ಹಾನರ್‌ ಮ್ಯಾಜಿಕ್ 4 ಫೋನ್ ಸರಣಿ ಲಾಂಚ್!..ಜಬರ್ದಸ್ತ್ ಕ್ಯಾಮೆರಾ!

ಪ್ರಮುಖ ಮೊಬೈಲ್‌ ಸಂಸ್ಥೆಗಳಲ್ಲಿ ಒಂದಾದ ಹಾನರ್ ಈಗಾಗಲೇ ಹಲವು ಶ್ರೇಣಿಯಲ್ಲಿ ಸ್ಮಾರ್ಟ್‌ಫೋನ್ ಪರಿಚಯಿಸಿದೆ ಸೈ ಎನಿಸಿಕೊಂಡಿದೆ. ಬಜೆಟ್‌ ದರದ ಫೋನ್‌ಗಳ ಜೊತೆಗೆ ಫ್ಲ್ಯಾಗ್‌ಶಿಪ್ ಮಾದರಿಯ ಫೋನ್‌ಗಳನ್ನು ಬಿಡುಗಡೆ ಮಾಡಿ ಗ್ರಾಹಕರ ಗಮನ ಸೆಳೆದಿದೆ. ಇದೀಗ ಸಂಸ್ಥೆಯು ಹಾನರ್‌ ಮ್ಯಾಜಿಕ್ 4 ಸ್ಮಾರ್ಟ್‌ಫೋನ್‌ ಸರಣಿಯನ್ನು ಲಾಂಚ್ ಮಾಡಿದ್ದು, ಈ ಸರಣಿಯು ಹಾನರ್‌ ಮ್ಯಾಜಿಕ್ 4 ಮತ್ತು ಹಾನರ್‌ ಮ್ಯಾಜಿಕ್ 4 ಪ್ರೊ ಮಾಡೆಲ್‌ಗಳನ್ನು ಒಳಗೊಂಡಿದೆ.

ಹೌದು, ಹಾನರ್‌ ಸಂಸ್ಥೆಯು ಮೊಬೈಲ್ ವರ್ಲ್ಡ್ ಕಾಂಗ್ರೆಸ್ (MWC) 2022 ಕಾರ್ಯಕ್ರಮದಲ್ಲಿ ಹಾನರ್‌ ಮ್ಯಾಜಿಕ್ 4 ಸರಣಿಯು ಹಾನರ್‌ ಮ್ಯಾಜಿಕ್ 4 ಮತ್ತು ಹಾನರ್‌ ಮ್ಯಾಜಿಕ್ 4 ಪ್ರೊ ಮಾದರಿಗಳನ್ನು ಹೊಂದಿದೆ. ಈ ಎರಡು ಸ್ಮಾರ್ಟ್‌ಫೋನ್‌ಗಳು ಕ್ವಾಲ್ಕಮ್‌ ಸ್ನ್ಯಾಪ್‌ಡ್ರಾಗನ್ 8 ಜೆನ್ 1 ಪ್ರೊಸೆಸರ್‌ ಪಡೆದಿದ್ದು, ಇದರೊಂದಿಗೆ ಮುಖ್ಯ ಕ್ಯಾಮೆರಾವು 50 ಮೆಗಾ ಪಿಕ್ಸಲ್ ಸೆನ್ಸಾರ್ ಸಾಮರ್ಥ್ಯದಲ್ಲಿದೆ. ಹಾಗೆಯೇ ಆಂಡ್ರಾಯ್ಡ್‌ 12 ಓಎಸ್‌ ಸಪೋರ್ಟ್‌ ಸಹ ಪಡೆದಿವೆ. ಹಾಗಾದರೆ ಹಾನರ್‌ ಮ್ಯಾಜಿಕ್ 4 ಮತ್ತು ಹಾನರ್‌ ಮ್ಯಾಜಿಕ್ 4 ಪ್ರೊ ಫೋನ್‌ಗಳ ಇತರೆ ಫೀಚರ್ಸ್‌ ಹೇಗಿವೆ ಎಂಬುದನ್ನು ಮುಂದೆ ತಿಳಿಯೋಣ ಬನ್ನಿರಿ.

ಹಾನರ್‌ ಮ್ಯಾಜಿಕ್ 4 ಫೋನ್ ಫೀಚರ್ಸ್‌:
ಹಾನರ್‌ ಮ್ಯಾಜಿಕ್ 3 ಸ್ಮಾರ್ಟ್‌ಫೋನ್ 1,224 x 2,664 ಪಿಕ್ಸಲ್ ರೆಸಲ್ಯೂಶನ್ ಸಾಮರ್ಥ್ಯವನ್ನು ಒಳಗೊಂಡ 6.81 ಇಂಚಿನ ಡಿಸ್‌ಪ್ಲೇ ಹೊಂದಿದೆ. ಹಾಗೆಯೇ ಈ ಪೋನ್ 8 ಜೆನ್ 1 ಪ್ರೊಸೆಸರ್‌ ಪಡೆದಿದ್ದು, ಈ ಫೋನ್ ತ್ರಿವಳಿ ಕ್ಯಾಮೆರಾ ರಚನೆ ಪಡೆದಿದೆ. ಪ್ರಾಥಮಿಕ ಕ್ಯಾಮೆರಾವು 50 ಮೆಗಾ ಪಿಕ್ಸಲ್ ಸೆನ್ಸಾರ್ ಬಲವನ್ನು ಒಳಗೊಂಡಿದೆ. ಸೆಲ್ಫಿ ಕ್ಯಾಮೆರಾವು 12 ಮೆಗಾ ಪಿಕ್ಸಲ್ ಸೆನ್ಸಾರ್ ಸಾಮರ್ಥ್ಯದಲ್ಲಿದೆ. ಇನ್ನು ಈ ಫೋನ್ 4,800mAh ಸಾಮರ್ಥ್ಯದ ಬ್ಯಾಟರಿ ಬ್ಯಾಕ್‌ಅಪ್‌ ಒಳಗೊಂಡಿದೆ. ಈ ಫೋನ್ ಆಂಡ್ರಾಯ್ಡ್‌ 12 ಓಎಸ್ ಸಪೋರ್ಟ್‌ ಸಹ ಪಡೆದಿದೆ.

ಹಾನರ್‌ ಮ್ಯಾಜಿಕ್ 4 ಪ್ರೊ ಫೋನ್ ಫೀಚರ್ಸ್‌:
ಹಾನರ್‌ ಮ್ಯಾಜಿಕ್ 4 ಪ್ರೊ ಫೋನ್ 1213 x 2848 ಪಿಕ್ಸಲ್ ರೆಸಲ್ಯೂಶನ್ ಸಾಮರ್ಥ್ಯವನ್ನು ಒಳಗೊಂಡ 6.81 ಇಂಚಿನ ಡಿಸ್‌ಪ್ಲೇ ಹೊಂದಿದೆ. ಹಾಗೆಯೇ ಈ ಪೋನ್ ಸಹ 8 ಜೆನ್ 1 ಪ್ರೊಸೆಸರ್‌ ಪಡೆದಿದ್ದು, ಆಂಡ್ರಾಯ್ಡ್‌ 12 ಓಎಸ್‌ ಸಪೋರ್ಟ್‌ ಪಡೆದಿದೆ. ಇನ್ನು ಈ ಫೋನ್‌ ಟ್ರಿಪಲ್ ಕ್ಯಾಮೆರಾ ರಚನೆಯನ್ನು ಒಳಗೊಂಡಿದ್ದು, ಅವು ಕ್ರಮವಾಗಿ 50 ಮೆಗಾ ಪಿಕ್ಸಲ್, 50 ಮೆಗಾ ಪಿಕ್ಸಲ್ ಮತ್ತು 64 ಮೆಗಾ ಪಿಕ್ಸಲ್ ಸೆನ್ಸಾರ್ ಬಲ ವನ್ನು ಒಳಗೊಂಡಿವೆ. ಇನ್ನು ಸೆಲ್ಫಿ ಕ್ಯಾಮೆರಾವು 12 ಮೆಗಾ ಪಿಕ್ಸಲ್ ಸೆನ್ಸಾರ್ ಸಾಮರ್ಥ್ಯದಲ್ಲಿದೆ. ಇದರೊಂದಿಗೆ ಈ ಫೋನ್ 4,600mAh ಸಾಮರ್ಥ್ಯದ ಬ್ಯಾಟರಿ ಬ್ಯಾಕ್‌ಅಪ್‌ ಒಳಗೊಂಡಿದೆ.

ಬೆಲೆ ಮತ್ತು ಲಭ್ಯತೆ
ಹಾನರ್‌ ಮ್ಯಾಜಿಕ್ 4 ಸ್ಮಾರ್ಟ್‌ಫೋನ್ 8GB + 128GB ವೇರಿಯಂಟ್ ಬೆಲೆಯು EUR 899 (ಭಾರತದಲ್ಲಿ ಅಂದಾಜು 76,000 ರೂ.) ಆಗಿದೆ. ಅದೇ ರೀತಿ ಹಾನರ್‌ ಮ್ಯಾಜಿಕ್ 4 ಪ್ರೊ ಫೋನ್ 8GB + 256GB ವೇರಿಯಂಟ್ ದರವು EUR 1,099 (ಭಾರತದಲ್ಲಿ ಅಂದಾಜು 93,000 ರೂ) ಆಗಿದೆ. ಇನ್ನು ಈ ಫೋನ್‌ಗಳು ಕಪ್ಪು, ಸಯಾನ್, ಗೋಲ್ಡ್, ವೈಟ್ ಮತ್ತು ವಿಶೇಷ ಆರೆಂಜ್ (ವೆಗಾನ್ ಲೆದರ್) ಬಣ್ಣಗಳಲ್ಲಿ ಲಭ್ಯ ಆಗಲಿವೆ.