ಹಾನರ್ ಮ್ಯಾಜಿಕ್ ಇಯರ್‌ಬಡ್ಸ್ ಬಿಡುಗಡೆ!..ಅಧಿಕ ಬ್ಯಾಟರಿ ಲೈಫ್!

ಹೌದು, ಹಾನರ್ ಕಂಪನಿಯು ಈಗ ಹೊಸದಾಗಿ ಹಾನರ್ ಮ್ಯಾಜಿಕ್ ಇಯರ್‌ಬಡ್ಸ್ ಅನ್ನು ಲಾಂಚ್ ಮಾಡಿದೆ. ಈ ಇಯರ್‌ಬಡ್ಸ್‌ ಸಾಕಷ್ಟು ಅಪ್‌ಡೇಟ್ ಫೀಚರ್ಸ್‌ಗಳನ್ನು ಒಳಗೊಂಡಿದ್ದು, ದೀರ್ಘ ಬಾಳಿಕೆಯ ಬ್ಯಾಟರಿ ಲೈಫ್‌ ಅನ್ನು ಪಡೆದಿದೆ. ಕಂಫರ್ಟ್‌ ರಚನೆಯೊಂದಿಗೆ EMUI 10 ಬೆಂಬಲಿತವಾಗಿರುವ ಈ ಬಡ್ಸ್‌ಗಳು ನೋಡಲು ಆಕರ್ಷಕವಾಗಿದ್ದು, ಪರ್ಲ್ ವೈಟ್ ಮತ್ತು ರಾಬಿನ್ ಎಗ್ ಬ್ಲೂ ಬಣ್ಣಗಳ ಆಯ್ಕೆಗಳನ್ನು ಹೊಂದಿದೆ.

ಹಾನರ್ ಮ್ಯಾಜಿಕ್ ಇಯರ್‌ಬಡ್ಸ್‌ 10mm ಆಡಿಯೋ ಡ್ರೈವರ್ಸ್‌ಗಳನ್ನು ಹೊಂದಿದ್ದು, ಅತ್ಯುತ್ತಮ ಸೌಂಡ್ ಹೊರಹಾಕಲಿವೆ. ಹಾಗೆಯೇ ಈ ಡಿವೈಸ್ A2DP 1.3, HFP 1.6, ಮತ್ತು AVRCP 1.5, ಬ್ಲೂಟೂತ್ 5.0 ಕನೆಕ್ಟಿವಿಟಿ ಸೌಲಭ್ಯಗಳನ್ನು ಪಡೆದಿದೆ. ANC ಹೈಬ್ರೀಡ್‌ ನಾಯಿಸ್ ಕ್ಯಾನ್ಸ್‌ಲೇಶನ್ ಸೌಲಭ್ಯವು ಇದ್ದು, ಆಡಿಯೊ ಗುಣಮಟ್ಟವು ಕ್ರಿಸ್ಪಿ ಆಗಿರಲಿದೆ ಎಂದು ಹೇಳಲಾಗಿದೆ. ಇನ್ನು ಈ ಡಿವೈಸ್ 5.4 ಗ್ರಾಂ ತೂಕ ಪಡೆದಿದೆ.

ಹಾನರ್‌ ಇಯರ್‌ಬಡ್ಸ್‌ 37mAh ಬ್ಯಾಟರಿ ಸಾಮರ್ಥ್ಯವನ್ನು ಪಡೆದಿದ್ದು, ಇಯರ್‌ಬಡ್ಸ್‌ ಚಾರ್ಜಿಂಗ್ ಕೇಸ್ 410mAh ಸಾಮರ್ಥ್ಯದ ಬ್ಯಾಟರಿ ಬಾಳಿಕೆಯನ್ನು ಹೊಂದಿದೆ. ಇಯರ್‌ಬಡ್ಸ್‌ ಒಮ್ಮೆ ಪೂರ್ಣ ಚಾರ್ಜ್ ಮಾಡಿದರೇ ಸುಮಾರು 3.5 ಗಂಟೆಗಳ ಮ್ಯೂಸಿಕ್ ಪ್ಲೇಬ್ಯಾಕ್ ಒದಗಿಸಲಿದೆ. ಹಾಗೆಯೇ ಬಡ್ಸ್‌ ಕೇಸ್‌ ಸುಮಾರು 13ಗಂಟೆಗಳ ಮ್ಯೂಸಿಕ್ ಪ್ಲೇ ಬ್ಯಾಕ್ ಸಪೋರ್ಟ್‌ ನೀಡಲಿದೆ. ಚಾರ್ಜಿಂಗ್‌ಗಾಗಿ ಯುಎಸ್‌ಬಿ-ಸಿ ಪೋರ್ಟ್‌ ಸೌಲಭ್ಯ ಹೊಂದಿದೆ.

ಹಾನರ್‌ ಮ್ಯಾಜಿಕ್ ಇಯರ್‌ಬಡ್ಸ್‌ ನೋಡಲು ಆಪಲ್ ಇಯರ್‌ಬಡ್ಸ್‌ನಂತೆ ಕಾಣುತ್ತವೆ. ಇನ್ನು ಈ ಡಿವೈಸ್‌ ಬೆಲೆಯು €129 ಆಗಿದ್ದು, ಭಾರತದಲ್ಲಿ ಅಂದಾಜು 10,059ರೂ. ಆಗಿರಲಿದೆ. ಇದೇ ಏಪ್ರಿಲ್ 2020ರಲ್ಲಿ ಸೇಲ್‌ ಆರಂಭಿಸಲಿದ್ದು, ಪರ್ಲ್ ವೈಟ್ ಮತ್ತು ಬ್ಲೂ ಕಲರ್‌ಗಳಲ್ಲಿ ಖರೀದಿಗೆ ಲಭ್ಯವಾಗಲಿದೆ.