ಬಜೆಟ್‌ ಬೆಲೆಯಲ್ಲಿ 'ಹಾನರ್ ಪ್ಲೇ 8' ಬಿಡುಗಡೆ!

ಡಿಸ್‌ಪ್ಲೇ ಮತ್ತು ಡಿಸೈನ್‌

ಹಾನರ್‌ ಪ್ಲೇ 8 ಸ್ಮಾರ್ಟ್‌ಫೋನ್‌ 1520 x 720 ಪಿಕ್ಸಲ್ ರೆಸಲ್ಯೂಶನ್‌ ಸಾಮರ್ಥ್ಯದೊಂದಿಗೆ 5.71 ಇಂಚಿನ LCD ಡಿಸ್‌ಪ್ಲೇಯನ್ನು ಹೊಂದಿದ್ದು, ಡಿಸ್‌ಪ್ಲೇಯ ಪ್ರತಿ ಇಂಚಿನ ಪಿಕ್ಸಲ್ ಸಾಂದ್ರತೆಯು 294 ppi ಆಗಿದೆ. ಡಿಸ್‌ಪ್ಲೇಯು ತೆಳುವಾದ ಬೆಜಲ್ ಮತ್ತು ವಾಟರ್‌ಡ್ರಾಪ್‌ ನಾಚ್‌ ಡಿಸೈನ್‌ ಹೊಂದಿದ್ದು, ಹಾಗೆಯೇ ಡಿಸ್‌ಪ್ಲೇಯ ಅನುಪಾತವು 19:9ರಷ್ಟಿದೆ.

ಪ್ರೊಸೆಸರ್‌ ಶಕ್ತಿ

ಹಾನರ್‌ ಪ್ಲೇ 8 ಸ್ಮಾರ್ಟ್‌ಫೋನ್‌ ಕ್ವಾಡ್‌ ಕೋರ್‌ 2.0 GHz ಮೀಡಿಯಾ ಟೆಕ್‌ ಹಿಲಿಯೊ A22 ಪ್ರೊಸೆಸರ್‌ ಸಾಮರ್ಥ್ಯವನ್ನು ಪಡೆದುಕೊಂಡಿದ್ದು, ಆಂಡ್ರಾಯ್ಡ್‌ 9.0 ಪೈ ಓಎಸ್‌ನ ಬೆಂಬಲ ಸಹ ಹೊಂದಿದೆ. 2GB RAM ಸಾಮರ್ಥ್ಯವನ್ನು ಒಳಗೊಂಡಿದ್ದು, 32GB ಆಂತರಿಕ ಸಂಗ್ರಹದ ಸ್ಥಳಾವಕಾಶವನ್ನು ಪಡೆದುಕೊಂಡಿದೆ. ಬಾಹ್ಯ ಮೆಮೊರಿಯನ್ನು 512 GB ವರೆಗೂ ಹೆಚ್ಚಿಸಬಹುದು.

ಡ್ಯುಯಲ್‌ ಕ್ಯಾಮೆರಾ

ಹಾನರ್‌ ಪ್ಲೇ 8 ಸ್ಮಾರ್ಟ್‌ಫೋನ್‌ ಎರಡು ಕ್ಯಾಮೆರಾ ಆಯ್ಕೆಗಳನ್ನು ಪಡೆದುಕೊಂಡಿದ್ದು, ಹಿಂಬದಿಯ ಪ್ರಾಥಮಿಕ ಕ್ಯಾಮೆರಾವು 13ಎಂಪಿ ಸಾಮರ್ಥ್ಯದಲ್ಲಿದ್ದು, f/1.8 ಅಪರ್ಚರ್ ಹೊಂದಿದೆ. ಇದರೊಂದಿಗೆ ಸೆಲ್ಫಿಗಾಗಿ ಮುಂಬದಿಯಲ್ಲಿ 5ಎಂಪಿ ಕ್ಯಾಮೆರಾ ನೀಡಲಾಗಿದ್ದು, f/2.2 ಅಪರ್ಚರ್ ಸಾಮರ್ಥ್ಯದಲ್ಲಿದೆ. ಎಲ್‌ಇಡಿ ಫ್ಲ್ಯಾಶ್‌ ಮತ್ತು ಕ್ಯಾಮೆರಾದಲ್ಲಿ ಹಲವು ಎಡಿಟಿಂಗ್ ಆಯ್ಕೆಗಳನ್ನು ಒಳಗೊಂಡಿದೆ.

ಬ್ಯಾಟರಿ ಸಾಮರ್ಥ್ಯ

3020 mAh ಬ್ಯಾಟರಿ ಸಾಮರ್ಥ್ಯವನ್ನು ಹೊಂದಿರುವ ಹಾನರ್‌ ಪ್ಲೇ 8 ಸ್ಮಾರ್ಟ್‌ಫೋನ್‌ ಫಾಸ್ಟ್‌ ಚಾರ್ಜಿಂಗ್ ಸೌಲಭ್ಯವನ್ನು ಪಡೆದಿಲ್ಲ. ಆದರೆ 10 W ಸಾಮರ್ಥ್ಯದ ಚಾರ್ಜಿಂಗ್ ಆಯ್ಕೆಯನ್ನು ಹೊಂದಿದೆ. ಹಾಗೆಯೇ ವೈ-ಫೈ, ಬ್ಲೂಟೂತ್ 4.2, 3.5 ಎಂಎಂ ಜ್ಯಾಕ್, ಜಿಪಿಎಸ್, ಡ್ಯುಯಲ್ 4 ಜಿ ಸೇರಿದಂತೆ ಮೈಕ್ರೋ ಯುಎಸ್‌ಬಿ ಪೋರ್ಟ್ ಆಯ್ಕೆಗಳನ್ನು ಪಡೆದುಕೊಂಡಿದೆ.

ಲಭ್ಯತೆ ಮತ್ತು ಬೆಲೆ

ಚೀನಾದಲ್ಲಿ ಲಾಂಚ್‌ ಆಗಿರುವ ಹಾನರ್‌ ಪ್ಲೇ 8 ಸ್ಮಾರ್ಟ್‌ಫೋನ್‌ 2 GB + 32 GB ಸ್ಟೋರೇಜ್‌ನ ಒಂದೇ ವೇರಿಯಂಟ್‌ ಆಯ್ಕೆ ಹೊಂದಿದೆ. ಬ್ಲ್ಯಾಕ್ ಮತ್ತು ಬ್ಲೂ ಬಣ್ಣಗಳ ಆಯ್ಕೆಯಲ್ಲಿ ಲಭ್ಯವಿರುವ ಈ ಸ್ಮಾರ್ಟ್‌ಫೋನ್‌ ಬೆಲೆಯು ಚೀನಾ ಮಾರುಕಟ್ಟೆಯಲ್ಲಿ CNY 599 (5990ರೂ.) ಆಗಿದೆ. ಶೀಘ್ರದಲ್ಲಿಯೇ ಈ ಫೋನ್‌ ಭಾರತೀಯ ಮಾರುಕಟ್ಟೆಗೂ ಎಂಟ್ರಿ ಕೊಡಲಿದೆ ಎನ್ನಲಾಗಿದೆ.