ನಲ್ಲಿ ಸದ್ಯ 'ಸ್ಮಾರ್ಟ್‌ಫೋನ್ ಕಾರ್ನಿವಲ್' ಸೇಲ್‌ ಮೇಳವು ಚಾಲ್ತಿ ಇದ್ದು, ಇದೇ ಮಾರ್ಚ್ 12ರಂದು ಈ ಸೇಲ್ ಮುಕ್ತಾಯವಾಗಲಿದೆ. ಹಾಗಾದರೇ ಈ ಸೇಲ್‌ ಮೇಳದಲ್ಲಿ ಯಾವೆಲ್ಲಾ ರಿಯಲ್‌ಮಿ ಸ್ಮಾರ್ಟ್‌ಫೋನ್‌ಗಳು ಡಿಸ್ಕೌಂಟ್‌ನಲ್ಲಿ ಕಾಣಿಸಿಕೊಂಡಿವೆ ಎಂಬುದನ್ನು ಮುಂದೆ ನೋಡೋಣ ಬನ್ನಿರಿ.

ಈ ಸೇಲ್‌ ಮೇಳದಲ್ಲಿ ಗ್ರಾಹಕರು ಕಂಪನಿಯ ಜನಪ್ರಿಯ ರಿಯಲ್‌ಮಿ ಎಕ್ಸ್ 7 ಪ್ರೊ 5G, ರಿಯಲ್‌ಮಿ ನಾರ್ಜೊ 30 ಪ್ರೊ 5G, ರಿಯಲ್‌ಮಿ 7, ರಿಯಲ್‌ಮಿ 7 ಪ್ರೊ, ರಿಯಲ್‌ಮಿ ನಾರ್ಜೊ 20 ಪ್ರೊ, ರಿಯಲ್‌ಮಿ 5 ಪ್ರೊ, ರಿಯಲ್‌ಮಿ ಸಿ 15, ರಿಯಲ್‌ಮಿ ಎಕ್ಸ್ 50 ಪ್ರೊ 5G ಮತ್ತು ರಿಯಲ್‌ಮಿ ನಾರ್ಜೊ 30ಎ ಸೇರಿದಂತೆ ಇತರ ಉತ್ಪನ್ನಗಳ ಮೇಲೂ ಆಕರ್ಷಕ ಕೊಡುಗೆಗಳನ್ನು ಪಡೆಯಬಹುದು.

ರಿಯಲ್‌ಮಿ ಎಕ್ಸ್‌ 50 ಪ್ರೊ 5G ಸ್ಮಾರ್ಟ್‌ಫೋನ್‌ 10,000ರೂ, ರಿಯಾಯಿತಿ. ರಿಯಲ್‌ಮಿ ಎಕ್ಸ್ 3 ಸೂಪರ್‌ಜೂಮ್ ಫೋನ್‌ 5,000ರೂ. ಡಿಸ್ಕೌಂಟ್‌ ದರದಲ್ಲಿ ಕಾಣಿಸಿಕೊಂಡಿವೆ. ಹಾಗೆಯೇ ರಿಯಲ್‌ಮಿ ಎಕ್ಸ್ 3 ಫೋನ್ 3000ರೂ. ರಿಯಾಯಿತಿ ಪಡೆದಿದ್ದು, ರಿಯಲ್‌ಮಿ 5 ಪ್ರೊ, ರಿಯಲ್‌ಮಿ 6 ಮತ್ತು ರಿಯಲ್‌ಮಿ 6 ಪ್ರೊ ಸ್ಮಾರ್ಟ್‌ಫೋನ್‌ಗಳು ಕ್ರಮವಾಗಿ 2000ರೂ.ಗಳ ರಿಯಾಯಿತಿ ಕೊಡುಗೆಯನ್ನು ಪಡೆದಿವೆ. ಅದೇ ರೀತಿ ರಿಯಲ್‌ಮಿ ನಾರ್ಜೊ 20 ಪ್ರೊ, ರಿಯಲ್‌ಮಿ ಸಿ 15, ರಿಯಲ್‌ಮಿ 7 ಪ್ರೊ ಮತ್ತು ರಿಯಲ್‌ಮಿ ಸಿ3 ಫೋನ್‌ಗಳು ಕ್ರಮವಾಗಿ 1000ರೂ. ರಿಯಾಯಿತಿಯಲ್ಲಿ ಕಾಣಿಸಿಕೊಂಡಿವೆ.

ಆಕ್ಸಿಸ್ ಬ್ಯಾಂಕ್ ಕ್ರೆಡಿಟ್ ಕಾರ್ಡ್ ಮತ್ತು ಡೆಬಿಟ್ ಕಾರ್ಡ್ ಕೊಡುಗೆಗಳು ಫ್ಲಿಪ್‌ಕಾರ್ಟ್‌ನಲ್ಲಿ ಮಾತ್ರ ಲಭ್ಯವಿರುತ್ತವೆ. ಗ್ರಾಹಕರು 20,000ರೂ.ಗಳಿಂತ ಹೆಚ್ಚಿನ ಮೊತ್ತದ ಸ್ಮಾರ್ಟ್‌ಫೋನ್‌ ಖರೀದಿಸಿದರೇ ಸುಮಾರು 1,250ರೂ.ಗಳ ವರೆಗೂ ಡಿಸ್ಕೌಂಟ್‌ ಲಭ್ಯವಾಗಲಿದೆ. ಹಾಗೆಯೇ 12,500ರೂ. ದಿಂದ 20,000ರೂ. ವರೆಗಿನ ದರದಲ್ಲಿ ಸ್ಮಾರ್ಟ್‌ಫೋನ್‌ ಖರೀದಿಸಿದರೇ ಸುಮಾರು 1,000ರೂ. ರಿಯಾಯಿತಿ ಲಭ್ಯವಾಗಲಿದೆ. ಇನ್ನು 12,500ರೂ. ಒಳಗಿನ ಫೋನ್ ಖರೀದಿಸಿದರೇ ಸುಮಾರು 750ರೂ.ಗಳ ಡಿಸ್ಕೌಂಟ್‌ ಲಭ್ಯ.