ಸ್ಯಾಮ್‌ಸಂಗ್‌ ಗ್ಯಾಲಕ್ಸಿ A34 ಸ್ಮಾರ್ಟ್‌ಫೋನ್‌ಗೆ ಭರ್ಜರಿ ರಿಯಾಯಿತಿ: ಭಾರೀ ಹಣ ಉಳಿತಾಯ!

ಸ್ಯಾಮ್‌ಸಂಗ್‌ ಫೋನ್‌ಗಳು (Samsung phone) ಆಪಲ್‌ ನಂತರದ ಸ್ಥಾನವನ್ನು ಪಡೆದುಕೊಂಡಿವೆ. ಈ ಫೋನ್‌ಗಳಿಗೆ ಭಾರತದಲ್ಲಿ ಅಗಾದವಾದ ಬೇಡಿಕೆ ಇದ್ದು, ಈ ನಡುವೆ ಕೆಲವು ಇ-ಕಾಮರ್ಸ್‌ ಸೈಟ್‌ ಮೂಲಕ ಈ ಫೋನ್‌ಗಳಿಗೆ ಆಫರ್‌ ಸಹ ನೀಡಲಾಗುತ್ತದೆ. ಅದರಂತೆ ಮಾರುಕಟ್ಟೆಯಲ್ಲಿ ಅತ್ಯಂತ ಬೇಡಿಕೆ ಇರುವ ಸ್ಯಾಮ್‌ಸಂಗ್‌ ಗ್ಯಾಲಕ್ಸಿ A34 (Samsung Galaxy A34 ) ಫೋನ್‌ಗೆ ದೊಡ್ಡ ರಿಯಾಯಿತಿ ನೀಡಲಾಗಿದೆ.

ಹೌದು, ಸ್ಯಾಮ್‌ಸಂಗ್‌ ಗ್ಯಾಲಕ್ಸಿ A34 ಫೋನ್‌ ಅನ್ನು ಖರೀದಿ ಮಾಡಬೇಕು ಎಂದರೆ ಈ ಸುವರ್ಣಾವಕಾಶ ಮಿಸ್‌ ಮಾಡಿಕೊಳ್ಳಬೇಡಿ. ಸ್ಯಾಮ್‌ಸಂಗ್ ಇಂಡಿಯಾದ ಅಧಿಕೃತ ಆನ್‌ಲೈನ್ ಸ್ಟೋರ್‌ನಲ್ಲಿ ಈ ಫೋನ್‌ಗೆ ರಿಯಾಯಿತಿ ಘೋ‍ಷಣೆ ಮಾಡಲಾಗಿದ್ದು, ಈ ಫೋನ್‌ ಅಮೋಲೆಡ್‌ ಡಿಸ್‌ಪ್ಲೇ ಆಯ್ಕೆ ಹಾಗೂ ಸ್ಟೀರಿಯೋ ಸ್ಪೀಕರ್‌ ಸೇರಿದಂತೆ ವಿ‍ಶೇಷ ಫೀಚರ್ಸ್‌ ಆಯ್ಕೆ ಪಡೆದುಕೊಂಡಿದೆ. ಹಾಗಿದ್ರೆ, ಈ ಫೋನ್‌ನ ಆಫರ್‌ ಬೆಲೆ ಎಷ್ಟು?, ಫೀಚರ್ಸ್‌ ಏನು? ಎಂಬ ಬಗ್ಗೆ ತಿಳಿಯೋಣ ಬನ್ನಿ.

ಸ್ಯಾಮ್‌ಸಂಗ್‌ ಗ್ಯಾಲಕ್ಸಿ A34 ಗೆ ಭರ್ಜರಿ ಆಫರ್‌: ಮಧ್ಯಮ ಶ್ರೇಣಿಯ ಈ ಫೋನ್ ಇತ್ತೀಚೆಗೆ ಲಾಂಚ್‌ ಆಗಿದ್ದು, ಈಗ ಈ ಫೋನ್‌ 4,000 ರೂಪಾಯಿಗಳ ಬೆಲೆ ಕಡಿತ ಕಂಡಿದೆ. ಈ ಮೂಲಕ ನೀವು ಸ್ಯಾಮ್‌ಸಂಗ್‌ನ ಅಧಿಕೃತ ಸೈಟ್‌ ಮೂಲಕ ಕೇವಲ 26,999 ರೂ.ಗಳಿಗೆ ಖರೀದಿ ಮಾಡಬಹುದಾಗಿದೆ. ಅದರಲ್ಲೂ ಮೂವತ್ತು ಸಾವಿರದ ಒಳಗೆ ಲಭ್ಯ ಇರುವ ಫೋನ್‌ಗಳಲ್ಲಿ ಈ ಫೋನ್‌ ಉತ್ತಮ ಆಯ್ಕೆಯಾಗಿದೆ.

ಈ ಫೋನ್ ಎರಡು ವೇರಿಯಂಟ್‌ ಆಯ್ಕೆಯಲ್ಲಿ ಲಭ್ಯ ಇದ್ದು, ಈಗ ಆಫರ್‌ ಬೆಲೆಯಲ್ಲಿ ಕಾಣಿಸಿಕೊಂಡಿರುವ ಫೋನ್ 6GB + 128GB ವೇರಿಯಂಟ್‌ನದ್ದಾಗಿದೆ. ಈ 5G ಫೋನ್ ಅನ್ನು ಇತ್ತೀಚೆಗೆ ಭಾರತದಲ್ಲಿ 30,999 ರೂ.ಗಳ ಆರಂಭಿಕ ಬೆಲೆಯೊಂದಿಗೆ ಲಾಂಚ್‌ ಮಾಡಲಾಗಿತ್ತು. ಈ ಡಿಸ್ಕೌಂಟ್‌ನೊಂದಿಗೆ ಇನ್ನೂ ಕಡಿಮೆ ದರದಲ್ಲಿ ಈ ಫೋನ್‌ ಖರೀದಿ ಮಾಡಬೇಕು ಎಂದರೆ ಕೆಲವು ಬ್ಯಾಂಕ್‌ ಕಾರ್ಡ್ ಬಳಕೆ ಮಾಡಬಹುದು.

ಈ ಫೋನ್‌ ಅನ್ನು ಈ ಬೆಲೆಯಲ್ಲಿ ಖರೀದಿ ಮಾಡಲು ಯೋಗ್ಯವೇ?: ಆಗಾಗ್ಗೆ ಎಲ್ಲಾ ಫೋನ್‌ಗಳಿಗೂ ಸಹ ಆಫರ್ ನೀಡಲಾಗುತ್ತದೆ. ಆದರೆ ಕಡಿಮೆ ಬೆಲೆಗೆ ಸಿಗುತ್ತದೆ ಎಂದು ಕಣ್ಣು ಮುಚ್ಚಿಕೊಂಡು ಖರೀದಿ ಮಾಡುವುದು ತಪ್ಪಾಗುತ್ತದೆ. ಪರಿಣಾಮ ಮುಂದಿನ ದಿನಗಳಲ್ಲಿ ನೀವು ಸಮಸ್ಯೆ ಎದುರಿಸಬೇಕಾಗುತ್ತದೆ. ಇದಕ್ಕಾಗಿ ಈ ಬೆಲೆಗೆ ಈ ಫೋನ್‌ ಸಿಗುತ್ತಿದೆ ಎಂದರೆ ಅದು ಯೋಗ್ಯವೇ ಎಂದು ಅರಿತುಕೊಳ್ಳುವುದು ಉತ್ತಮ.

ಈ ಫೋನ್ ಬಲವಾದ ಬಾಳಿಕೆ, ದೀರ್ಘಾವಧಿಯ ಆಂಡ್ರಾಯ್ಡ್‌ ಸಾಫ್ಟ್‌ವೇರ್ ಬೆಂಬಲ, ಅತ್ಯುತ್ತಮ ಡಿಸ್‌ಪ್ಲೇ, ದೊಡ್ಡ ಬ್ಯಾಟರಿ ಮತ್ತು ವಿಶ್ವಾಸಾರ್ಹ ಸಾಮಾನ್ಯ ಕಾರ್ಯಕ್ಷಮತೆಯನ್ನು ನೀಡುತ್ತದೆ. ಆದಾಗ್ಯೂ, ಈ ಫೋನ್‌ನಲ್ಲಿ ಚಾರ್ಜರ್ ಅನ್ನು ನೀಡಲಾಗುವುದಿಲ್ಲ. ಇದರಿಂದಾಗಿ ಮನೆಯಲ್ಲಿ ಇರುವ ಯಾವುದೇ ಚಾರ್ಜರ್ ಅನ್ನು ಬಳಕೆ ಮಾಡಬಹುದು. ಚಾರ್ಜಿಂಗ್ ವೇಗವನ್ನು ಬಯಸುವವರು ಸ್ಯಾಮ್‌ಸಂಗ್ ಚಾರ್ಜರ್ ಅನ್ನು ಖರೀದಿಸಬೇಕು. ಕಂಪನಿಯು 25W ವೇಗದ ಚಾರ್ಜರ್‌ಗೆ ಬೆಂಬಲವನ್ನು ಒದಗಿಸಿದೆ. ಇದರೊಂದಿಗೆ ಈ ಫೋನ್‌ನ ಕ್ಯಾಮರಾ ಕಾರ್ಯಕ್ಷಮತೆ ಉತ್ತಮವಾಗಿದ್ದು, ವಿಡಿಯೋವನ್ನು ರೆಕಾರ್ಡ್ ಹಾಗೂ ಫೋಟೋ ಸೆರೆಹಿಡಿಯಲು ಅತ್ಯುತ್ತಮವಾದ ಆಯ್ಕೆಯಾಗಿದೆ.

ಸ್ಯಾಮ್‌ಸಂಗ್‌ ಗ್ಯಾಲಕ್ಸಿ A34 ಫೀಚರ್ಸ್‌: ಈ ಸ್ಮಾರ್ಟ್‌ಫೋನ್‌ 6.6 ಇಂಚಿನ ಅಮೋಲೆಡ್‌ FHD+ ಡಿಸ್‌ಪ್ಲೇ ಹೊಂದಿದ್ದು, ಈ ಮೂಲಕ ವಿಡಿಯೋ ವೀಕ್ಷಣೆಯಲ್ಲಿ ಹಾಗೂ ಗೇಮಿಂಗ್‌ ಬಳಕೆಯಲ್ಲಿ ಅತ್ಯುತ್ತಮ ಅನುಭವ ಪಡೆದುಕೊಳ್ಳಬಹುದಾಗಿದೆ. ಜೊತೆಗೆ ಈ ಫೋನ್ ನಾಲ್ಕು ವರ್ಷಗಳ ಆಂಡ್ರಾಯ್ಡ್‌ ಓಎಸ್‌ ಬೆಂಬಲವನ್ನು ಮತ್ತು ಐದು ವರ್ಷಗಳ ಭದ್ರತಾ ಪ್ಯಾಚ್‌ಗಳನ್ನು ನೀಡಲಿದೆ.

ಉಳಿದಂತೆ ಈ ಫೋನ್ ಟ್ರಿಪಲ್ ರಿಯರ್‌ ಕ್ಯಾಮೆರಾ ಆಯ್ಕೆ ಪಡೆದಿದ್ದು, ಇದರಲ್ಲಿ OIS ಜೊತೆಗೆ 48 ಮೆಗಾಪಿಕ್ಸೆಲ್ ಪ್ರಾಥಮಿಕ ಸೆನ್ಸರ್‌, ಅಲ್ಟ್ರಾ-ವೈಡ್-ಆಂಗಲ್ ಲೆನ್ಸ್‌ನೊಂದಿಗೆ 8-ಮೆಗಾಪಿಕ್ಸೆಲ್ ಸೆಕೆಂಡರಿ ಸೆನ್ಸರ್‌ ಮತ್ತು 5 ಮೆಗಾಪಿಕ್ಸೆಲ್ ಮ್ಯಾಕ್ರೋ ಸೆನ್ಸರ್‌ ಆಯ್ಕೆ ಪಡೆದುಕೊಂಡಿದೆ. ಜೊತೆಗೆ ಸೆಲ್ಫಿಗಾಗಿ 13 ಮೆಗಾಪಿಕ್ಸೆಲ್ ಸೆನ್ಸರ್‌ ಆಯ್ಕೆ ನೀಡಲಾಗಿದೆ.

ಈ ಫೋನ್‌ನ ಬ್ಯಾಟರಿ ವಿಚಾರಕ್ಕೆ ಬಂದರೆ 5,000mAh ಸಾಮರ್ಥ್ಯದ ಬ್ಯಾಟರಿಯಿಂದ ಪ್ಯಾಕ್‌ ಆಗಿರುವ ಈ ಫೋನ್ ಉತ್ತಮ ಬ್ಯಾಕಪ್‌ ಬರವಸೆ ನೀಡುತ್ತದೆ. ಹಾಗೆಯೇ ಧೂಳು ಮತ್ತು ಸ್ಪ್ಲಾಶ್ ಪ್ರತಿರೋಧಕ್ಕಾಗಿ IP67 ರೇಟಿಂಗ್ ಆಯ್ಕೆ ಕೂಡ ಇದ್ದು, ಸ್ಯಾಮ್‌ಸಂಗ್‌ ಸ್ಟೀರಿಯೋ ಎಫೆಕ್ಟ್ಗಾಗಿ ಡ್ಯುಯಲ್ ಸ್ಪೀಕರ್‌ ಆಯ್ಕೆ ಸಹ ನೀಡಿದೆ. ಈ ಮೂಲಕ ಅತ್ಯುತ್ತಮವಾದ ಆಡಿಯೋ ಅನುಭವವನ್ನು ಪಡೆದುಕೊಳ್ಳಬಹುದು.