ಹೋಟೆಲ್‌ ಬಿಲ್‌ನಲ್ಲಿ GST ಸೇರಿಸಿ ಪಾವತಿಸುವ ಮುನ್ನ ತಪ್ಪದೇ ಈ ಸ್ಟೋರಿ ಓದಿ.!

GST- ನೋಂದಣಿಯಾಗಿದೆಯೇ ಪ್ರಶ್ನಿಸಿ-ತಿಳಿದುಕೊಳ್ಳಿ:

ಇನ್ನು ಮುಂದೆ ಯಾವುದೇ ಹೋಟೆಲ್‌ಗೆ ಹೋದ ಸಂದರ್ಭದಲ್ಲಿ ನೀವು ಸುಮ್ಮನೆ GST ಕಟ್ಟಬೇಕಾದ ಅವಶ್ಯಕತೆ ಇಲ್ಲ. ಮೊದಲು ಆ ಹೋಟೆಲ್ GST ವ್ಯಾಪ್ತಿಗೆ ಒಳಪಟ್ಟಿದೆಯೇ ಎಂಬುದನ್ನು ನೋಡಿ. ನಿಮಗೆ ನೀಡಿರುವ ಬಿಲ್‌ನಲ್ಲಿ GST ನಂಬರ್ ಹಾಕಿರುತ್ತಾರೆ. ಅದು ಇಲ್ಲವಾದರೆ ನೀವು GST ದರವನ್ನು ಪಾವತಿಸುವ ಅವಶ್ಯಕತೆ ಇಲ್ಲ.

GST- ನೋಂದಣಿ ಸಂಖ್ಯೆ ಸರಿಯಾಗಿದೆಯೇ ಇಲ್ಲವೇ ಆನ್‌ಲೈನಿನಲ್ಲಿ ಪರೀಕ್ಷಿಸಿ;

ಅಲ್ಲದೇ ಕೆಲವು ಹೋಟೆಲ್‌ಗಳಲ್ಲಿ ನೀಡುವ ಬಿಲ್‌ನಲ್ಲಿ ನಕಲಿ GST ನಂಬರ್ ಅನ್ನು ಹಾಕಿರುವ ಸಾಧ್ಯತೆ ಇದೆ ಹಾಗಾಗಿ ನೀವು ಅದನ್ನು ಸಹ ಪರೀಕ್ಷಿಸಬಹುದಾಗಿದೆ. ಅದಕ್ಕಾಗಿಯೇ ಕೇಂದ್ರ ಸರಕಾರವು ವೆಬ್‌ಸೈಟ್ ವೊಂದನ್ನು ತೆರೆದಿದೆ. https://services.gst.gov.in/services/searchtp ಈ ತಾಣಕ್ಕೆ ಭೇಟಿ ನೀಡಿ GST ನಂಬರ್ ದಾಖಲಿಸಿದರೆ ಅಲ್ಲಿ ಆ ಹೋಟೆಲಿನ ಸಂಪೂರ್ಣ ಮಾಹಿತಿಯೂ ದೊರೆಯಲಿದೆ.

ದೂರು ಸಲ್ಲಿಸಬಹುದು- ಹಣವನ್ನು ಪಾವತಿಸದೆ ಇರಬಹುದು:

ಒಂದು ವೇಳೆ ಅಲ್ಲಿ ಯಾವುದೇ ಮಾಹಿತಿ ಇಲ್ಲವಾದರೆ ನೀವು ದೂರು ಸಲ್ಲಿಸಬಹುದು ಮತ್ತು ಹೆಚ್ಚಿನ ಹಣವನ್ನು ಪಾವತಿಸದೆ ಇರಬಹುದು. ನೀವು ದೂರು ಸಲ್ಲಿಸುವ ಸಲುವಾಗಿ [email protected] ಈ ವಿಳಾಸಕ್ಕೆ ಇಮೇಲ್ ಮಾಡಬಹುದು. ಅಲ್ಲದೇ 0120-4888999 , 011-23370115 ಈ ಸಂಖ್ಯೆಗೆ ಕರೆ ಮಾಡಿ ಸಹ ದೂರು ನೀಡಬಹುದು.

ಹೋಟೆಲ್‌ಗಳಲ್ಲಿ ವಿಧಿಸುವ GST ದರಗಳೇಷ್ಟು?

ಕೇಂದ್ರ ಸರಕಾರವೂ ಜಾರಿಗೆ ತಂದಿರುವ GST ಪ್ರಕಾರ

• ಎಸಿ ಇಲ್ಲದ, ಆಲ್ಕೋಹಾಲ್ ಮಾರಾಟ ಮಾಡದ ಹೋಟೆಲ್‌ಗಳಿಗೆ 12%
• ಎಸಿ ಜೊತೆಗೆ ಆಲ್ಕೋಹಾಲ್ ಮಾರಾಟ ಮಾಡುವ ಹೋಟೆಲ್ ಗಳಿಗೆ 18%
• ಪಂಚತಾರ ಹೋಟೆಲ್‌ಗಳಿಗೆ 28% GSTಯನ್ನು ವಿಧಿಸುತ್ತಿದೆ.