ಗೂಗಲ್‌ ಮ್ಯಾಪ್‌ ಸೇರಿದ ಮೂರು ಪಬ್ಲಿಕ್‌ ಟ್ರಾನ್ಸ್‌ಫೋರ್ಟ್‌ ಫೀಚರ್ಸ್‌!

ಬಸ್ ಪ್ರಯಾಣದ ಸಮಯ

ಗೂಗಲ್‌ ಮ್ಯಾಪ್‌ನಲ್ಲಿ ಬಸ್‌ ಪ್ರಯಾಣದ ಸಮಯ ಆಯ್ಕೆ ಸೇರ್ಪಡೆ ಆಗಿದ್ದು, ಈ ಆಯ್ಕೆ ಮೂಲಕ ಬಳಕೆದಾರರು ಬಸ್‌ ನಿಗದಿತ ಸ್ಥಳ ತಲುಪಲು ಎಷ್ಟು ಸಮಯ ತೆಗೆದುಕೊಳ್ಳುತ್ತದೆ ಎಂಬುದನ್ನು ತಿಳಿಯಬಹುದು. ಚಲಿಸುವ ಮಾರ್ಗದಲ್ಲಿನ ಟ್ರಾಫಿಕ್‌ ಬಗ್ಗೆ ಮಾಹಿತಿ ಸೀಗಲಿದೆ. ಟ್ರಾಫಿಕ್‌ನಿಂದ ಪ್ರಯಾಣ ಅವಧಿಯಲ್ಲಿ ಎಷ್ಟು ವಿಳಂಬ ಆಗುತ್ತದೆ ಎನ್ನುವ ಮಾಹಿತಿ ಲಭ್ಯವಾಗಲಿದೆ.

ಲೈವ್‌ ಟ್ರೈನ್‌ ಸ್ಟೇಟಸ್

ಬಳಕೆದಾರರಿಗೆ ಗೂಗಲ್‌ ಮ್ಯಾಪ್‌ನಲ್ಲಿ ಇನ್ನು ಭಾರತೀಯ ಟ್ರೈನ್‌ಗಳ ಲೈವ್‌ ಸ್ಟೇಟಸ್‌ ಮಾಹಿತಿ ದೊರೆಯಲಿದ್ದು, ಟ್ರೈನ್‌ಗಳ ಆಗಮನದಲ್ಲಿನ ವಿಳಂಬ, ನಿಗದಿತ ಸ್ಥಳ ತಲಪುವ ಸಮಯ ಸೇರಿದಂತೆ ಒಟ್ಟಾರೆ ಟ್ರೈನ್‌ನ ರಿಯಲ್‌ ಟೈಮ್‌ ಲೈವ್‌ ಮಾಹಿತಿಗಳು ಲಭ್ಯ. ಗೂಗಲ್ ಮೈ ಟ್ರೈನ್‌ ಆಪ್‌ನ ಸಂಯೋಜನೆಯೊಂದಿಗೆ ಈ ಫೀಚರ್‌ ಅಭಿವೃದ್ದಿ ಮಾಡಿದೆ.

ಆಟೋ-ರಿಕ್ಷಾ ಮಾಹಿತಿ

ಗೂಗಲ್ ಮ್ಯಾಪ್‌ ಆಟೋ-ರಿಕ್ಷಾ ಮತ್ತು ಇತರೆ ಸಾರ್ವಜನಿಕ ಸಾರಿಗೆಗಳ ಸಂಯೋಜನೆ ಮಾಡಿದ್ದು, ಇವುಗಳ ಬಗ್ಗೆ ಬಳಕೆದಾರರಿಗೆ ಮಾಹಿತಿ ಸೀಗಲಿದೆ. ನಿಗದಿತ ಸ್ಥಳದಿಂದ ತಲುಪಬೇಕಿರುವ ಸ್ಥಳಕ್ಕೆ ಎಷ್ಟು ಸಮಯ ತೆಗೆದುಕೊಳ್ಳುತ್ತದೆ ಮತ್ತು ಯಾವ ನಿಲ್ದಾಣದಿಂದ ಆಟೋ ಲಭ್ಯತೆ ಸೂಚಿಸಲಿದೆ. ಹಾಗೆಯೇ ಅಂದಾಜು ಆಟೋ ಮೀಟರ್ ಎಷ್ಟಾಗಲಿದೆ ಎನ್ನುವುದನ್ನು ತಿಳಿಸುತ್ತದೆ.

10 ನಗರಗಳಲ್ಲಿ ಲಭ್ಯ

ಗೂಗಲ್‌ ಮ್ಯಾಪ್‌ನಲ್ಲಿ ಸೇರಿರುವ ಮೂರು ಹೊಸ ಫೀಚರ್ಸ್‌ಗಳು ಆರಂಭದಲ್ಲಿ ಭಾರತದಲ್ಲಿನ 10 ನಗರಗಳಲ್ಲಿನ ಬಳಕೆದಾರರಿಗೆ ಲಭ್ಯವಾಗಲಿದೆ ಎನ್ನಲಾಗಿದೆ. ಅವುಗಳೆಂದರೇ ದೆಹಲಿ, ಬೆಂಗಳೂರು, ಮುಂಬೈ, ಹೈದರಾಬಾದ್, ಪುಣೆ, ಲಕ್ನೋ, ಚೆನ್ನೈ, ಮೈಸೂರು, ಕೊಯಮತ್ತೂರು ಮತ್ತು ಸೂರತ್. ಈ ನಗರಗಳ ಬಳಕೆದಾರರು ಪ್ರಯಾಣ ಸಮಯದ ಲೈವ್‌ ಮಾಹಿತಿ ತಿಳಿಯಬಹುದು.