ಫ್ಲಿಪ್‌ಕಾರ್ಟ್ ಬಿಗ್ ಸೇವಿಂಗ್ ಡೇಸ್ ಸೇಲ್: ಈ ಐದು ಜನಪ್ರಿಯ ಫೋನ್‌ಗಳಿಗೆ ಭಾರಿ ರಿಯಾಯಿತಿ!

ಪ್ರಮುಖ ಇ-ಕಾಮರ್ಸ್‌ (E-commerce) ಸೈಟ್‌ ಆಗಿರುವ ಫ್ಲಿಪ್‌ಕಾರ್ಟ್‌ ಈಗಾಗಲೇ ಸಾಕಷ್ಟು ರಿಯಾಯಿತಿ ಸೇಲ್‌ಗಳನ್ನು ಆಯೋಜಿಸು ಮೂಲಕ ಗ್ರಾಹಕರಿಗೆ ಅಗ್ಗದ ದರದಲ್ಲಿ ಸ್ಮಾರ್ಟ್‌ ಡಿವೈಸ್‌ಗಳು (Smart device) ಸಿಗುವಂತೆ ಮಾಡಿದೆ. ಈ ನಡುವೆ ಫ್ಲಿಪ್‌ಕಾರ್ಟ್ ಬಿಗ್ ಸೇವಿಂಗ್ ಡೇಸ್ ಸೇಲ್ ಇನ್ನೇನು ಕೆಲವೇ ದಿನಗಳಲ್ಲಿ ಆರಂಭ ಆಗಲಿದ್ದು, ಇದರಲ್ಲಿ ಭಾರೀ ಜನಪ್ರಿಯತೆ ಇರುವ ಈ ಸ್ಮಾರ್ಟ್‌ಫೋನ್‌ಗಳಿಗೆ ರಿಯಾಯಿತಿ ನೀಡಲಾಗಿದೆ.

ಹೌದು, ಫ್ಲಿಪ್‌ಕಾರ್ಟ್‌ನ 'ಬಿಗ್ ಸೇವಿಂಗ್ ಡೇಸ್ ಸೇಲ್' (Big Savings Days Sale) ಆಗಸ್ಟ್ 4 ರಿಂದ ಆಗಸ್ಟ್ 9 ರವರೆಗೆ ನಡೆಯಲಿದ್ದು, ಈ ಸೇಲ್‌ನಲ್ಲಿ ಹಲವು ಡಿವೈಸ್‌ಗಳಿಗೆ ಬೊಂಬಾಟ್‌ ಡಿಸ್ಕೌಂಟ್‌ ನೀಡಲಾಗುತ್ತಿದೆ. ಅದರಲ್ಲಿ ಪ್ರಮಖವಾಗಿ ಐಫೋನ್‌ಗಳು, ಸ್ಯಾಮ್‌ಸಂಗ್‌ ಗ್ಯಾಲಕ್ಸಿ, ಪಿಕ್ಸೆಲ್‌ ಫೋನ್‌ಗಳಿಗೆ ನೀವು ನಿರೀಕ್ಷೆ ಮಾಡಿರದ ಡಿಸ್ಕೌಂಟ್‌ ಸಿಗಲಿದೆ. ಹಾಗಿದ್ರೆ, ಬನ್ನಿ ಯಾವೆಲ್ಲಾ ಫೋನ್‌ಗಳು ಎಷ್ಟು ಡಿಸ್ಕೌಂಟ್ (Discount) ಪಡೆಯಲಿವೆ ಎಂಬುದನ್ನು ನೋಡೋಣ.

ಐಫೋನ್ 14 : ಈ ಫೋನ್ (iPhone 14) 6.1 ಇಂಚಿನ ಡಿಸ್‌ಪ್ಲೇ ಹೊಂದಿದ್ದು, ಇದು 1170x2532 ಪಿಕ್ಸೆಲ್‌ ಸ್ಕ್ರೀನ್‌ ರೆಸಲ್ಯೂಶನ್‌ ಆಯ್ಕೆ ಪಡೆದುಕೊಂಡಿದೆ. ಜೊತೆಗೆ ಆಪಲ್‌ A15 ಬಯೋನಿಕ್ ಚಿಪ್‌ಸೆಟ್‌ನಲ್ಲಿ ಕಾರ್ಯನಿರ್ವಹಿಸುವ ಈ ಫೋನ್ 128GB/256GB/512GB ಇಂಟರ್‌ ಸ್ಟೋರೇಜ್ ಆಯ್ಕೆಯಲ್ಲಿ ಲಭ್ಯ. ಈ ಸೇಲ್‌ನಲ್ಲಿ ಇದನ್ನು ನೀವು 68,999ರೂ.ಗಳಿಗೂ ಕಡಿಮೆ ಬೆಲೆಗೆ ಖರೀದಿ ಮಾಡಬಹುದು.

ಐಫೋನ್ 11: ಐಫೋನ್ 11 (iPhone 11) ಫೋನ್‌ಗೂ ಸಹ ಈ ಸೇಲ್‌ನಲ್ಲಿ ಆಫರ್‌ ಘೋಷಣೆ ಮಾಡಲಾಗಿದೆ. ಈ ಫೋನ್ ಸಹ 6.1 ಇಂಚಿನ ಡಿಸ್‌ಪ್ಲೇ ಹೊಂದಿದ್ದು, ಇದು 828x1792 ಸ್ಕ್ರೀನ್‌ ರೆಸಲ್ಯೂಶನ್‌ ಸಾಮರ್ಥ್ಯ ಹೊಂದಿದೆ. ಜೊತೆಗೆ 4GB RAM ಆಯ್ಕೆಯೊಂದಿಗೆ 64GB/128GB/256GB ಇಂಟರ್‌ ಸ್ಟೋರೇಜ್‌ ಸಾಮರ್ಥ್ಯ ಪಡೆದಿರುವ ಫೋನ್ ಆಪಲ್ A13 ಬಯೋನಿಕ್ ಚಿಪ್‌ಸೆಟ್‌ ಬಲ ಪಡೆದುಕೊಂಡಿದೆ. ಇದರ ಆಫರ್‌ ಬೆಲೆ 41,999ರೂ.ಗಳಾಗಿದೆ.

ಐಫೋನ್ 14 ಪ್ಲಸ್‌: ಇನ್ನು ಐಫೋನ್ 14 ಪ್ಲಸ್‌ಗೂ (iPhone 14 Plus) ಸಹ ಈ ವೇಳೆ ರಿಯಾಯಿತಿ ಸಿಗಲಿದೆ. 2022 ರಲ್ಲಿ ಆಪಲ್‌ ಪರಿಚಯಿಸಿದ ಈ ಫೋನ್‌ ಬಹುಪಾಲು ಐಫೋನ್‌ 14 ಅನ್ನೇ ಹೋಲುತ್ತದೆ. ಆದರೆ, ಕೊಂಚ ಬದಲಾವಣೆ ಎಂದರೆ ದೊಡ್ಡ ಡಿಸ್‌ಪ್ಲೇ ಹಾಗೂ ದೊಡ್ಡ ಬ್ಯಾಟರಿ ಸಾಮರ್ಥ್ಯದ ಆಯ್ಕೆ. ಅದಾಗ್ಯೂ ಈ ಫೋನ್‌ಗೆ ರಿಯಾಯಿತಿ ಎಷ್ಟು ಸಿಗಲಿದೆ ಎಂಬುದನ್ನು ತಿಳಿಸಲಾಗಿಲ್ಲ.

ಸ್ಯಾಮ್‌ಸಂಗ್‌ ಗ್ಯಾಲಕ್ಸಿ S22+: ಐಫೋನ್ ಹೊರತುಪಡಿಸಿದರೆ ಸ್ಯಾಮ್‌ಸಂಗ್‌ ಗ್ಯಾಲಕ್ಸಿ S22+(Samsung Galaxy S22+)ಫೋನ್‌ಗೂ ಈ ವೇಳೆ ಬಾರೀ ರಿಯಾಯಿತಿ ಸಿಗಲಿದೆ. ಈ ಫೋನ್‌ನ ಪ್ರಸ್ತುತ 59,999ರೂ.ಗಳಾಗಿದೆ.ಆದರೆ ಸೇಲ್‌ ಆರಂಭ ಆದ ನಂತರ ಈ ಫೋನ್‌ಗೆ ದೊಡ್ಡ ರಿಯಾಯಿತಿ ನೀಡಲಾಗುತ್ತದೆ ಎಂದು ತಿಳಿಸಲಾಗಿದೆ.ಈ ಫೋನ್ 6.6 ಇಂಚಿನ ಡಿಸ್‌ಪ್ಲೇ ಹೊಂದಿದ್ದು,1080x2340 ಪಿಕ್ಸೆಲ್‌ ಸ್ಕ್ರೀನ್ ರೆಸಲ್ಯೂಶನ್‌ ಆಯ್ಕೆ ಪಡೆದಿದೆ. ಜೊತೆಗೆ ಎಕ್ಸಿನೋಸ್ 2200 ಪ್ರೊಸೆಸರ್‌ ಹಾಗೂ 4500mAh ಸಾಮರ್ಥ್ಯದ ಬ್ಯಾಟರಿ ಮೂಲಕ ವಿಶೇ‍ಷ ಎನಿಸಿದೆ.

ಪಿಕ್ಸೆಲ್‌ 6a: ಗೂಗಲ್‌ ಪಿಕ್ಸೆಲ್‌(Pixel 6a) ಫೋನ್‌ಗಳಿಗೂ ಸಹ ಭಾರೀ ಬೇಡಿಕೆ ಇದ್ದು, ನೀವು ಈ ವೇಳೆ ಕೈಗೆಟಕುವ ದರದಲ್ಲಿ ಈ ಫೋನ್‌ ಖರೀದಿ ಮಾಡಬಹುದು. ಈ ಫೋನ್ 6.1 ಇಂಚಿನ ಡಿಸ್‌ಪ್ಲೇ ಹೊಂದಿದ್ದು, 1080x2400 ಪಿಕ್ಸೆಲ್‌ ಸ್ಕ್ರೀನ್‌ ರೆಸಲ್ಯೂಶನ್‌ ಸಾಮರ್ಥ್ಯದೊಂದಿಗೆ ಆಕರ್ಷಕವಾಗಿದೆ. ಜೊತೆಗೆ ಗೂಗಲ್ ಟೆನ್ಸರ್ ಪ್ರೊಸೆಸರ್‌ ಬಲ ಪಡೆದಿದ್ದು, 6GB RAM ಹಾಗೂ 128GB ಇಂಟರ್‌ ಸ್ಟೋರೇಜ್ ಆಯ್ಕೆಯೊಂದಿಗೆ ಉತ್ತಮ ಅನುಭವ ನೀಡಲಿದೆ. ಈ ಫೋನ್‌ನ ಬ್ಯಾಟರಿ ಸಾಮರ್ಥ್ಯ 4410mAh.

ಇನ್ನು ಬ್ಯಾಂಕ್ ಕಾರ್ಡ್ ಆಫರ್‌ಗಳು ಮತ್ತು ಹೆಚ್ಚುವರಿ ರಿಯಾಯಿತಿಗಳ ನಿಖರವಾದ ವಿವರಗಳನ್ನು ಫ್ಲಿಪ್‌ಕಾರ್ಟ್ (Flipkart) ಇನ್ನೂ ದೃಢೀಕರಿಸದಿದ್ದರೂ, ಈ ಸೇಲ್‌ ಆಗಸ್ಟ್ 4 ರಂದು ಮಧ್ಯಾಹ್ನ 12:00 ಗಂಟೆಗೆ ಪ್ರಾರಂಭವಾಗುತ್ತದೆ. ಇದರೊಂದಿಗೆ ಇನ್ನೂ ಹತ್ತು ಹಲವು ಸ್ಮಾರ್ಟ್‌ಫೋನ್‌ಗಳ ಶ್ರೇಣಿಯ ಮೇಲೆ ಆಕರ್ಷಕ ರಿಯಾಯಿತಿಗಳೊಂದಿಗೆ, ಫ್ಲಿಪ್‌ಕಾರ್ಟ್ ಬಿಗ್ ಸೇವಿಂಗ್ ಡೇಸ್ ಮಾರಾಟವು ಗ್ರಾಹಕರಿಗೆ ಭಾರೀ ಹಣ ಉಳಿತಾಯ ಮಾಡಲಿದೆ.