ಬಹುನಿರೀಕ್ಷಿತ 'ಹುವಾವೆ ಮೇಟ್ 30' ಸರಣಿ ಬಿಡುಗಡೆ!..ಪವರ್‌ಫುಲ್ ಫೀಚರ್ಸ್‌!

ಹೌದು, ಹುವಾವೆ ಸಂಸ್ಥೆಯು ನೆನ್ನೆ(ಸೆ.19) ಜರ್ಮನಿಯಲ್ಲಿ ನಡೆದ ಕಾರ್ಯಕ್ರಮಾದಲ್ಲಿ 'ಹುವಾವೆ ಮೇಟ್‌ 30' ಮತ್ತು 'ಹುವಾವೆ ಮೇಟ್‌ 30 ಪ್ರೊ' ಸ್ಮಾರ್ಟ್‌ಫೋನ್‌ಗಳನ್ನು ಲಾಂಚ್ ಮಾಡಿದೆ. ಹಾಗೆಯೇ 'ಹುವಾವೆ ಮೇಟ್‌ 30 ಪ್ರೊ 5G' ವೇರಿಯಂಟ್‌ ಆಯ್ಕೆಯನ್ನು ಪರಿಚಯಿಸಿದೆ. ಈ ಸ್ಮಾರ್ಟ್‌ಫೋನ್‌ಗಳು ಹಿಲಿಯೊ ಸಿಲಿಕಾನ್ ಕಿರನ್ 990 5G SoC ಪ್ರೊಸೆಸರ್‌ ಶಕ್ತಿಯನ್ನು ಪಡೆದಿದ್ದು, OLED Horizon ಡಿಸ್‌ಪ್ಲೇ ಹೊಂದಿದೆ.

'ಹುವಾವೆ ಮೇಟ್‌ 30' ಬೆಲೆಯು EUR 799 (63,000ರೂ) ಆಗಿದೆ ಮತ್ತು 'ಹುವಾವೆ ಮೇಟ್‌ 30 ಪ್ರೊ' ಬೆಲೆಯು EUR 1,099 (86,700ರೂ) ಆಗಿದೆ. ಇನ್ನು 'ಹುವಾವೆ ಮೇಟ್‌ 30 ಪ್ರೊ 5G' ವೇರಿಯಂಟ್ ಬೆಲೆಯು EUR 1,199 (94,600ರೂ) ಬೆಲೆಯನ್ನು ಹೊಂದಿವೆ. ಹಾಗಾದರೇ 'ಹುವಾವೆ ಮೇಟ್‌ 30' ಮತ್ತು 'ಹುವಾವೆ ಮೇಟ್‌ 30 ಪ್ರೊ' ಸ್ಮಾರ್ಟ್‌ಫೋನ್‌ಗಳ ಫೀಚರ್ಸ್‌ಗಳೆನು ಎಂಬುದನ್ನು ಮುಂದೆ ನೋಡೋಣ ಬನ್ನಿರಿ.

ಹುವಾವೆ ಮೇಟ್‌ 30 ಡಿಸ್‌ಪ್ಲೇ

ಹುವಾವೆ ಮೇಟ್‌ 30 ಸ್ಮಾರ್ಟ್‌ಫೋನ್ 1080x2340 ಪಿಕ್ಸಲ್ ರೆಸಲ್ಯೂಶನ್ ಸಾಮರ್ಥ್ಯದೊಂದಿಗೆ 6.62 ಇಂಚಿನ ಪೂರ್ಣ ಹೆಚ್‌ಡಿ ಪ್ಲಸ್‌ OLED ಡಿಸ್‌ಪ್ಲೇಯನ್ನು ಹೊಂದಿದ್ದು, ಫುಲ್‌ವ್ಯೂವ್ ಡಿಸ್‌ಪ್ಲೇಯ ರಚನೆ ಪಡೆದಿದೆ. ಡಿಸ್‌ಪ್ಲೇಯು 19.5:9 ಅನುಪಾತದಲ್ಲಿದ್ದು, DCI-P3 HDR ಕಲರ್ ಮಿಶ್ರಣವನ್ನು ಹೊಂದಿದೆ. ಡಿಸ್‌ಪ್ಲೇ ಮತ್ತು ಬಾಹ್ಯ ಬಾಡಿಯ ನಡುವಿನ ಅಂತರವು ಶೇ.65%ರಷ್ಟಿದ್ದು, ವೀಕ್ಷಣೆಗೆ ಅತ್ಯುತ್ತಮ ಎನಿಸಲಿದೆ.

ಹುವಾವೆ ಮೇಟ್‌ 30 ಪ್ರೊಸೆಸರ್‌

ಹುವಾವೆ ಮೇಟ್‌ 30 ಸ್ಮಾರ್ಟ್‌ಫೋನ್ ಆಕ್ಟಾ-ಕೋರ್ ಹಿಲಿಯೊ ಸಿಲಿಕಾನ್ ಕಿರನ್ 990 5G SoC ಪ್ರೊಸೆಸರ್‌ ಸಾಮರ್ಥ್ಯವನ್ನು ಪಡೆದಿದ್ದು, ಇದಕ್ಕೆ ಪೂರಕವಾಗಿ ಇತ್ತೀಚಿನ ಹೊಸ 'ಆಂಡ್ರಾಯ್ಡ್‌ 10' ಆಪರೇಟಿಂಗ್ ಸಿಸ್ಟಮ್ ಬೆಂಬಲ ಹೊಂದಿದೆ. ಇದರೊಂದಿಗೆ 8GB GB RAM ಮತ್ತು 128GB ಆಂತರಿಕ ಸ್ಟೋರೇಜ್ ಸ್ಥಳಾವಕಾಶವನ್ನು ಒಳಗೊಂಡಿದೆ.

ಹುವಾವೆ ಮೇಟ್‌ 30 ಕ್ಯಾಮೆರಾ

ಹುವಾವೆ ಮೇಟ್‌ 30 ಸ್ಮಾರ್ಟ್‌ಫೋನ್ ತ್ರಿವಳಿ ಕ್ಯಾಮೆರಾ ಸೆಟ್‌ಅಪ್‌ ಹೊಂದಿದ್ದು, ಮುಖ್ಯ ಕ್ಯಾಮೆರಾವು 40ಎಂಪಿ ಸೆನ್ಸಾರ್‌ ಪಡೆದಿದೆ. ಸೆಕೆಂಡರಿ ಕ್ಯಾಮೆರಾವು 16ಎಂಪಿ ವೈಲ್ಡ್‌ ಆಂಗಲ್ ಲೆನ್ಸ್‌ ಸೆನ್ಸಾರ್‌ ಹೊಂದಿದ್ದು, ಇನ್ನು ತೃತೀಯ ಕ್ಯಾಮೆರಾ 8ಎಂಪಿಯ ಟೆಲಿಫೋಟೊ ಸೆನ್ಸಾರ್‌ ಸಾಮರ್ಥ್ಯದಲ್ಲಿದೆ. ಮತ್ತು ಸೆಲ್ಫಿಗಾಗಿ 24ಎಂಪಿ ಸೆನ್ಸಾರ್ ಸಾಮರ್ಥ್ಯದ ಕ್ಯಾಮೆರಾ ನೀಡಲಾಗಿದೆ.

ಹುವಾವೆ ಮೇಟ್ 30 ಬ್ಯಾಟರಿ

ಹುವಾವೆ ಮೇಟ್‌ 30 ಸ್ಮಾರ್ಟ್‌ಫೋನ್ 4,200mAh ಸಾಮರ್ಥ್ಯದ ಬ್ಯಾಟರಿಯನ್ನು ಹೊಂದಿದ್ದು, ಹುವಾವೆ ಕಂಪನಿಯ ಸೂಪರ್‌ಚಾರ್ಜ್ 40w ಮತ್ತು ಸೂಪರ್‌ ಚಾರ್ಜ್ 27w ವಾಯರ್‌ಲೆಸ್‌ ಚಾರ್ಜಿಂಗ್ ಸೌಲಭ್ಯದ ಬೆಂಬಲ ಪಡೆದಿದೆ. ಇದರೊಂದಿಗೆ ವೈಫೈ, ಬ್ಲೂಟೂತ್, ಜಿಪಿಎಸ್‌, ಸೇರಿದಂತೆ ಇತ್ತೀಚಿನ ಅಗತ್ಯ ಆಯ್ಕೆಗಳನ್ನು ಮತ್ತು ಸೌಲಬ್ಯಗಳನ್ನು ಒಳಗೊಂಡಿದೆ.

ಓದಿರಿ : ಆನ್‌ಲೈನ್‌ನಲ್ಲಿ ಡ್ರೈವಿಂಗ್ ಲೈಸೆನ್ಸ್‌ ಪಡೆಯಲು ಈ ದಾಖಲಾತಿಗಳು ಅಗತ್ಯ!

ಹುವಾವೆ ಮೇಟ್‌ 30 ಪ್ರೊ ಡಿಸ್‌ಪ್ಲೇ

ಹುವಾವೆ ಮೇಟ್‌ 30 ಪ್ರೊ ಸ್ಮಾರ್ಟ್‌ಫೋನ್ 1176x2400 ಪಿಕ್ಸಲ್ ರೆಸಲ್ಯೂಶನ್ ಸಾಮರ್ಥ್ಯದೊಂದಿಗೆ 6.53 ಇಂಚಿನ ಪೂರ್ಣ ಹೆಚ್‌ಡಿ ಪ್ಲಸ್‌ OLED ಡಿಸ್‌ಪ್ಲೇಯನ್ನು ಹೊಂದಿದ್ದು, OLED Horizon ಡಿಸ್‌ಪ್ಲೇಯ ರಚನೆ ಪಡೆದಿದೆ. ಡಿಸ್‌ಪ್ಲೇಯು 18.4:9 ಅನುಪಾತದಲ್ಲಿದ್ದು, DCI-P3 HDR ಕಲರ್ ಮಿಶ್ರಣವನ್ನು ಹೊಂದಿದೆ. ಡಿಸ್‌ಪ್ಲೇ ಡಿಸೈವ್ ಹೆಚ್ಚು ಆಕರ್ಷಕವಾಗಿ ಇದ್ದು, ವೀಕ್ಷಣೆಗೆ ಅತ್ಯುತ್ತಮ ಎನಿಸಲಿದೆ.

ಹುವಾವೆ ಮೇಟ್‌ 30 ಪ್ರೊ' ಪ್ರೊಸೆಸರ್‌

ಹುವಾವೆ ಮೇಟ್‌ 30 ಪ್ರೊ' ಸ್ಮಾರ್ಟ್‌ಫೋನ್ ಆಕ್ಟಾ-ಕೋರ್ ಹಿಲಿಯೊ ಸಿಲಿಕಾನ್ ಕಿರನ್ 990 5G SoC ಪ್ರೊಸೆಸರ್‌ ಸಾಮರ್ಥ್ಯವನ್ನು ಪಡೆದಿದ್ದು, ಇದಕ್ಕೆ ಪೂರಕವಾಗಿ ಈ ಫೋನ್ ಸಹ ಇತ್ತೀಚಿನ ಹೊಸ 'ಆಂಡ್ರಾಯ್ಡ್‌ 10' ಆಪರೇಟಿಂಗ್ ಸಿಸ್ಟಮ್ ಬೆಂಬಲ ಹೊಂದಿದೆ. ಇದರೊಂದಿಗೆ 8GB GB RAM ಮತ್ತು 128GB ಆಂತರಿಕ ಸ್ಟೋರೇಜ್ ಸ್ಥಳಾವಕಾಶವನ್ನು ಒಳಗೊಂಡಿದೆ.

ಹುವಾವೆ ಮೇಟ್‌ 30 ಪ್ರೊ' ಕ್ಯಾಮೆರಾ

ಹುವಾವೆ ಮೇಟ್‌ 30 ಪ್ರೊ ಸ್ಮಾರ್ಟ್‌ಫೋನ್ ಕ್ವಾಡ್‌ ಕ್ಯಾಮೆರಾ ಸೆಟ್‌ಅಪ್‌ ಹೊಂದಿದ್ದು, ಮುಖ್ಯ ಕ್ಯಾಮೆರಾವು 40ಎಂಪಿ ಸಿನಿ ಸೆನ್ಸಾರ್‌ ಪಡೆದಿದೆ. ಸೆಕೆಂಡರಿ ಕ್ಯಾಮೆರಾವು ಸಹ 40ಎಂಪಿ ಸೂಪರ್ ವೈಲ್ಡ್‌ ಆಂಗಲ್ ಲೆನ್ಸ್‌ ಸೆನ್ಸಾರ್‌ ಹೊಂದಿದ್ದು, ಇನ್ನು ತೃತೀಯ ಕ್ಯಾಮೆರಾ 8ಎಂಪಿಯ ಟೆಲಿಫೋಟೊ ಸೆನ್ಸಾರ್‌ ಸಾಮರ್ಥ್ಯದಲ್ಲಿದೆ ಹಾಗೂ ನಾಲ್ಕನೆಯದ್ದು 3D ಡೆಪ್ತ್ ಸೆನ್ಸಾರ್‌ನಲ್ಲಿದೆ. ಮತ್ತು ಸೆಲ್ಫಿಗಾಗಿ 32 ಎಂಪಿ ಸೆನ್ಸಾರ್ ಪಡೆದಿದೆ.

ಹುವಾವೆ ಮೇಟ್‌ 30 ಪ್ರೊ' ಬ್ಯಾಟರಿ

ಹುವಾವೆ ಮೇಟ್‌ 30 ಪ್ರೊ ಸ್ಮಾರ್ಟ್‌ಫೋನ್ 4,500mAh ಸಾಮರ್ಥ್ಯದ ಬ್ಯಾಟರಿಯನ್ನು ಹೊಂದಿದ್ದು, ಈ ಫೋನ್ ಸಹ ಹುವಾವೆ ಕಂಪನಿಯ ಸೂಪರ್‌ಚಾರ್ಜ್ 40w ಮತ್ತು ಸೂಪರ್‌ ಚಾರ್ಜ್ 27w ವಾಯರ್‌ಲೆಸ್‌ ಚಾರ್ಜಿಂಗ್ ಸೌಲಭ್ಯದ ಬೆಂಬಲ ಪಡೆದಿದೆ. ಇದರೊಂದಿಗೆ ವೈಫೈ, ಬ್ಲೂಟೂತ್, ಜಿಪಿಎಸ್‌, ಸೇರಿದಂತೆ ಇತ್ತೀಚಿನ ಅಗತ್ಯ ಆಯ್ಕೆಗಳನ್ನು ಮತ್ತು ಸೌಲಬ್ಯಗಳನ್ನು ಒಳಗೊಂಡಿದೆ.

ಬೆಲೆ ಎಷ್ಟಿದೆ

'ಹುವಾವೆ ಮೇಟ್‌ 30' ಬೆಲೆಯು EUR 799 (63,000ರೂ) ಆಗಿದ್ದು, ಸಿಲ್ವರ್, ಬ್ಲೂ, ಪರ್ಪಲ್ ಮತ್ತು ಬ್ಲ್ಯಾಕ್ ಬಣ್ಣಗಳ ಆಯ್ಕೆಯನ್ನು ಹೊಂದಿದೆ. ಮತ್ತು 'ಹುವಾವೆ ಮೇಟ್‌ 30 ಪ್ರೊ' ಬೆಲೆಯು EUR 1,099 (86,700ರೂ) ಆಗಿದ್ದು, ಲೆದರ್ ಫಾರೆಸ್ಟ್‌ ಗ್ರೀನ್, ಲೆದರ್ ಆರೆಂಜ್ ಫಿನಿಶ್ ಬಣ್ಣಗಳ ಆಯ್ಕೆಯನ್ನು ಪಡೆದಿದೆ. ಇನ್ನು 'ಹುವಾವೆ ಮೇಟ್‌ 30 ಪ್ರೊ 5G' ವೇರಿಯಂಟ್ ಬೆಲೆಯು EUR 1,199 (94,600ರೂ) ಬೆಲೆಯನ್ನು ಹೊಂದಿವೆ.

ಓದಿರಿ : ಫೋನಿನಲ್ಲಿ 'ಗೂಗಲ್‌ ಸರ್ಚ್' ಬಳಸಲು ಇಂಟರ್ನೆಟ್‌ ಬೇಕಾಗಿಯೇ ಇಲ್ಲ!