ಗೂಗಲ್‌ ಸ್ಟ್ರೀಟ್‌ ವ್ಯೂನಲ್ಲಿ ಸಿಇಆರ್‌ಎನ್ ಭೂತಳ ಪ್ರಯೋಗಾಲಯ

By Ashwath

Updated: Saturday, September 28, 2013, 13:16 [IST]

ಬ್ರಹ್ಮಾಂಡ ಹೇಗೆ ಸೃಷ್ಟಿಯಾಯಿತು ಎನ್ನುವ ಮಿಲಿಯನ್‌ ಡಾಲರ್‌ ಪ್ರಶ್ನೆಗೆ ಉತ್ತರ ನೀಡುವುದಕ್ಕಾಗಿ ಜಿನಿವಾದಲ್ಲಿ ಮಹಾಸ್ಫೋಟ (ಬಿಗ್‌ಬ್ಯಾಂಗ್)ವನ್ನು ನಡೆಸಿರುವುದನ್ನು ನೀವು ಈ ಹಿಂದೆ ಮಾಧ್ಯಮದಲ್ಲಿ ಓದಿರಬಹುದು.

ಫ್ರಾನ್ಸ್-ಸ್ವಿಜರ್ಲೆಂಡ್ ಗಡಿಯಲ್ಲಿ ವೃತ್ತಾಕಾರದಲ್ಲಿ 27 ಕಿ.ಮೀ. ಸುರಂಗಕೊರೆದು ಕೊಳವೆಯಲ್ಲಿ ಈ ಪ್ರಯೋಗ ನಡೆಸಿದ್ದರು.ನ್ಯೂಟ್ರಾನ್ ಗಳನ್ನು ಬೆಳಕಿನ ವೇಗದಲ್ಲಿ ಪ್ರತಿ ಸೆಕೆಂಡಿಗೆ 3 ಲಕ್ಷ ಕಿ.ಮೀ ವೇಗದಲ್ಲಿ ಚಲಿಸುವಂತೆ ಮಾಡಿ ಪರಸ್ಪರ ಡಿಕ್ಕಿ ಹೊಡೆಸಿ ಈ ಮಹಾಸ್ಫೋಟವನ್ನು ವಿಜ್ಞಾನಿಗಳು ನಡೆಸಿದ್ದರು. ಕಳೆದ ವರ್ಷದ ಜುಲೈನಲ್ಲಿ ಲಾರ್ಜ್ ಹಾಡ್ರನ್ ಕೊಲೈಡರ್ ಎಂಬ ಬೃಹತ್ ಉಪಕರಣದಿಂದ ಹೊರಡುವ ಕಣಗಳು ಅಯಸ್ಕಾಂತೀಯ ಕೊಳವೆ ಮಾರ್ಗದಲ್ಲಿ ಸಂಚರಿಸಿ,ಎರಡು ಮಾರ್ಗಗಳಲ್ಲಿ ಆಗಮಿಸುವ ಈ ಕಣಗಳ ನ್ಯೂಟ್ರಾನ್ ಗಳು ನಿಗದಿತ ಸ್ಥಳದಲ್ಲಿ ಡಿಕ್ಕಿ ಹೊಡೆಸಿ ಮಹಾಸ್ಟೋಟವನ್ನು ನಡೆಸಿ ದೇವಕಣದ ಇರುವಿಕೆಯ ಬಗ್ಗೆ ವಿಜ್ಞಾನಿಗಳು ಖಾತ್ರಿ ಪಡಿಸಿಕೊಂಡಿದ್ದರು.

ಈಗ ಈ ಮಹಾ ಸ್ಟೋಟ ನಡೆಸಿದ ಸ್ಥಳ ಸುದ್ದಿಯಲ್ಲಿದೆ.ಈ ಮಹಾಸ್ಟೋಟದ ಸ್ಥಳ ಐರೋಪ್ಯ ಪರಮಾಣು ಸಂಶೋಧನಾ ಸಂಸ್ಥೆ(ಸಿಇಆರ್‌ಎನ್)ನಿರ್ಮಿಸಿದ ಭೂತಳ ಪ್ರಯೋಗಾಲಯವನ್ನು ಗೂಗಲ್‌‌ ತನ್ನ ಸ್ಟ್ರೀಟ್‌ ವ್ಯೂ ನಕ್ಷೆಯಲ್ಲಿ ಸೇರಿಸಿದೆ.ಪ್ರಪಂಚದ ನುರಿತ ವಿಜ್ಞಾನಿಗಳಿಗೆ ಮಾತ್ರ ಈ ಸಿಇಆರ್‌ಎನ್‌ ಪ್ರಯೋಗಾಲಯದಲ್ಲಿ ಮಾತ್ರ ಪ್ರವೇಶ.ಈ ಸಂಶೋಧನ ಸಂಸ್ಥೆ ಒಳಗಿನ ವ್ಯವಸ್ಥೆಯನ್ನು ವಿಶ್ವದ ಜನರಿಗೆ ತೋರಿಸಲು ಗೂಗಲ್‌‌ ತನ್ನ ಸ್ಟ್ರೀಟ್‌‌ವ್ಯೂ ನಕ್ಷೆಯಲ್ಲಿ ಈ ಪರಮಾಣು ಸಂಶೋಧನಾ ಸಂಸ್ಥೆಯ ಚಿತ್ರವನ್ನು ಸೇರಿಸಿದೆ.ಹೀಗಾಗಿ ಗೂಗಲ್‌ ಸ್ಟ್ರೀಟ್‌ವ್ಯೂನ ಸೆರೆ ಹಿಡಿದ ಸಿಇಆರ್‌ಎನ್ ಸುಂದರ ಚಿತ್ರ ಇಲ್ಲಿದೆ.ಒಂದೊಂದೆ ಪುಟವನ್ನು ತಿರುಗಿಸಿ ನೋಡಿಕೊಂಡು ಹೋಗಿ.

ಇದನ್ನೂ ಓದಿ : ಗೂಗಲ್‌ ಸ್ಟ್ರೀಟ್‌ ವ್ಯೂ ಮ್ಯಾಪ್‌ನ್ನು ನಿರ್ಮಿಸಿದ್ದು ಹೇಗೆ?