ಎಲ್ಲರೂ ನೀರಿನೊಳಗೆ ಚಲಿಸುವ ಬುಲೆಟ್ ರೈಲಿನಲ್ಲಿ ಹೋಗಲು ರೆಡಿಯಾಗಿ

ಬುಲೆಟ್‌ ರೈಲು

ಟೆಕ್ನಾಲಜಿಯಿಂದ ಇದು ಸಾಧ್ಯ. ಭಾರತ ಮುಂಬರುವ ದಿನಗಳಲ್ಲಿ ಕೇವಲ ಮೊಟ್ಟ ಮೊದಲ ಬುಲೆಟ್‌ ರೈಲನ್ನು ಮಾತ್ರ ಓಡಿಸುತ್ತಿಲ್ಲ. ಅದು ನೀರಿನೊಳಗಿನ ಸುರಂಗ ಮಾರ್ಗದಲ್ಲಿ ಓಡಲಿದೆ. ಹಾಗೆ ಒಮ್ಮೆ ಕಲ್ಪಿಸಿಕೊಳ್ಳಿ ಸಮುದ್ರವಿರುವ ಕಡೆಗಳಲೆಲ್ಲ ನೀರಿನೊಳಗಿನ ಸುರಂಗ ಮಾರ್ಗದಲ್ಲಿ ಪ್ರಯಾಣ ಮಾಡುತ್ತಿದ್ರೆ ಹೇಗಿರುತ್ತದೆ ಅಂತ.

ಮಾರ್ಗ ಯಾವುದು ಗೊತ್ತೇ?

ನೀರಿನೊಳಗೆ(underwater) ಚಲಿಸಲಿರುವ ಬುಲೆಟ್‌ ರೈಲಿನ ಮೊದಲ ಮಾರ್ಗ ಮುಂಬೈನಿಂದ ಅಹಮದಾಬಾದ್. ದೂರ 21 ಕಿಲೋ ಮೀಟರ್‌. ಠಾಣೆಯಿಂದ ವಿಹಾರದ ಮುಖಾಂತರ ಅಂಡರ್‌ವಾಟರ್‌ ರೈಲು ಕಾರಿಡಾರ್‌ನಲ್ಲಿ ಬುಲೆಟ್‌ ರೈಲು ಓಡಲಿದೆ. ಈ ಮಾರ್ಗವು ಅಂಡರ್‌ವಾಟರ್‌ ಸುರಂಗ ಪಡೆಯಲಿದೆ ಎಂದು "ಜಪಾನ್ ಅಂತಾರಾಷ್ಟ್ರೀಯ ಸಹಕಾರ ಏಜೆನ್ಸಿ (JICA )" ವರದಿಯಲ್ಲಿ ತಿಳಿಸಿದೆ.

ಬುಲೆಟ್‌ ರೈಲು ಕಾರಿಡಾರ್‌

ಬುಲೆಟ್‌ ರೈಲು ಕಾರಿಡಾರ್ "ನ್ಯಾಷನಲ್‌ ಹೈ-ಸ್ಪೀಡ್‌ ರೈಲ್‌ ಕಾರ್ಪೋರೇಶನ್‌ ಲಿಮಿಟೆಡ್" ಮತ್ತು "ಜಪಾನ್ ಅಂತಾರಾಷ್ಟ್ರೀಯ ಸಹಕಾರ ಏಜೆನ್ಸಿ (JICA )" ಜಂಟಿ ಪ್ರಯತ್ನದಿಂದ ನಿರ್ಮಾಣವಾಗಲಿದೆ.

ಅಂಡರ್‌ವಾಟರ್‌ ಬುಲೆಟರ್‌ ರೈಲು ಯೋಜನೆ ವೆಚ್ಚ

ಅಂದಹಾಗೆ ನೀರಿನನೊಳಗಿನ ಸುರಂಗ ಮಾರ್ಗದಲ್ಲಿ ಚಲಿಸಲಿರುವ ಬುಲೆಟ್ ರೈಲು ಯೋಜನೆಗೆ ರೂ.97,639 ಕೋಟಿ ವೆಚ್ಚವಾಗಲಿದೆಯಂತೆ. ಇದರ ಶೇಕಡ 81 ರಷ್ಟು ಹಣ ಜಪಾನ್‌ನಿಂದ ಸಾಲವಾಗಿ ದೊರೆಯಲಿದೆ. ಸಾಲ ಒಪ್ಪಂದದಲ್ಲಿ ಜಪಾನ್‌ ಸಿಗ್ನಲ್‌, ವಿದ್ಯುತ್‌ ವ್ಯವಸ್ಥೆ, ಮತ್ತು ಇತರೆ ಎಲ್ಲಾ ಉಪಕರಣಗಳನ್ನು ಜಪಾನ್‌ನಿಂದ ತರುವುದಾಗಿ ಹೇಳಲಾಗಿದೆ. ಈ ಒಪ್ಪಂದ ಈ ವರ್ಷದ ಕೊನೆಗೆ ಮುಗಿಯಲಿದ್ದು, 2018 ರ ಅಂತ್ಯದೊಳಗೆ ನಿರ್ಮಾಣ ಪ್ರಾರಂಭ ಮಾಡುವ ನಿರೀಕ್ಷೆ ಹೊಂದಲಾಗಿದೆ.

508 ಕಿಲೋ ಮೀಟರ್‌ ಅಂತರ

ಬುಲೆಟ್ ರೈಲಿನ ಉಪಯೋಗ ಏನು ಎಂಬುದು ಇನ್ನೂ ಎಷ್ಟೋ ಜನರಿಗೆ ಅರ್ಥವಾಗಿಲ್ಲ ಎನಿಸುತ್ತದೆ. ಅಂದಹಾಗೆ ಮುಂಬೈ ಮತ್ತು ಅಹಮದಾಬಾದ್‌ ನಡುವೆ ಇರುವ 508 ಕಿಲೋ ಮೀಟರ್ ದೂರವನ್ನು ಕೇವಲ 2 ಗಂಟೆ ಯೊಳಗೆ ನೀರಿನೊಳಗಿನ ಸುರಂಗ ಮಾರ್ಗದಲ್ಲಿ ಬುಲೆಟ್ ರೈಲಿನಲ್ಲಿ ತಲುಪಬಹುದು. ಇದರ ದೂರ ಕೇವಲ 21 ಕಿಲೋ ಮೀಟರ್‌.

ಬುಲೆಟ್‌ ರೈಲು ವೇಗ

ಬುಲೆಟ್ ರೈಲನ್ನು ಗರಿಷ್ಟ 350kph ನಲ್ಲಿ ಚಲಿಸಬಹುದಾಗಿದೆ. ಆದರೆ ಗರಿಷ್ಟ ವೇಗ 320kph ವೇಗದಲ್ಲಿ ಚಲಿಸಲಾಗುವುದು, ಪ್ರಯಾಣ ಸಮಯ 2 ಗಂಟೆ ಆಗಲಿದೆ.

ಭಾರತದ ಪ್ರಮುಖ ಹೆಜ್ಜೆ

ನೀರಿನೊಳಗಿನ ಸುರಂಗ ಮಾರ್ಗದ ಬುಲೆಟ್ ರೈಲು ಯೋಜನೆ ಭಾರತ ಮತ್ತು ರಾಷ್ಟ್ರೀಯ ಸಾರಿಗೆ ಉದ್ಯಮಕ್ಕೆ ಹೆಚ್ಚು ಉಪಯೋಗವಾಗಲಿದ್ದು, ದೊಡ್ಡ ಹೆಜ್ಜೆ ಆಗಿದೆ. ವಿದೇಶಾಂಗ ಸಚಿವಾಲಯ, ಆರ್ಥಿಕ ವ್ಯವಹಾರಗಳ ಇಲಾಖೆ ಕಾರ್ಯದರ್ಶಿಗಳು, ರೈಲ್ವೈ ಮಂಡಳಿಗಳೆಲ್ಲವೂ ಜಂಟಿ ಸಮಿತಿ ರಚನೆಯಿಂದ ಅತಿ ವೇಗವಾಗಿ ಈ ಯೋಜನೆ ಪೂರ್ಣಗೊಳಿಸುವ ಬಗ್ಗೆ ತೀರ್ಮಾನ ಕೈಗೊಂಡಿವೆ.