ನಿಮ್ಮ ಸಂಬಳದಲ್ಲಿ PF ಹಣ ಕಡಿತವಾಗುತ್ತಿದೆಯೇ? ಹಾಗಿದ್ರೆ, ಈ ಬಗ್ಗೆ ತಿಳಿದಿರಿ!

ಉದ್ಯೋಗಿಗಳ ಪಾಲಿಗೆ ಭವಿಷ್ಯ ನಿಧಿ (PF) ಸಂಕಷ್ಟದ ಸಂದರ್ಭದಲ್ಲಿ ಆರ್ಥಿಕ ಆಧಾರ ಸ್ತಂಭ ಎಂದೇ ಗುರುತಿಸಿಕೊಂಡಿದೆ. ಉದ್ಯೋಗಿಗಳ ಭವಿಷ್ಯ ನಿಧಿ ಸಂಸ್ಥೆ (EPFO) ಸಂಸ್ಥೆಯು ಉದ್ಯೋಗಿಗಳಿಗೆ ಹಲವು ಅನುಕೂಲಕರ ಆನ್‌ಲೈನ್‌ ಸೇವೆಗಳನ್ನು ಪರಿಚಯಿಸಿದೆ. ಪಾಸ್‌ಬುಕ್‌ ಮಾಹಿತಿ, ನಾಮಿನಿ ಸೇರ್ಪಡೆ, ಪಿಂಚಣಿ ಸೇವೆ ಸೇರಿದಂತೆ ಹಲವು ಸೇವೆಗಳು ಲಭ್ಯ ಇವೆ. ಅದಾಗ್ಯೂ, ಕೆಲವು ಫಾರ್ಮ್‌ಗಳ ಬಗ್ಗೆ ನೌಕರರು ತಿಳಿಯುವುದು ಉತ್ತಮ.

ಉದ್ಯೋಗಿಗಳು ಈ ಪ್ರಮುಖ ಪಿಎಫ್ ಫಾರ್ಮ್‌ಗಳ ಬಗ್ಗೆ ಮಾಹಿತಿ ತಿಳಿಯುವುದು ಉತ್ತಮ:

ಫಾರ್ಮ್ 10C: ಉದ್ಯೋಗಿಗಳ ಪಿಂಚಣಿ ಯೋಜನೆಗೆ (EPS) ನಿಮ್ಮ ಉದ್ಯೋಗದಾತರು ಪಾವತಿಸಿದ ಕೊಡುಗೆಯ ಮೊತ್ತವನ್ನು ಕ್ಲೈಮ್ ಮಾಡಲು ಈ ಫಾರ್ಮ್ ಅಗತ್ಯ ಇದೆ.

ಫಾರ್ಮ್ 10D: ಮಾಸಿಕ ಪಿಂಚಣಿ ಪಡೆಯಲು ಈ ಫಾರ್ಮ್ ಅವಶ್ಯ ವಾಗಿದೆ.

ಫಾರ್ಮ್ 13: ನೌಕರರು ಒಂದು ಕಂಪನಿಯಿಂದ ಇನ್ನೊಂದು ಕಂಪನಿಗೆ ಬದಲಾಯಿಸಿದಾಗ PF ಹಣವನ್ನು ವರ್ಗಾಯಿಸಲು ಈ ಫಾರ್ಮ್ ಮುಖ್ಯ..

ಫಾರ್ಮ್ 20: ಇಪಿಎಫ್‌ಒ ಫಲಾನುಭವಿಯ ಮರಣದ ಸಂದರ್ಭದಲ್ಲಿ ಅವರ ಕುಟುಂಬ, ಉತ್ತರಾಧಿಕಾರಿ ಅಥವಾ ನಾಮಿನಿ ಪಿಎಫ್ ಹಣವನ್ನು ಪಡೆಯಲು ಈ ಫಾರ್ಮ್ ನೆರವಾಗಲಿದೆ.

ಫಾರ್ಮ್ 31: EPF ಖಾತೆಯಿಂದ ಹಿಂಪಡೆಯಲು ಮತ್ತು ಸಾಲಕ್ಕಾಗಿ ಈ ಫಾರ್ಮ್ ಅಗತ್ಯವಿದೆ.

ಫಾರ್ಮ್ 51 ಎಫ್: ಇಪಿಎಫ್‌ಒ ಫಲಾನುಭವಿ ಮರಣಹೊಂದಿದರೆ ವಿಮಾ ಯೋಜನೆಯಡಿ ಹಣವನ್ನು ಪಡೆಯಲು ಕುಟುಂಬದ ಸದಸ್ಯರು, ವಾರಸುದಾರರು ಅಥವಾ ನಾಮಿನಿಗಳು ಈ ಫಾರ್ಮ್ ಅನ್ನು ಬಳಸಬೇಕಾಗುತ್ತದೆ.

ಬಳಕೆದಾರರು ತಮ್ಮ UAN ನೊಂದಿಗೆ ಇ-ನಾಮನಿರ್ದೇಶನವನ್ನು ಸಲ್ಲಿಸಲು ಈ ಕ್ರಮ ಅನುಸರಿಸಿ:
* EPFO ವೆಬ್‌ಸೈಟ್ ತೆರೆಯಿರಿ (https://epfindia.gov.in/)
* ನಂತರ ಸೇವೆಗಳನ್ನು ಆಯ್ಕೆಮಾಡಿ ಮತ್ತು "ಉದ್ಯೋಗಿಗಳಿಗಾಗಿ" ಕ್ಲಿಕ್ ಮಾಡಿ.
* ಇದು ನಿಮ್ಮನ್ನು "ಉದ್ಯೋಗಿಗಳಿಗಾಗಿ" ಪುಟಕ್ಕೆ ಮರುನಿರ್ದೇಶಿಸುತ್ತದೆ. ಅಲ್ಲಿಂದ, ಸೇವೆಗಳ ವಿಭಾಗಕ್ಕೆ ಹೋಗಿ ಮತ್ತು "ಸದಸ್ಯ UAN/ಆನ್‌ಲೈನ್ ಸೇವೆ (OCS/OTCP)" ಆಯ್ಕೆಮಾಡಿ.

* ನಂತರ ಮೇಲಿನ ಆಯ್ಕೆಯನ್ನು ಆರಿಸಿ ಮತ್ತು ನಿಮ್ಮ UAN ಮತ್ತು ಪಾಸ್‌ವರ್ಡ್‌ನೊಂದಿಗೆ ಲಾಗ್ ಇನ್ ಮಾಡಿ.
* ನಂತರ ಮ್ಯಾನೇಜ್ ಟ್ಯಾಬ್‌ಗೆ ಹೋಗಿ ಮತ್ತು ನಾಲ್ಕನೇ ಆಯ್ಕೆಯನ್ನು ಆರಿಸಿ - ಇ-ನಾಮನಿರ್ದೇಶನ.
* 'ವಿವರಗಳನ್ನು ಒದಗಿಸಿ' ಟ್ಯಾಬ್ ನಿಮ್ಮ ಪರದೆಯ ಮೇಲೆ ಕಾಣಿಸುತ್ತದೆ. ಸೇವ್ ಆಯ್ಕೆಯ ಮೇಲೆ ಕ್ಲಿಕ್ ಮಾಡಿ.

* ಕುಟುಂಬದ ಘೋಷಣೆಯನ್ನು ನವೀಕರಿಸಲು ಹೌದು ಅನ್ನು ಕ್ಲಿಕ್ ಮಾಡಿ, ನಂತರ "ಕುಟುಂಬದ ವಿವರಗಳನ್ನು ಸೇರಿಸಿ" ಕ್ಲಿಕ್ ಮಾಡಿ ಅಲ್ಲಿ ನೀವು ಒಂದಕ್ಕಿಂತ ಹೆಚ್ಚು ನಾಮಿನಿಗಳನ್ನು ಸೇರಿಸಬಹುದು.
* 'ನಾಮನಿರ್ದೇಶನ ವಿವರಗಳು' ಆಯ್ಕೆ ಮಾಡಿ. * 'ಸೇವ್ ಇಪಿಎಫ್/ಇಡಿಎಲ್ಐ ನಾಮಿನೇಷನ್' ಮೇಲೆ ಕ್ಲಿಕ್ ಮಾಡಿ
* ಒನ್-ಟೈಮ್ ಪಾಸ್‌ವರ್ಡ್ (OTP) ಅನ್ನು ರಚಿಸಲು 'e-sign' ಅನ್ನು ಕ್ಲಿಕ್ ಮಾಡಿ ಮತ್ತು ಅದನ್ನು ನಿಮ್ಮ ಆಧಾರ್‌ನೊಂದಿಗೆ ಲಿಂಕ್ ಮಾಡಲಾದ ಮೊಬೈಲ್ ಸಂಖ್ಯೆಗೆ ಸಲ್ಲಿಸಿ.

PF ಬ್ಯಾಲೆನ್ಸ್ ಚೆಕ್ ಮಾಡಲು ಹೀಗೆ ಮಾಡಿ:
* ಅಧಿಕೃತ EPFO ವೆಬ್‌ಸೈಟ್‌ಗೆ ಭೇಟಿ ನೀಡಿ epfindia.gov.in.
* ಡ್ಯಾಶ್‌ಬೋರ್ಡ್‌ನ ಮೇಲ್ಭಾಗದಲ್ಲಿ ಉಲ್ಲೇಖಿಸಲಾದ 'ಸರ್ವೀಸ್‌' ವಿಭಾಗದ ಮೇಲೆ ಕ್ಲಿಕ್ ಮಾಡಿ. ಈ ವಿಭಾಗದ ಅಡಿಯಲ್ಲಿ, 'ಉದ್ಯೋಗಿಗಳಿಗಾಗಿ' ಆಯ್ಕೆಯ ಮೇಲೆ ಕ್ಲಿಕ್ ಮಾಡಿ. * ನಂತರ, ಹೊಸ ಪೇಜ್ ತೆರೆಯುತ್ತೆ, 'ಸರ್ವೀಸ್‌' ಆಯ್ಕೆಯಲ್ಲಿ ಕಾಣಿಸುವ 'ಸದಸ್ಯ ಪಾಸ್‌ಬುಕ್' ಆಯ್ಕೆಯ ಮೇಲೆ ಕ್ಲಿಕ್ ಮಾಡಿ.
* 'ಸದಸ್ಯ ಪಾಸ್‌ಬುಕ್' ಅನ್ನು ಆಯ್ಕೆ ಮಾಡಿದ ನಂತರ, ಚಂದಾದಾರರನ್ನು ಲಾಗಿನ್ ಪೇಜ್‌ಗೆ ನಿರ್ದೇಶಿಸಲಾಗುತ್ತದೆ.
* ಪಾಸ್‌ವರ್ಡ್‌ನೊಂದಿಗೆ UAN ವಿವರಗಳನ್ನು ನಮೂದಿಸಿ ಮತ್ತು ಕ್ಯಾಪ್ಚಾ ಕೋಡ್‌ಗೆ ಉತ್ತರಿಸಿ. ನಂತರ 'ಲಾಗಿನ್' ಕ್ಲಿಕ್ ಮಾಡಿ.
* ಇದರ ನಂತರ, ಚಂದಾದಾರರನ್ನು ಮುಖ್ಯ EPF ಖಾತೆಗೆ ನಿರ್ದೇಶಿಸಲಾಗುತ್ತದೆ, ಅಲ್ಲಿ ಉದ್ಯೋಗಿಗಳು ಮಾಹಿತಿ ಕಾಣಬಹುದು.