ಒತ್ತಡಕ್ಕೆ ಮಣಿದ ಟ್ರಂಪ್!!..ದೊಡ್ಡ ಗಂಡಾಂತರದಿಂದ ಪಾರಾದರು 'ಐಟಿ' ನೌಕರರು!!

ಆತಂಕ ಸೃಷ್ಟಿಯಾಗಿದ್ದು ಹೇಗೆ ?

ಭಯೋತ್ಪಾದಕ ದಾಳಿ ಹೆಚ್ಚುತ್ತಿರುವ ಹಿನ್ನೆಲೆಯಲ್ಲಿ ವಲಸಿಗರ ನಿಯಂತ್ರಣಕ್ಕೆ ಟ್ರಂಪ್ ಮುಂದಾಗಿದ್ದು, ಎಚ್-1ಬಿ ವೀಸಾ ವೀಸಾ ನಿರ್ಬಂಧಿಸಲಾಗುವುದು ಎಂದು ಹೇಳಲಾಗಿತ್ತು. ಇದರಿಂದ ಗ್ರೀನ್ ಕಾರ್ಡ್​ಗಾಗಿ ಸ್ವೀಕೃತವಾದ ಅರ್ಜಿಗಳಿಗೆ ಎಚ್-1ಬಿ ವೀಸಾ ಅವಧಿ ವಿಸ್ತರಣೆಗೆ ಅವಕಾಶ ಇಲ್ಲವೆಂಬ ನೀತಿಗೆ ಆತಂಕ ಸೃಷ್ಟಿಯಾಗಿತ್ತು.!!

ಒತ್ತಡಕ್ಕೆ ಮಣಿದ ಟ್ರಂಪ್?

ಎಚ್-1ಬಿ ವೀಸಾಗೆ ನೀತಿ ಬಿಗಿಗೊಳಿಸಲಾಗುತ್ತಿದೆ ಎಂಬ ಸುದ್ದಿ ಹರಿದಾಡುತ್ತಿದ್ದಂತೆ ಭಾರತೀಯ ಐಟಿ ಕಂಪನಿಗಳು ಅಮೆರಿಕದಲ್ಲಿರುವ ಚೇಂಬರ್ ಆಫ್ ಕಾಮರ್ಸ್ ಮೇಲೆ ಒತ್ತಡ ಹೇರಿದ್ದವು. ಭಾರತದ ಕಂಪೆನಿಗಳಷ್ಟೆ ಅಲ್ಲದೇ ಮೈಕ್ರೋಸಾಫ್ಟ್, ಗೂಗಲ್, ಫೇಸ್​ಬುಕ್ ಕೂಡ ಹೊಸ ನೀತಿ ವಿರುದ್ಧ ಕಿಡಿಕಾರಿದ್ದರಿಂದ ಟ್ರಂಪ್ ಒತ್ತಡಕ್ಕೆ ಮಣಿದಿದ್ದಾರೆ ಎನ್ನಲಾಗಿದೆ.!!

ಕಾಯಂ ಪೌರತ್ವಕ್ಕೆ ನಿರ್ಭಂದವಿಲ್ಲ.!!

ಅಮೆರಿಕದಲ್ಲಿ ಆರು ವರ್ಷಕ್ಕಿಂತ ಹೆಚ್ಚು ನೆಲೆಸಿರುವ ವಿದೇಶಿಗರ ಎಚ್-1ಬಿ ವೀಸಾ ಅವಧಿ ವಿಸ್ತರಣೆಗೆ ಯಾವುದೇ ನಿರ್ಬಂಧ ಹೇರುವ ಪ್ರಸ್ತಾವನೆ ಸರ್ಕಾರದ ಮುಂದಿಲ್ಲ ಎಂದು ಶ್ವೇತಭವನ ಸ್ಪಷ್ಟಪಡಿಸಿದೆ.ಅಮೆರಿಕದ ಕಾಯಂ ಪೌರತ್ವಕ್ಕೆ ಎದುರು ನೋಡುತ್ತಿರುವವರಿಗೆ ನಿರ್ಬಂಧ ಹೇರುವುದಿಲ್ಲ ಎಂಬುದನ್ನು ಸ್ಪಷ್ಟಪಡಿಸಿದೆ.!!

ಈ ಬಗ್ಗೆ ಅಧಿಕೃತವಾಗಿ ಹೇಳಿದ್ದೇನು?

‘ಅಮೆರಿಕನ್ ಉತ್ಪನ್ನ ಖರೀದಿಸಿ, ಅಮೆರಿಕನ್​ಗೆ ನೇಮಿಸಿಕೊಳ್ಳಿ' ಅನ್ವಯ ಉದ್ಯೋಗ ಆಧಾರಿತ ವೀಸಾ ಯೋಜನೆಗಳ ಪರಿಶೀಲನೆ ನಡೆಯುತ್ತಿರುವುದು ನಿಜ. ಈ ಬಗ್ಗೆ ಕಟ್ಟುನಿಟ್ಟಾದ ವಲಸೆ ನಿಯಮ ರೂಪಿಸಲಾಗುತ್ತಿದೆ. ಆದರೆ ಎಚ್-1ಬಿ ವೀಸಾಗೆ ನಿರ್ಬಂಧ ಮೂಲಕ ಸ್ವದೇಶಕ್ಕೆ ಕಳಿಸುವ ಪ್ರಸ್ತಾವನೆ ಇಲ್ಲ ಎಂದು ಮಾಧ್ಯಮ ವಕ್ತಾರ ಜೊನಾಥನ್ ವಿಥಿಂಗ್ಟನ್ ಹೇಳಿದ್ದಾರೆ.!!

How to create two accounts in one Telegram app (KANNADA)

5.5 ಲಕ್ಷ ಭಾರತೀಯರು ನಿರಾಳ.!!

ಎಚ್-1ಬಿ ವೀಸಾ ನಿರ್ಬಂಧ ತೆರೆದಿರುವುದರಿಮದ ಅಮೆರಿಕದಲ್ಲಿ ಐಟಿ ಸಹಿತ ಹಲವು ಕ್ಷೇತ್ರಗಳಲ್ಲಿ ಕೆಲಸ ಮಾಡುತ್ತಿರುವ ಸುಮಾರು 5.25 ಲಕ್ಷ ಭಾರತೀಯರ ಆತಂಕ ದೂರವಾಗಿದೆ. ಐಟಿ ಕಂಪನಿಗಳಲ್ಲಿನ ಶೇ.75ಭಾರತೀಯ ನೌಕರರು ಎಚ್-1ಬಿ ವೀಸಾ ಹೊಂದಿದ್ದು ಇದೀಗ ನಿರಾಳವಾಗಿದ್ದಾರೆ.!!

ಓದಿರಿ:ಮೊಬೈಲ್ ಮೆಮೊರಿ ಸಾಲುತಿಲ್ಲವೇ?..ಎಲ್ಲಾ ಸಮಸ್ಯೆಗಳಿಗೆ ಇಲ್ಲಿದೆ ಪರಿಹಾರ!!