ಬಳಕೆದಾರರಿಗೆ ಮತ್ತೊಂದು ಉಪಯುಕ್ತ ಸೇವೆ ನೀಡಿದ 'ಗೂಗಲ್‌'!

ಸರ್ಚ್ ಇಂಜಿನ್ ದೈತ್ಯ ಗೂಗಲ್ ಸಂಸ್ಥೆಯು ತನ್ನ ಗೂಗಲ್‌ ಅಸಿಸ್ಟೆಂಟ್‌ಗಾಗಿ ಎರಡು ಹೊಸ ಧ್ವನಿಗಳನ್ನು ಸೇರಿಸುವುದಾಗಿ ಘೋಷಿಸಿದೆ. ನೂತನ ಎರಡು ಹೊಸ ಧ್ವನಿಗಳು ಲೈಮ್ ಮತ್ತು ಇಂಡಿಗೊ ಆವೃತ್ತಿಗಳಲ್ಲಿ ಬಳಕೆದಾರರಿಗೆ ಲಭ್ಯವಾಗಲಿದೆ. ಇನ್ನು ಈ ಸೇವೆ ಯುನೈಟೆಡ್ ಸ್ಟೇಟ್ಸ್ ಇಂಗ್ಲಿಷ್ ಬಳಕೆದಾರರಿಗೆ.

ಹೌದು, ಗೂಗಲ್ ಅಸಿಸ್ಟೆಂಟ್‌ ಧ್ವನಿ ಲೈಮ್ ಮತ್ತು ಇಂಡಿಗೋ ಆವೃತ್ತಿಗಳಲ್ಲಿ/ ಶೈಲಿಗಳನ್ನು ಲಭ್ಯವಾಗಲಿದೆ. ಆ ಪೈಕಿ ಲೈವ್ ಪುರುಷ ಧ್ವನಿಯಾಗಿದ್ದು, ಇಂಡಿಗೋ ಸ್ತ್ರೀ ಧ್ವನಿಯಾಗಿದೆ. ಇದು ಪ್ರಸ್ತುತ ಲಭ್ಯವಿರುವ ಹತ್ತು ಇತರ ಧ್ವನಿಗಳನ್ನು ಸೇರುತ್ತದೆ. ಅವುಗಳು ಧ್ವನಿಗಳೆಂದರೆ ರೆಡ್ (ಡೀಫಾಲ್ಟ್), ಆರೆಂಜ್, ಅಂಬರ್, ಗ್ರೀನ್, ಸಿಯಾನ್, ಬ್ಲೂ, ಪರ್ಪಲ್, ಪಿಂಕ್, ಬ್ರಿಟಿಷ್ ರೇಸಿಂಗ್ ಗ್ರೀನ್, ಮತ್ತು ಸಿಡ್ನಿ ಹಾರ್ಬರ್ ಬ್ಲೂ ಆಗಿವೆ.

ಗೂಗಲ್ ಅಸಿಸ್ಟೆಂಟ್‌ನ ಧ್ವನಿಯನ್ನು ಬದಲಾಯಿಸಲು, ಬಳಕೆದಾರರು 'ಹೇ ಗೂಗಲ್, ಚೇಂಜ್‌ ಯುವರ್ ವಾಯ್ಸ್‌' (Hey Google, change your voice) ಎಂದು ಹೇಳಬಹುದು. ಈ ಮಾತು ಫೋನ್, ಸ್ಮಾರ್ಟ್ ಸ್ಪೀಕರ್, ಸ್ಮಾರ್ಟ್ ಡಿಸ್‌ಪ್ಲೇ ಅಥವಾ ಬೇರೆಲ್ಲಿಯಾದರೂ ಕಾರ್ಯನಿರ್ವಹಿಸುತ್ತದೆ. ಆದಾಗ್ಯೂ, ಸ್ಮಾರ್ಟ್ ಸ್ಪೀಕರ್‌ಗಳು ಮತ್ತು ಸ್ಮಾರ್ಟ್ ಡಿಸ್‌ಪ್ಲೇ ಮೂಲಕ ಇದನ್ನು ಮಾಡುವುದು ಸಮಯ ತೆಗೆದುಕೊಳ್ಳುತ್ತದೆ ಏಕೆಂದರೆ ಬಳಕೆದಾರರು ಪ್ರತಿ ಧ್ವನಿಯನ್ನು ಪ್ರತ್ಯೇಕವಾಗಿ ಆಲಿಸಬೇಕಾಗುತ್ತದೆ ಮತ್ತು ಅಲ್ಲಿಂದ ಆರಿಸಬೇಕಾಗುತ್ತದೆ.

ಸ್ಮಾರ್ಟ್‌ಫೋನಿನಲ್ಲಿ, ಬಳಕೆದಾರರು ಪ್ರತಿ ಧ್ವನಿಯ ಮೂಲಕ ಸ್ಕ್ರಾಲ್ ಮಾಡಬಹುದು ಮತ್ತು ಅವರ ಆದ್ಯತೆಗೆ ಅನುಗುಣವಾಗಿ ಒಂದನ್ನು ಆಯ್ಕೆ ಮಾಡಬಹುದು. ಗೂಗಲ್ ಅಸಿಸ್ಟೆನ್ಸ್ ಪ್ರಸ್ತುತ 29 ಭಾಷೆಗಳಲ್ಲಿ ಮತ್ತು ಅನೇಕ ಭಾಷೆಗಳಲ್ಲಿ ಬಹು ಮಾತನಾಡುವ ಶೈಲಿಗಳಲ್ಲಿ ಲಭ್ಯವಿದೆ.

'ನಿಮ್ಮ ಪ್ರಸ್ತುತ ಆಯ್ಕೆಗಳಿಗೆ ಹೆಚ್ಚಿನ ವೈವಿಧ್ಯತೆಯನ್ನು ತರಲು ವಿನ್ಯಾಸಗೊಳಿಸಲಾದ ನಮ್ಮ ಯುಎಸ್‌ ಇಂಗ್ಲಿಷ್ ಧ್ವನಿಗಳ ಸಂಗ್ರಹಕ್ಕೆ ನಾವು ಎರಡು ಹೊಸ ಶೈಲಿಗಳನ್ನು ಸೇರಿಸಿದ್ದೇವೆ. ನಾವು ಅವರನ್ನು ಹುಡುಕುವುದನ್ನು ಸುಲಭಗೊಳಿಸಿದ್ದೇವೆ. ಹೇ ಗೂಗಲ್, ನಿಮ್ಮ ಧ್ವನಿಯನ್ನು ಬದಲಿಸಿ" ಎಂದು ಹೇಳಿ," ಗೂಗಲ್ ಬ್ಲಾಗ್ ಪೋಸ್ಟ್‌ನಲ್ಲಿ ವೈಯಕ್ತಿಕಗೊಳಿಸಿದ ಗೂಗಲ್‌ ಸಹಾಯಕಕ್ಕಾಗಿ ಮೂರು ಸಲಹೆಗಳನ್ನು ಹೈಲೈಟ್ ಮಾಡಿದೆ ಎಂದು ಹೇಳಿದೆ.

ಇತರೆ ಫೀಚರ್ಸ್‌ ಮಾಹಿತಿ:
ಬಳಕೆದಾರರ ಧ್ವನಿಯನ್ನು ಗುರುತಿಸಲು ಗೂಗಲ್‌ ಅಸಿಸ್ಟಂಟ್‌ಗೆ ವಾಯ್ಸ್ ಮ್ಯಾಚ್ (Voice Match) ಅನುಮತಿಸುತ್ತದೆ. ಜನರು ಮನೆಯಲ್ಲಿ ಹಂಚಿಕೊಳ್ಳುವ ಡಿವೈಸ್‌ಗಳಿಗೆ ಇದು ಸಹಾಯಕವಾಗಿದೆ. ಇದು ಬಳಕೆದಾರರಿಗೆ ತಮ್ಮ ಫೋನ್‌ನಲ್ಲಿ 'Ok Google' ಅನ್ನು ಬಳಸಲು ಅನುಮತಿಸುತ್ತದೆ.

ತಮ್ಮ ಧ್ವನಿ ಹೊಂದಾಣಿಕೆಯನ್ನು ಹೊಂದಿಸಲು, ಬಳಕೆದಾರರು ತಮ್ಮ ಫೋನ್‌ಗಳಲ್ಲಿ ಸಹಾಯಕ ಸೆಟ್ಟಿಂಗ್‌ಗಳಿಗೆ ಹೋಗಬಹುದು ಅಥವಾ ಇಯರ್‌ಬಡ್‌ಗಳು ಮತ್ತು ಸ್ಮಾರ್ಟ್ ಡಿಸ್‌ಪ್ಲೇಗಳಂತಹ ಅಸಿಸ್ಟೆಂಟ್‌ನೊಂದಿಗೆ ಕೆಲಸ ಮಾಡುವ ಸಾಧನಗಳಲ್ಲಿ ''ಓಕೆ ಗೂಗಲ್‌, ಧ್ವನಿ ಹೊಂದಾಣಿಕೆಯನ್ನು ಹೊಂದಿಸಿ'' (Hey Google, set up Voice Match) ಎಂದು ಹೇಳಬಹುದು.

ಪಿಕ್ಸೆಲ್ ವಾಚ್‌ನಲ್ಲಿ ಗೂಗಲ್ ಅಸಿಸ್ಟೆಂಟ್ ಸಕ್ರಿಯ ಮಾಡಲು ಹೀಗೆ ಮಾಡಿ:

* ನಿಮ್ಮ ಸ್ಮಾರ್ಟ್‌ವಾಚ್‌ನ ಡಿಸ್‌ಪ್ಲೇಯನ್ನು ಮೇಲಿನಿಂದ ಕೆಳಕ್ಕೆ ಸ್ವೈಪ್ ಮಾಡಿ ಹಾಗೆ ಅಲ್ಲಿ ಸಿಗುವ ಸೆಟ್ಟಿಂಗ್‌ ಬಟನ್‌ ಮೇಲೆ ಟ್ಯಾಪ್‌ ಮಾಡಿ.
* ಇದರಲ್ಲಿ ಗೂಗಲ್‌ ಆಯ್ಕೆ ಸಿಗುವ ವರೆಗೆ ಸ್ಕ್ರಾಲ್ ಮಾಡಿ
* ಇದಾದ ನಂತರ ನಿಮಗೆ ಅಸಿಸ್ಟೆಂಟ್‌ ಆಯ್ಕೆ ಸಿಗಲಿದೆ ಅದರ ಮೇಲೆ ಕ್ಲಿಕ್‌ ಮಾಡಿ.
* ಅಲ್ಲಿ ಗೆಟ್‌ ಸ್ಟಾರ್ಟೆಡ್‌ ಎಂಬ ಆಯ್ಕೆಯನ್ನು ಆರಿಸಿ
* ಇದಾದ ಬಳಿಕ ನಿಮ್ಮ ಬಳಿ ಇರುವ ಸ್ಮಾರ್ಟ್‌ಫೋನ್ ಓಪನ್‌ ಮಾಡಿ ಅಲ್ಲಿ ಕೆಳಗಿನ ಬಲ ಮೂಲೆಯಲ್ಲಿ ಕಾಣುವ ಸೆಟಪ್‌ ಮೇಲೆ ಟ್ಯಾಪ್‌ ಮಾಡಿ.
* ಬಳಿಕ ಅಲ್ಲಿ ನೀಡಲಾದ ಮಾಹಿತಿಯನ್ನು ಒಮ್ಮೆ ಓದಿಕೊಂಡು ಮೋರ್‌ಅನ್ನು ಟ್ಯಾಪ್ ಮಾಡಿ ಅಲ್ಲಿ ಕಂಡುಬರುವ ನಾನು ಒಪ್ಪುತ್ತೇನೆ (I agree) ಮೇಲೆ ಕ್ಲಿಕ್‌ ಮಾಡಿ.